تجربتي مع الدكتور بندر العبد الكريم

[طهرر السماء]

السلام عليكم ورحمة الله وبركاته

سمعت مدح كثير على الدكتور بندر وانه يستخدم الطريقه الحديثه لتحفيز
وكان هو الوحيد المتخصص بذلك فتحمست اتعالج عنده
اخذ موعد بالحبيب عند الدكتور وكان بالصدفه اليوم العاشر من الدوره .
طلب مني اسوي تحفيز وسويته كان الم خفيف لايذكر ولا حتى اخذ دقيقتن
بعدين قال شوفي اللي بالعلبه كان قطع لونها وردي فاتح على ابيض
قال ماشاء الله تبارك الله الرحم نظيف . وعطاني موعد 21 من الدوره
لتحفيز الثاني . عطاني مضاد 3 ايام واسبرين وحمض الفوليك .
بعدين رجعت له وسويت التحفيز الثاني . واعطاني نفس الادويه ..
قال تعالي ثاني يوم من الدوره ورحت له وعطاني ابر منشطه تحت الجلد
استخدمها بتوقيت معين وبعد خمس ابر سويت اشعه وكان الوضع تمام واعطاني
ابر منشطه نفس الاولى كان مقاسها 225 واعطاني زياده ابره 150 اعتقد مدتة ثلاث ايام
وسويت اشعه وزاد كمان يومين نفس الادويه وبعدها سويت اشعه
قال خلاص وقفي الابر وصرف لي ابره نفس اللي استخدمها 150
المغرب ضربتها وابره التفجيريه على الساعه 1 بالليل وقال تعالي بعد بكرة لعملية السحب
كان التفجيريه يوم الثلاثاء والعمليه الخميس . سويت سحب طلع 10 بويضات واللي تلقح
6بويضات سويت فحص وراثي للاجنه قبل الترجيع وصار جنين واحد هو السليم
من الدرجة الثالثه الحمدلله على قضاءه والله يطرح فيه البركه ..
سويت الترجيع بخامس يوم ...والحمدلله الان لحظة انتظار
دعواتكم لي بثبات جنيني وان يكون سليم الخِلقة والخُلق ..

[طهرر السماء]

نسيت اقولكم صرف الدكتور لي محلول ابيض اخذه بالوريد كان باليوم الثالث من الدوره مع ابر التنشيط
وايضا بعد ماسويت الترجيع نقلوني للغرفه وجلست فيها ساعتين بعدين طلعت لطوارى على كرسي متحرك
عشان اخذ المحلول الابيض وصرف لي ابر السيوله كلكزان واربع حبوب دفاستون 2صباح و2مساء مع اسبرين وحمض الفوليك وتحميله كريمي بعدين طلعت للفندق وارتحت على ظهري وسافرت من بكرا لمنطقتي .. ورابع يوم من الترجيع حسيت بمغص زي مغص الدورة بالضبط وحراره بالظهر بس مدري هو من النوم ع ظهري او لا واليوم لي 8 ايام من الترجيع واحس بغثيان حتى المويه ما اقدر ابلعها واتوقع منزالادويه اللي اخذها .
الله يثبت جنيني ويفرح قلبي وكل محروم بالذريه الصالحه المعافاه يارب العالمين

[Nonz5]

ماشاءالله
اسئل الله يثبته لك ويقر عينك بمولودك
بس معليش بستفسر كم تكلفه كلها لاني ابي اسوي انابيب وماعندي خلفيه

[طهرر السماء]

المشاركة الأصلية كتبت بواسطة nonz5

ماشاءالله
اسئل الله يثبته لك ويقر عينك بمولودك
بس معليش بستفسر كم تكلفه كلها لاني ابي اسوي انابيب وماعندي خلفيه

اللهم اميين والجميع .
العملية بحدود 9000 فحص الوراثي 8400 من غير الادوية والاشعة

[فطوم2018]

ياليت تطمنينا ايش يصير معك ،، ويارب تطلعي حامل يارب بارب ويثبت جنينك ويحفظه يارب