بسم الله الرحمن الرحيم
السلام عليكم ورحمة الله وبركاته
أخواتي ساعدوني بأمري لأني بصراحه ضعت فيه
انا أخر دورة لي كانت ب ٣٠/٥ و الدورة التانيه لازم تكون قبل امبارح
وعندي وجع بأسفل بطني و ظهري وإرهاق بشكل عام ...
عملت فحص بيتي مرتين اول مرة قبل الدورة ب٤ أيام والتاني امبارح .
الفحص الأول عملته الساعه 2 الظهر طلع خطين ، خط الحمل كان خفيف جدا
و الفحص التاني عملته عند صلاة الفجر طلع خطين ، خط الحمل كان خفيف بس واضح جدا
وبصراحه مو عارفه حالي لسا ازا حامل او لا وانا شلت اللولب بأخر يوم بدورتي الأخيرة
في كتير بيحكولي انو لما نشيل اللولب الدورة بتخربش
واختي بتحكيلي بلنسبة لفحص الحمل انو ممكن يكون زاد الهرمون لأني كتيييير نفسي بإني أحمل
و صحيح نسيت قلكم قبل الدورة بيومين عملت كمان فحص حمل بلمركز الطبي كان الساعه 10 ص تقريبا كنت ناوية أعملو بلدم بس الدكتور الله يسامحه كان كاتبلي بلورقة انو بلبول
وما كان معي وقت اعمل ورقة تانيه للفحص
ولما كنت بدي اعمل الفحص ما قبل ينزل شي بصعوبة لنزل وكان في ترسبات
ولما طلعت النتيجه كانت سلبيه
بصراحة انا ضعت بطلت عارفة حالي حامل او لا
مع العلم اني سلمت أمري لله و بطلت مهتمة كتير بلحمل هاد الشهر
وبعدها عملت الفحص الجديد وكان الهرمون زايد
أخواتي طمنوني في حد مر بهيك شي ؟ ؟ ؟