الله يخليكم طمنوني

[أم عزوز*]

انا في نهاية الشهر التاسع ونزل مني الله يكرمكم إفرازات عليها دم قبلها إفرازات
جامده لونه أخضر تكرمون !!
مدري وش اسوي هذه علامة ولاده ولا ايش ؟؟ أروح للدكتوره ولا لا ؟؟
رغم اني ماحس ألم بس عندي الم في ظهري ورجليني !!
وش أشرب اذا كانت علامة ولاده طمنوني الله يخليكم :(

[**سماسم**]

يالغاليه إن شاء الله هذي من علامات قرب الولاده حاولي تمشين قدر إستطاعتج وإشربي أشياء دافيه مثل القرفه ..
وأكيد ضروري تروحين لدكتوره حتى تطمنين على الوضع
وربي يسهل لج ويقومج بالسلامه أنتي ونونو
,,

[أم عزوز*]

ان شاء الله بشرب قرفه .. بس متخوفه اروح للدكتوره اخاف استعجل
ويبهذلوني عندهم واخذ طلق صناعي !!
تسلمي ياعسل

[ام شوق2]

اختي ما في شك انها علامة ولاده قريبه بس انصحك تروحي تطمني على وضع الطفل واسال الله العظيم رب العرش الكريم ان يقومك ويقومني وجميع المسلمات بالسلامه

[أم عزوز*]

اللهم آمين ام شوق تسلمي ع مرورك
طيب أنا عندي الم في اسفل الظهر مع رجولي لكن مافي في البطن هل هو طلق ؟؟

[أمومه ومحبه]

هذه من علامات الولاده يالغاليه ..
حاولي تتحركين او تسوين شي بالبيت وان زاد عليك الم في رجولك روحي للدكتوره ..
او على الاقل كلميها وقولي لها انها نزلت علامات الولاده ..

والله يسهل لك يارب الولاده وتفرحين بجنينك على ايدينك يارب العالمين ..

[ام شوق2]

اذا كان الالم متواصل فهو اكيد من الثقل اما اذا كان يروح ويرجع فهو بلا شك طلق الله يهونها

[أم عزوز*]

رحت للدكتوره وكشفت عليا قالت لسا الرحم شوي بعيد بس ممكن الرحم ينفتح اي وقت
وعملت لي سونار قالت لكي 40 اسبوع بالضبط يعني انتهيت من التاسع واعطتني موعد ليوم
الخميس قالت نسوي لكي طلق صناعي او قيصري لأنه ماشاء الله الجنين وزنه صار كبير
والله يكتب اللي فيه الخير اشكركم ع حضوركم لاتنسوني من دعائكم < ميته خوف ومرعوبه :(

[اميرةفى امانيها]

انصحك روحى المستشفى وتطمنى على نفسك والجنين واللة يسهل ولادتك ياااارب

[حنين الجنة]

اى حبيبتى هاى علامات الولادة تابعي طبيبتك لان الافرازات الخضراء مو زينه