حلوا مشكلتي

[انا غير]

السلام عليكم
بدون مقدمات زوجي يرفع الضغط كل ماقول جب الغرض الفلاني يروح يقول لابوة وابوة يجيب كيف اتعامل معاه وهذا الاسبوع قررت اروح لاهلي وش تنصحوني

[جنة الامومه]

فاهمي ان هذي اشياء شخصيه موكل من هب ودب لازم يعرفوها
وانه مو متعودة اذا طلبتي شيء الكل يدري عنه
قوليله مولازم اذا طلب شيء الكل يدري عنه

[**سماسم**]

طيب شنو السبب إلي يخليه قول لأبوه ؟ يعني والده أهو إلي يصرف عليه ؟!

[انا غير]

سلام
اذا بغي شي يطلب ابوة فلوس لانه مو متوظف بس ابوه فاتح له محل بس هو مايروح له والله ابوة طيب حيييييييييييل واحزن عليه لما يقظي حوايجي وهو جالس بس لما اقول له شي يقول ماعرف اجيب مثلا زي اغراض المطبخ وكمان الملابس والاغراض الخاصه اطلبوة ويروح يقول لاهله وامه تقول نروح انا وانتي من تزوجت ماقضيت حوايجي معها بس صابرة علشان اهله طيبين مع حييييييييييييييييييييييل ومابغي اضايقهم وحتي لما ابغي اروح لاهلي واهلي في منطقه ثانيه ابوة يودني طفشششششششششششانه منه حيييييييييييييل اسفه على الاطاله بس والله نفسي افضفض لاحدوانتم مثل اخواتي....

[عذبة الالحان]

اقسم با الله ما يستحي
شكل اهله معودينه على الرابخه
كلميه با اسلووب واذا ما اقتنع
وتعدين ابوه مثل ابوك اعزميه على قهوه ومن دون زوجك مايعرف
كلميه قولي له ارجوك انا ادري انك ماتقصر وربي شهادتي مجروحه فيك
بس ابيك اذا طلب منك شي تقول اعتمد على نفسك
بكره بعد عيني كيف تدبر حالك

[قطرات ندى]

كلام عذيه الالحان صحيح

[rose]

؟؟؟؟؟؟؟؟؟؟؟؟؟؟؟؟؟
كيف ترضي تتزوجي من واحد مو موظف
يعني ايام الخطوبة او الملكة اكيد كنت عارفة او كلمك وبينلك ظرووووووووفه
خلاص اتحملي دام رضيتي بالوضع من البداية انت اللي خليتيه يتطور لهالوضع اسفة بس هذي الصراحة

[انا غير]

شكرا عزيزاتي بصراحه هو يصير ولد خالي وابوة مره يموت فيه والله العظيم مارضيت الاعشانه وقلت الوظيفه مو مهمه مادام عنده تجارة ومع الوقت بتكبر تجارته لما اتزوج بغيره بس هو مو راضي يتغير انسان اتكالي بشكل مايتصور بس ابغي شي اسويه واحسسه بالذنب يمكن يتعدل بس مو عارفه اش اعمل له ......

[ام دلولي]

والله من راي انا عادي وخلي المركب يمشي وصدقيني بتتغير الحيااااه والي تبينه بيصيرر بس الصبر تحلي بالصبر

[اخت ذات النطاقين]

والله غريب طيب جربي تطلبين (الويز)وشوفي ايش يسوي