!!! يعني اعطيك الثقه وتردها ب ..[[

احساس العالم · 10-29-2010, 07:20 PM

لو خسرتك ماخسرت العمر والدنيا متاع..
وأدري إني لو خسرتك ماخسرت إلا القليل..

بس فكر زين .. تعرف من خسر فينا وضاع..
وتعرف إنك لو تلف الأرض.. وتدور بديل..

والله إن تبطي ..ولو لفيت كل البقاع..
ولو تسوي وش تسوي ماأنت لاقي لي مثيل..

وين تلقى مثل شخصي شخص..وطباعي طباع..
ووين تلقى مثل قلبي قلب..أو مثلي خليل..

البشر واحد..نعم..

لكنفرق الإنطباع..

يجعلك يمي تميل ..ويم غيري ماتميل..

يارفيقي إنتبه..!وأحسن إلي الإستماع..

للمواقف دور في كشف المزيف..والأصيل..

وأنت ماقصرت فيني ..موقفك جداً شجاع..

طعنتك بالظهر فعلاً كانت إثبات ودليل..

بيض الله وجهكاللي ساتره تحت القناع..

ورايتك بيضا معاي وياعسى عمرك طويل..

يعني أعطيك الثقه وتردها بـ<لوي الذراع>..

ياخي ماشاالله عليك أبدعت في رد الجميل

مدري كيف أشكرك ؟؟ مدري كيف أرد الصاع صاع؟..

كنت احسب إنك عزيز النفس..تطلع لي ذليل!!..

كم وأنا عيت أصدق فيك قدر المستطاع..

من غبائي كنت أسكت وأعذرك وأثر الحصيل؟..

جرح قلب.. ميزته في كل يوم الإتساع..
ودمع عين ينهمر من ضيقتي..في كل ليل..

والله إني كنت أحبك حب.. وأتبعك إتباع..

كنت لجل أرضي غرورك بس أسوي المستحيل..

كنت أعمى فيك.. لالا كنت ميت للنخاع..

كنت مدري كيف؟ لكن كنت صادق معك حيل..

كنت أمارس في غرامي لك سياسة الإنصياع..

وكنت لاغي معك فكرة أعتزل أو أستقيل..

إندفعت بكل مافيني..وسوء الإندفاع..

يجبر الإنسان أحياناً.. يفكر بالرحيل..

صدمتي فيك إنت..خلتني أفكر بإقتناع..

إن قتل النفس راحه لو أنا كنت القتيل..

إنفجر راسيمن التفكير..وإزداد الصداع..

كيف أنا بفتك من جرحك؟؟ودوشة<<قالٍ وقيل>>..

صرت سيره في حلوق الناس وتالي هالضياع..

أنتحر !! معقول؟؟ يالله وش هذا الغليل؟؟..
رحمتك يارب لامن ضاقت امنحني الوساع..
إنت حسبي في الزمان الجاير ونعم الوكيل..

لاغدى <مستقبلي والماضي> أطراف النزاع..

وصفحة الماضي سواد وشيء من هذا القبيل..

فلازم أنسى لجل أنهي بداخلي هذا الصراع..

ولازم أتقوى ..عشان أحقق النصر الجليل..

وطالما إن الهجوم أفضل وسيله للدفاع..
مستحـــــــــيل أرضخ لو إن الحمل ياربعي ثقيل..

والبخيل اللي نساني وإشترى فيني.. وباع..

يروح الله يسامحه.. والله بجرحي كفيل..

وإن سأل عني..وجاكم بعد فترة إنقطاع..

علموه إني نسيته بس أنا ماني بخيل..

طالما كـان السبـب فـي قوتـي .. قبـل الـوداع...

بلغـوه أقـل شـئ بخالـص الشـكـر الجـزيـل...

/
\
كانت هنا
لًحٍن ًمنٍ أنًكسٍارًيٍ
:
احساس العالم

~~لحن الحياة~~ · 10-29-2010, 08:10 PM

يسلمو حبيبتي
الله يعطيك العافية غاليتي

احساس العالم · 10-29-2010, 08:44 PM

افخر بكم دائماً بتواصلكم وبردودكم انتم نعمة في حياتي
وأخواناً لم تلدهم امي بصحبتكم للوقت طعم آخر
* بحجم كل الأشياء الجميلة في الدنيا *
جعلة بموازين عملك أيضاً ردك
وجودك اثلج صدري

عشق الصدى · 10-29-2010, 10:39 PM

ماشاااااااء الله عليج

دايم قصايدج حلللوه
تسلم الايادي..

احساس العالم · 10-30-2010, 12:00 AM

افخر بكم دائماً بتواصلكم وبردودكم انتم نعمة في حياتي
وأخواناً لم تلدهم امي بصحبتكم للوقت طعم آخر
* بحجم كل الأشياء الجميلة في الدنيا *
جعلة بموازين عملك أيضاً ردك
وجودك اثلج صدري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اعطيك كلمة مفردة وتعطيني جمعها(كل واحد يورط اللي بعده)	غلا الشوق	ملتقى عضوات حوامل	475	01-26-2013 03:59 AM
الثقه بالله‎	ماء زير	المنتدى الاسلامي العام	20	10-10-2011 12:48 AM
مشكلة انعدام الثقه بالنفس	عزيزة النفس	منتدى الحياة الأسرية والزوجية	4	07-03-2010 01:44 AM
كيف تستطيعين زرع الثقه في نفس الطفل؟؟؟	عزيزة النفس	استفسارات رعاية الأطفال	1	07-07-2009 05:08 PM