قصة ولادة مروومه ب (يزيد) نور عيون مامه

[مرومه]

السلام عليكم ورحمة الله وبركاته

بالنسبه لقصة ولادتي كثير كنت اقرى واقول بنفسي متى يجي اليوم اللي اقول فيه

قصتي من كثر جلست انتظر المحروس وخلص شهري وهو ولا طاري عليه ابد

رحت عند دكتوره معروفه اسمها لمياء السيد على حسابي قبل موعد ولادتي 29-12

بيوم

سوت لي سونار قالت انتي خلاص قربتي يوم يومين بالكثير وانتي والده وضعك تمام والنونو نازل مره

مر اسبوع ماشفت شي

رحت في نص الأسبوع لمستشفى العسكري الطواري فحصوني وقالوا متأخره اسبوع

عن موعدك والرحم فاتح 1سم( الفحص الداخلي مايوجع لأني تعاملت مع

الموقف بطريقة تنفسي واللي هي اخذ نفس عميييق اثناء الفحص مع زفير طويل)

المهم سوت لي الدكتوره تحريض وكان مؤلم نوعا ما بس اهم شي

ماشديت نفسي وفتحته 3سم وقالت اذا ماجا الطلق ولا انفكت موية الجنين ولا طلع معاك دم غزير
عندك موعد طلقك الصناعي يوم الربوع وخرجت
طول الأسبوع اللي بعده وانا امشي لعل وعسى يجي طلق وما جا والمستشفى يقولون اصبري مافي
سرير
بس نزل معاي دم 3 ايام وبعدها ماده ثقيله مثل بياض البيض بس لونها اورنج فاتح واستمرت معاي
حتى ولدت
رحت للدكتوره يوم السبت الصباح عند د لمياء اللي بالخاص قالت انتي متأخره اكثر من 15 يوم وما انصحك تتأخرين اليوم ضروري ولاده واللي ينزل معاك مو عارفه اش هو والرحم لسى فاتح 3سم
بعدهارجعت البيت ورتبت وضعي وملابسي ورحت المستشفى ياقاتل يامقتول
وادخل الطواري الساعه 6على ماكشفوا الساعه 9 ونص قالت انتي تنويم الحين لازم تحميلة طلق

واطلع على التنويم ويديني على قلبي ساعتين ومن قوة الخوف نزلت عليه مويه الجنين بس شوي

على ماجت الدكتوره وقاعده اطلع التحميله بيدها كأني اشوف رصاصه يمااااااااااااااه

فحصت قالت الرحم قاعد ينفتح ماشاء الله والحين اربعه ماتحتاجين وااااااااااااااااااااااااااو
وناسه الحمد لله
قالت بس امشي واجلس امشي طول الليل
بعدها الساعه 7 ونص الصباح نزلوني غرفة الولاده وادخل ولاقي اللي بالغرفه زنوج ثنتين
وبس ينافخون علي اهئ اهئ (ياعمري انا من جد اول مره احس اني وحيده وانرحم)
وادعي يارب وش ابي بذولا مافهم عليهم ولا يفهمون علي وفوق كذا جلفات ويدينهم ثقيله
والحمد لله ربي فرجها وجات استشاريه ومعها 5 اطباء امتياز قلت ماعليه رجال ولا
هالزنجيات
فحصت قالت الرحم فتح 5 سم الحين افك لك موية الجنين واركب لك جهاز النبض اللي ينحط براس
النونو
وبعدها راح ينفتح معاك الرحم بإنتظام وركبت لي المغذي وراحت

جات القابله سعوديه فديت قلبها تريح القلب
وتسر الخاطر
بعد مافكت المويه بدا الألم على خفيف كأنه مغص الدوره
وانا اترجاها ابغى ابرة الظهر الحين الحين (مدلعه ما تبغى تتألم)
قالت الدكتور عنده عمليات فوق اذا خلص جا وانتي وحظك ان شاء الله يجي لا تخافين
ياحياتي بس تترضى فيني وتداريني
والحمد لله على الساعه 11 ونص الضحى جا وطلب مني ما اتحرك والحمد لله وقتها لازال الألم خفيف
واعطاني الأبره
ياسلااااااااااام يعني يا دكتور ما بحس بولا شي قال ان شاء الله (قاعد يضحك )
والحمد لله كل ساعه ينفتح الرحم 1سم ولما وصل 8 اعطتني ابرة طلق صناعي وبدا معاي الدفع 2ونص الظهر
يجي ويروح الى الساعه 3 وربع (اصبح لحظات حياتي ) الله يكتب الأجر ولا يضيع لنا تعب
وادفع ادفع والنونو موراضي يطلع راسه من عنق الرحم ناشب فيه وياعمري انا ماعاد همني نفسي
اهم شي يزيد عندي
وادفع كم دفعه ونفس المعاناه خلاص بموت
واخر دفعه قلت يا أنا ياهو ودفعه طويله عرييييييييييييييييييييييييييييييييضه الا وحبيب قلب ماما نور
عليه الدنيا 3 ونص العصر يوم الأحد 13-1-1432
والله يابنات على اللي جايني من التعب والخوف قاعده اصيح وابكي اقول ليش موراضي يبكي اش فيه
قولوا لي فيه شي (بأعلى صوتي وانا ابكي)
والحمد لله والله مارتحت لما سمعته يبكي ياحياتي انا
بعدها جو اثنين من اطباء الإمتياز وخيطوني (صراحه وجعتني الخياطه لأن مفعول الإبره بدا يروح)
خيطوا مكان القطع من الخارج والداخل (ونسيت لا أسألهم وش نوع الخياطه اللي سووها)<< ياشيخه
فلذالك بسألكم انتووش نوع الخياطه اللي خيطوني اياها ؟؟؟؟؟؟؟؟؟؟؟؟
والحمد لله على ما اعطى والله كأني انولدت من جديد.







