السـلام عليـكم
انا متجوزه من سنه وشويه ، زوجي مسافر ماشوفتوش اول سنه جوازنا غير شهر و شوية ! ):
يعني فرص تقابلنا قليلة .. ودا دفعني اكشف أولاً انا الدوره كانت مش منتظمه ، وأما كشفت الدكتور قالي عند تكيس من الدرجه التانيه .. اخدت علاج وآخر زياره بلغني ان الوضع اتحسن كتير عن الاول والتبويض تمام نوعا ما .. وأعطاني منظم للدوره وآخر دوره قبل ما ناخد المنظم. كانت يوم 10 وبعد. المنظم جت يوم عشره بردو ، والدكتور كتبلي حقن منشطه تحت الجلد من خامس يوم الدوره في شهر 8 الـ فات والدوره بعد المنشطات اخرت عشر ايّام وفضلت ينزل افرازات بني كتير ودم وعرفت انه كان تجمع دموي ونزل ،، والدوره انتظمنت معايا يعتبر ، اخر دوره كانت بتاريخ 20/10 الشهر الـ فات .. الشهر دا بتاريخ يوم 19 /11 المغرب نزل عليا افرازات بني فاتح اوي وحصل جماع واثناءه نزل إفراز بني ونقط دم صغيره ، والأفراز متقطع .. تاني يوم 20 الإفراز كان متنوع ما بين اصفر وبني وابيض شفاف ! يوم 21 كان الإفراز ابيض فقط ولا كأن كان بينزل حاجه .. والي الان بينزل افرازات بيضا بس سُمكها زاد وكتيره نوعاً ما .. حللت بول في البيت يوم 24 طلع سالب ! انا شاكه في نوع الـ التحليل هو early detection صيني هو .. حد جربه وهو نوع كويس ولا لأ وحد يقولي نوع تحليل كويس انا في الخليج .. الأعراض بقا الـ كانت عندي قبل الدوره بفتره صداع كذا يوم ، درجه حرارتي ارتفعت ، ونوم كتير جداً ، اما قبل معاد الدوره بيومن حسّيت بوخز في المبيض اليمين اول مره احس الإحساس دا وكان مفصل ركبتي اليمين بيوجعني بردو بس يوم واختفي الوجع ! و مغص خفيف جداً متقطع وجع ضهري لو مشيت مش قادره وبتعب ، بعد معاد الدوره حاليا ضهري واجعني جداً بالذات لو وقفت يا بنات وبيجلي زي وخز في السُره ومغص خفيف شويه في بطني وجنبي بس خفيف اوي ومتقطع وبنام كتير وصداع بيجلي ساعات
دلوقتي عاوزه اعرف دا ايه يا بنات حد حصل معه كدا وكان حامل ؟ وانا خايفه اعمل اختبار في الدم وأخسر جوزي فلوس خصوص انه مش شغال وخايفة اتصدم )’: .. وعندي مشكله أني مسافره يوم 30 ومحتاجه أتأكد عشان اخد مثبت انا في حيره شديده ادعولي بالله عليكم أكون حامل فعلا وربنا برزق جوزي بشغل لأني هسافر ومش هشوف جوزي الا شهر 8 السنه الجايه ان شاء الله .. اسفه طولت عليكم بس انا في غربه لوحدي ومعيش غير ربنا