نصائح للنفاس , معلومات مهمة جدا للنفاس

[إحساس إمرأة]

اليوم جايه وجايبه معاي نظام رائع للنفاس ,طبعا اول ماتدري الوحده انها حامل تفكر بالولاده وبلاويها وش راح يصير من تغيرات بالجسم وخصوصا الكرش وتمر الايام بسرعه والا انتي ماشاء انتي جايبه اروع مخلوق في العالم لكن انتي الحال الله العالم فيها لكن طيعي شور مجرب واتبعي الخطوات اللي جايه والله انك ترجعين عروس من جديد وراح تدعون لي : 1- اول ماتولدين اربطي بطنك بشماغ او طرحه لينه بالعربي حطي الشماغ مع اغراض المولود المجهزه مسبقا او اطلبي من اللي يبي يزورك من اهللك يجيبه معه. 2-اذا وصلتي البيت لازم تاكلين شئ دافي حتى لو مالك نفس لو شي بسيط لانك ترضعين واحذري السوائل البارده وكثري من شرب الماء بسبب الرضاعه ولا تصدقين الكلام ان السوائل او الماء يخرب بالعكس جسمك محتاج يعوض كل ا للي فقده من سوائل قال تعالى <وجعلنا من الماء كل شئ حي > 3-اول ماتصحي الصباح الهمي (كلي)م حلب مطحون يعني على الريق والفائده منه علشان يجبر ظهرك زين وما يقعد يطقطق بعد الاربعين تستمري عليه لمده 20 يوم بس 4-الفطور اول شي كلي التمر المعبوط اللي مايعرفه يتكون من (تمر منزوع النوى +م ص حبه سوداء -حبه البركه_ +م ص رشاد كلها كامله +سمن بري الكميه اختياري يعني ا للي يخلي المعجون متماسك ) الفائده من التمر المعبوط يريحك من الامساك وخصوصا انك مسويه خياطه بالفتره هذه نرجع للفطور بعدها اشربي قهوة وحطي بفنجالك م ص جدا من المره و المحلب و النانخه كلها مطحونه زين هذه علشان الشمم مدري اذا لها اسم ثاني علشان نفيد الجميع ؟ 5-ريحي نص ساعه او رضعي البيبي بعدين كلي فطورك اللي يكون اختياري بس بعدي عن الخبز الابيض والخمائر علشان ماينتفخ بطنك ممكن يكون بيض مسلوق اومقلي _عدس _مراصيع مع سمن اوعسل بالاضافه اي كوب حليب دافي واختمي فطورك باكل اللهوم حقك الذي يتكون من (فنجان حلب + ف حبه سوداء + ف نانخه + ف قرفه +ف شمر + ف كمون +ف يانسون + ف رشاد واشياء ثانيه مااعرفها . استمري عليه لمده 35 يوم فقط 6-الغداء مرقه لحم اول مايستوي اضيفي عليه حلب + ماش كامله بعدها اشربي شاي مطبوخه تجيبينه من عند العطار او انتي تجمعينه بنفسك يتكون من زعتر +كمون +يانسون +كراويه +شمر +قرفه +ماش +سكر نبات 7-نجي لفتره العصر كلي مره ثانيه من التمر المعبوط والقهوه بنفس الطريقه الي شرحتها لكم في الصباح .ولوجاكي ضيوف وزوار لاتكثرين من الحلويات والقهوه والله يعينك على الدندره واحكلي لنا كيف ولدتي وشلون الولاده هاه تبين تجيبين مره ثانيه او انهم يبون يتطوعون ويحكون لك بطولاتهن ومغامرتهن عن الولاده بس وسعي صدرك وجامليهن واتحداكي اذا قدرتي تغيرين الموضوع 8- العشاء مرقوق اومطازيز مع قطع خضروات (بطاطس+كوسه +فليفله +جزر ولاتكثرين الطماطم او الصلصه ولو تستغنين عنه احسن لك) او قطع لحم :نصائح خلال هالفتره : 1- لاتهملي نفسك مااحد راح ينفعك انتبهي من الجوع حتى لايصيبك الخواء عباره وجع مستمر ماينفع لابنادول ولا غيره 2- اشربي ماء بكثره 3-اهتمي بالنظافه الشخصيه اول اسبوع بس توضي بملح وماء بعدين سوي مايلي هاتي علبه عايدين احمر بتاع الجروح وصبيه في علبه ماء فاضيه اصغر حجم واضيفي اليه مره مطحونه ناعم م ص . واستعمليه كمطهر مرتين باليوم ص+م وابتعدي عن الديتول والله انه يحرق ولا يسوي شئ واذا وصفلك الدكتور اي مطهر وانتي طالعه من عنده قطيه باقرب زباله على يسارك بعد عشر ايام سخني زيت زيتون بعد ماتطفي النار اضيفي عليه شوي خواجواء +مره وكلها مطحونه وعبيه في علبه ماء فاضيه نجي للاستعمال : كل ماغيرتي امسحي منه على الفوطه الجديده والبسيها الفائده يحميك ايضا من الشمم ويسرع في تخياط اللحم ويلين الخيوط علشان تذوب او انها تطيح 4-اهتمي بستعمال الخلطات الطبيعيه ووضع الماسكات وكذلك لاتهملي الزيوت بالنسبه لشعرك والمنتدى مشاء الله مليان منها 5-يووووووه نسيت اقول لكم الكبو في ناس تمدحه وناس تسبه نصيحتي شئ ماتعرفينه لا تجربيه 6-النفاس ماهو مرض علشان يخليك طول الوقت متسطحه بالفرشه يعني عشر ايام كافيه بعدها خوذي جوله داخل البيت بس لاتشيلين الثقيل ولاتجهدين نفسك 7-بالنسبه للحزام فكيه كل ليله لاتنامين فيه واول ماتصحي اربطيه 8-الملابس الحلوه اللي انتي ناويه تلبسينه بعد الاربعين اشتريه بعد 30 يوم لانه ممكن يتغير وزنك .على فكره الرجيم بالوقت يضرك اكثر من انه ينفعك والله انه يجيب لك امراض انتي في غنى عنها واخيرا دمتم بصحه وعافيه منقووول للافادة

[إحساس إمرأة]

سبحانك اللهم وبحمدك ،
أشهد أن لا إله إلا أنت
أستغفرك وأتوب إليك

[NoNa roze]

بٌأًرًڳّ أِلٌلُهً فَيٌڳّ عِلٌى أَلِمًوُضِوًعَ أٌلّقِيُمّ ۇۈۉأٌلُمِمّيِزُ

[ام ارجواااااان]

[υм вtℓαα]

نصائح راائعه
سلمتي ام ميزووووووو

[غصن_البان]

معلومات مفيدة جدايسلمو

[لموستي]

موضوع رائع وتنسيق اروع

سلمت يمينك على ماخطت لنا

تقبلي مبروري

لك ودي