تعاااالوووو أقووولكم ع طريقة تعرفو من خلالها أن مافي حمل ...؟!

[Rooma Abood]

مسائكم ورد


عندي لكم طريقة تريحكم من حيرتكم كل شهر هل أنا حامل أولا ؟ وتزيل الحيرة بين أعراض الحمل وأعراض الدورة الشهرية وماعاد تخليكم تتوهمو بالحمل ابداااا ومجربتها أنا وفعلا ولا مرة خيبتني

أول شي فكرة أعراض الحمل قبل الدورة ب 10 أيام ( خزعبلااااااات ) لا عاد تصدقوها ابداااااا
تاني شي في نساء مثلي دورتهم تتقدم وتتأخر 5 أيام وحسب كلام دكتورتي هذا شي طبيعي مادامها تنزل كل شهر واللي دورتها مو منتظمة اللي تنزل مرة ف شهرين أو أكتر فلذلك لا تلعبو ف حالكم وتأخدو حبوب تنظيم الدورة بس المشكلة وين ؟ ف أيام معرفة التبويض والحمل وحلها سهل تحليل الاباضة وتحليل الحمل هما الحل أكييييد " مسيمتهم تحليل الرعب " هههههه

المهم نجي للأهم
طريقتي بسيطة والأغلب يعرفهااا أكيد
بس أنا استفدت منها لأعرف حالي حامل أو لا وجربتها 5 شهور وفعلا ماكذبت معي ولا مرة عكس كل الطرق التانية وبحكم أني مابعتمد ع الأعراض ف هالطريقة مشيت معي ( تووووبة أصدق الأعراض )
نجي لطريقة الا وهيا :
















قياس درجة الحرارة
بتقولولي قديمة وماجبتي شي جديد بقولكم اصبرووووا وحتعرفو شو الجديد فيها :
من المعروف أن ارتفاع درجة الحرارة بعد أيام التبويض واستمرااااااار ارتفاعها حتى بعد غياب الدورة دليل حمل صح ؟ أوكي أنا عملت هيك بس ما عم قيس الحرارة طووول الشهر لحتى ما مل وبتعرفو احنا يوم يومين وبنمل

شو بعمل لكان ؟
بجي قبل موعد دورتي ب 4 أيام وقيسها كل يوم ب ميزان حرارة الكتروني ومن فتحة الشرج وانتم بكرامة كل يوووم صباح قبل ما اتحرك من السرير وبراقب
طبعا حتلاحظو أن درجة الحرارة متفاوتة أول يوم حتلاقوها يمكن 37 تاني يوم تنقص درجة تالت يوم تزيد درجة رابع يوم أو خامس يوم حسب جسمك حتلقيها 36.4 هووووون جهزي حالك ساعات وحتنزل وهيك ريحتي حالك من أنك تتحطمي أو تتأملي أو تستني ع الفاضي وتعرفي أنو الخانم رح تشرف وتجهزي نفسيتك واذا تأخرت دورتك استمري ف القياس ولا تغشك وتقولي شكلي حامل وبلا مصاريف ع تحاليل الحمل وتخلي ابو الشباب يستنى قدام باب الحمام النتيجة وتتطلعي تبكيلو ويخفف عنك وهوا بدو من يخفف عنه هههههه الحمد لله
المهم حبيباتي هذه الطريقة مو مكلفة وسهلة ومافيها تعب ومجربة مني واخرها اليوم الصبح لقيتها 36.4 العصر كانت مشرفتني وانبسطت فيها ههههههه وامبارح كانت حرارتي 36.9 شفتوووو الغش يلاااا ماعلينا كل ماتتأخر ميزان الحرارة في المرصاد وأصلا صار عندي مناعة ضد الصدماااات


ويارب تستفيدو من تجربتي وماتنسوني من دعواتكم حبيباتي

[ام يامن عبد]

طيب كيف الطريقة الصح لقياس درجة الحرارة ؟ من اي مكان ولا لازم مكان محدد مثل ما ذكرتي

[" ملاك "]

الله يرزقك ويرزق كل محروم يارب

[Rooma Abood]

المشاركة الأصلية كتبت بواسطة ام يامن عبد

طيب كيف الطريقة الصح لقياس درجة الحرارة ؟ من اي مكان ولا لازم مكان محدد مثل ما ذكرتي

حبيبتي حسب ماقريت وبحتت ومن تجربتي أن من نفس المكان وهوا الأدق وانا جربت من الفم مو متل بعض معناها فتحة الشرج هيا الأدق وطبعا ميزان الحرارة الاكتروني أحسن من الزئبقي
والله يرزقك

[Rooma Abood]

المشاركة الأصلية كتبت بواسطة " ملاك "

الله يرزقك ويرزق كل محروم يارب

اللهم آميييين

[Rooma Abood]

مشاهدات فقط ومافي تفاعل ��

[عايشه يوسف]

يعطيك العافيه حتئ قياس الحراره فيها قلق هههههه
الله يعين ويرزقنا يارب كلنا ونصير كلنا بقسم الحوامل

[Rooma Abood]

المشاركة الأصلية كتبت بواسطة حياتي توأمي

شكراً للإفاده

والله يرزقك انتي وكل من تنتظر ياااارب

امين يااارب تسلمي

[Rooma Abood]

المشاركة الأصلية كتبت بواسطة عايشه يوسف

يعطيك العافيه حتئ قياس الحراره فيها قلق هههههه
الله يعين ويرزقنا يارب كلنا ونصير كلنا بقسم الحوامل

اي والله معك حق ههههه بس ع الأقل بتعرفي حالك حامل أو لا ف يوم دورة او قبلها بيوم وماتستني اكتر

[ماريا ماريا]

وانا كمان كنت بستخدم هالطريقة 3 اشهر وتنزل درجة الحرارة وتجيني بعدها الدورة بيوم او بنفس اليوم
بس بعد هيك وكتلها لربي ما بدنا نضل نفكر
مشكووووووورة