استفسار عن هذي الاعراض ..

[Seham.moh]

السلام عليكم
انا توني متزوجة قبل كم شهر ودورتي بتاريخ 29 هجري علما ان دورتي طولها29 يوم ، بتاريخ 14 او 15قمت من النوم وكان وضعي جدا طبيعي وبعد كم ساعة صرت اكثر دخول لدورة المياة وانتوا بكرامة ، وصرت احس بحرقان خفيف نهاية البول وكل ماله يزيد هالالم وصرت ادخل دورة المياة كل كم دقيقة وبنهاية اليوم ارتفعت درجة حرارتي بشكل ملحوظ وصار دخولي لدورة المياة طبيعي (قليل ) والحرقان راح ، نمت مسخنة ووضعي مع الحرقان ودخولي للحمام رجعوا طبيعين ما اشتكي الا من السخونة ، صحيت من ثاني يوم راحت السخونة تماما والحرقان ودخولي لدورة المياة كل كم دقيقة رجعوا مرة ثانية بس الجديد هالمرة ان اول ماصحيت من النوم ورحت لدورة المياة نزل مع البول ( وانتوا بكرامة ) بقعة دم بنية محمرّة بس مرة وحدة باليوم كله واحيانا لما امسح بالمنديل يكون فيه دم خفيفف جدا وردي او احمر فاتح جدا ، ومثل اليوم اللي قبله جا الليل خف الحرقان وسخنت بس اخف من اول يوم وهالمرة جاني صداع قوي ونمت ( مع العلم كنت حاطة ببالي اكثر شرب مويا لمدة ثلاث ايام واذا الاعراض لازمتني حتى لو بفترة معينة باليوم اروح للدكتورة ) اليوم الثالث كان اخس يوم مر علي صحيت من الم نص ظهري جهة اليسار ونص بطني من تحت جهة اليسار برضو يعني نصي اليسار يالمني الم فضيع ونصي اليمين مايشتكي من اي شي واضطريت اروح مستشفى وسويت تحاليل وقالت لي التهاب وصديد واخذت العلاج اللازم وسويت مزرعة ، اليوم الرابع صحيت من النوم ما اعاني من اي شيء !! ماكانه كان عندي اي الام ماشاء الله لا ظهر ولا بطن ولا صداع ولا سخونة ولا حرقان !! كملت علاجي وبعد كم يوم اخذت نتيجة المزرعة وكتبت لي ابره لمدة ثلاث ايام وبعدها مضاد سيكلور كل 12 ساعة اخذت الابرة اول يوم وبعدين ماتوفرت بالصيدليات ورحت قلت للدكتورة وقالت لي خلاص كملي حبوب لين تخلص العلبة
اسئلتي هي :
* هل الاعراض هذي واختفائها فجاة طبيعي !! اعذروني ع السؤال بس هالاعراض ماقد مرت علي ابدااا بحياتي كلها
* اذا كنت حامل هل سيكلور امن ع الحامل !؟ انا مو مستعجلة ع الحمل ولا اكره اني اكون حامل بالعكس بفرح .. بس فيه ناس يحذروا من هالمضاد للحامل واخاف اكون حامل ويضرني
* متى اقدر اسوي تست للحمل بالبيت علما ان دورتي شهر اربعة كانت 29 وشهر 3 كانت 30
* الاعراض مختفية تماما من ثاني يوم لزيارتي للدكتورة قبل تطلع نتيجة المزرعة بس حاليا الاعراض الموجودة عندي اجهاد وارهاق اذا اشتغلت، ظهري اذا كثرت حركة يعورني وما ارتاح الا اذا انسدحت او حطيت مخدة صغيرة ورا ظهري ، اذا كنت منسدحة وساندة ظهري وقمت فجاة بطني من تحت ناحية اليسار يشد علي شوي ، احيانا مع طلوع الدرج يجيني خفقان خفيف برضو ، واحيانا احس بدوخة
* اسفة ع الاطالة بس حبيت اتطمن لان هالدكتورة احسها تبي الفكة واسلوبها بالكلام مو مرتاحة له احسها بتمشيني بس وناوية اغيرها لو لاقدر الله ومريت بنفس الالام .. ويمكن تقولون اني ابالغ ومكبرة الامور بس بصراحة ماقد مريت باعراض زي كذا ( الحمدلله ) وهذي اول مرة لي واحس مو قادرة ارتاح نفسيا والسبة هلالام اللي تجي بدون سابق انذار :(
وجزاكم الله خير مقدما :)

[منووووور]

انا عرفت بك اتهابات في البول وصديد من اول ماقريت موضوعك

ماعليك شر حبيبتي

انطري فديتك لسى ع تحلليل

وسخونه الي كانت تجيك كانت هذي توبيض عندك

ماعليك شر ربي يحفظك

[mnoosh980]

التهابات بول وصديد انا حتني نفس الحاله وانا حامل بالشهر الثامن وتنومت بالمستشفى الاحسن تسوي تحليل بول

[عايشه يوسف]

من قبل اوصل انك كاتبه التهابات عرفت
ماعليك شررر الله يشفيككك عليك بالاكثار من المويه
لاتحاتين علئ الاعراض التهاب كذا يضرب بظهر والجنوب والبطن
وباالنسبه حق الحمل اذا دوره تاخرت عليكك حللي وتعرفين
ودامك ماخذه علاج وخايفه انك حامل حللي دم
الله يسهل امرككك

[Seham.moh]

يعطيكم الف عافية ماقصرتوا ..

[أسيرة الغروب]

كملي علاج الالتهابات عادي طالما اخدتي الدواء قبل موعد الدورة ما بضر الجنين واذا ما اجتك في موعدها وقفي الدواء وحللي حمل وان شاء الله ربي يكرمك بالحمل عاجل غير اجل
اللهم امين

[Seham.moh]

المشاركة الأصلية كتبت بواسطة أسيرة الغروب

كملي علاج الالتهابات عادي طالما اخدتي الدواء قبل موعد الدورة ما بضر الجنين واذا ما اجتك في موعدها وقفي الدواء وحللي حمل وان شاء الله ربي يكرمك بالحمل عاجل غير اجل
اللهم امين

اساسا الحبوب اخلصها وباقي ع موعد دورتي يومين ، يعطيك العافية طمنتيني
امين يارب :)