ملاحظات لكل بكريه واي وحده تبغى تستفيد
1- انا شخصيه خواااافه وموسوسه درجه اولى لكن الا الولاده والله ثم والله مافكرت فيها الا بلحظتها لما ودوني لغرفة الولاده بس موكله امري لله اهو شي التوكل على الله.

2- طول الوقت وانا ادعي (اللهم انزل الكسنه والطمأنينه على قلبي)( اللهم اشرح لي صدري ويسر لي امري)(حسبي الله لا اله الا هو عليه توكلت وهو رب العرش العظيم)
بين كل دفع والثانيه كنت اردد (اللهم يا مسهل الشديد ويا منجز الوعيد ويا ملين الحديد اخرجني من حلق الضيق الى اوسع الطريق بك ادفع ما لا اطيق ولا حول ولا قوة الا بالله العلي العظيم)

3- استخيري الله بأبرة الظهر ولا تجلسين لآخر لحظه وبعدين تطلبينها لا
حطي ببالك اذا بتاخذينها والا لأ قبل يودونك غرفة الولاده

4- كلااااااااااااااااااااااااااااااااام الحريم انتبههى تفتحين اذانك لهم ترى كل مره تختلف عن الثانيه وكل وحده لها قوة تحملها ويحبون المبالغه من كل قلوبهم

5- اخيرا اعلمي واجزمي بأن الله مارح يحملك فوووووق طاقتك ابدا وتذكري دائما (ربنا لا تحملنا مالا طاقة لنا به)

آسفه على الإطاله وان شاء الله تولدون ولاده ميسره سهله
وادعوا ربي يحفظ لي زوجي وولدي ويطمن بالي عليهم العمر كله

[انا]

الحمدلله ع سلامتك مروومة وأجر وعافية والله يحفظ يزيد// وتجيبي له أخت هههه لاتكفخيني ع الدعوة .

[●|ڄ۫۫ۅريےّْْْ|●]

3- استخيري الله بأبرة الظهر ولا تجلسين لآخر لحظه وبعدين تطلبينها لا
حطي ببالك اذا بتاخذينها والا لأ قبل يودونك غرفة الولاده

معك ححق وربي

أنا ما طلبتها اصلا انا مارحت الا وماعد في وقت بين الطلق كان حامي

و الرررحم بس 2 سسم

وربي شفت الموت حتىا ابرة االظهررر ما قدرت آآخذها

الله المسستعان

الحممدلله ع سسلامتك غلاااي

اهم شي قمتي بالسسلامه انتي و البيبي


ربي يطمن بالك عليه و علىا ابوه العمر كله يااارب

خخخخخخـ شوفتي كيف ربي استجاب دعواتنا و لدتي بطلق طبيعي

وبالنسسبه لولدك اللي مابغىا يشرف و يوم ششرف جالس يتغلىا و مابكى

حتىا بنتي ما بكت الا بعدين >يمكن توها تسستوعب المووقف

يالبيه وش شعورك لما حطووه جنبك يآآآي صح شي غرررررريب

ربي يخليه لك و يخلي لنا عيالنا و يرززق كل محروم و محرررومه

[●|ڄ۫۫ۅريےّْْْ|●]

فلذالك بسألكم انتووش نوع الخياطه اللي خيطوني اياها ؟؟؟؟؟؟؟؟؟؟؟؟

ههههههههه انا مثلك ما سسألت عن نوع الخياط

عقب ماراجعت صار كبسس

يارب تكوني كبسسس لأنو مره مريح

[شعاع الأمل]

الف مبروووووووووووووك ياقلبي

[سيناتورة]

مبرووووووووووووووك والحمد لله على سلامتك ياقمر

[my love]

ألف ألف ألف
مبرووووووووووك
والحمدلله على سلامتكم
ويتربى في عزكم ان شاء الله

[جنون بيبي]

الف الف الف مبروووووووووووووووووووووووك

[دانيه]

الف مبرووووووووووووووك و الحمدلله على سلامتكم انتي والعريس

[تراتيل]

الله يخلي لك زوجك وضناك

والحمدلله على سلامتك ويتربى بعزك يارب