نزلت علي الدوره بعد فشل عمليه الانابيب بس فيني فرط انتفاخ البطن ليش

[Kowait]

مرحبا بنات انا الحين نزلت علي الدوره وسويت تحليل هرموني ثلاث مرات طلعت النتيجه سالب مافيه حمل أبدا مافيه وسويت سونار النتيجه ان مافي حمل والمبيايض زينه كويسه بس المشكله اني أعاني من فرط انتفاخ بالبطن ومضايقني جدا ومخرب شكلي الطبيعي مرات حسبت اني حامل قالت لا انتي مو حامل بس السبب المثبتات وأبر التفجير يسبب هالانتقاخ انا قطعت المثبتات والإبر صار لي ثلاث ايام البطن للحين منفوخ بطريقه ملفته للنظر للأسف ولا صغر حجمه ومضايقني أحسه مشوه شكلي الطبيعي انا بطني من النوع اللي ماعندي شحوم ولا كرش ناحله العود يعني من ناحيه تشويه المنظر احس بطني اخترب رسميا شنو الحل يابنات ؟؟؟ ابي مساعده مع العلم طبيبي مسافر العمره اسبوع الحين تعبت نفسيتي سالت الاطبه شنو اقدر افش انتفاخ البطن وارجعه لوضعه الطبيعي بليز بنات اللي صار معاها نفس اللي معاي بعد فشل عمليه الانابيب ونزول الدوره الشهريه ترد علي و تعطيني الحل ؟ والله لا يحرمني منكم ��

[Kowait]

اذا نزلت الدوره ومافيني حمل بالسونار وتحليل الدم وقطعت المثبتات والإبر التفجيريه. شنو سببً انتفاخ البطن ؟؟؟ شنو العلاج بليز بنات ردو ضروري وأعطوني خبراتكم بالموضوع لأَنِّي اول مره اسوي عمليهً اطفاًل انابيب و ندمت لان ما صار فيً حمل وتشوه بطني وانتفاخ مفرط بدون اي سبب رجاء ردو اي وحده تعطني خبراتها شنو العلاج والاسباب لانتفاخ البطن المفرط والنتيجة سالب مافيه حمل ونزلت الدوره وقطعت جميع الادويه والمثبتات والإبر أرجو. الرد بأسرع وقت
بارك الله فيكم. انا جداجدا خايفه وأحس بقلق ومانمت يومين بسبب هالانتفاخ

[محامية الغرام]

اختي لازم يتنفخ البطن من الهرمونات يباله وقت لين يخف انا بصراحه لبست مشد و كنت امشي ساعه أو نص ساعه و خف تقريبا فوق النص بس بعد في انتفاخ
اختي الهرمونات تلعب لعب بالجسم انا كان وزني 51 و الحين 62 تقريبا و يالسه أحاول أنزله

الله يرزقج عاجلا غير آجلا

[υм вtℓαα]

ماعندي علم خيتي
بس حبيت ادعيلك ربي يرزقك الحمل السليم

[صدفة عمر]

ربي يرزقك يا قلبي الذرية الطيبة

وبالنسبه للبطن والانتفاخ ما ادري بس كثير شرب مويه

عشان جسمك يتخلص من الهرمونات اللي دخلتو

[bellamamita]

ما عندي علم خيتي
ماتشوفي شر حبيبتي ان شاء الله البنات مايقصرو معك