تجربتي الاولى والاخيره في مستشفى سعد

[Kokii]

السلام عليكم ورحمة الله وبركاته
كيفكم كروشات عساكم بخير ..
الزبده خلني ادخل في الموضوع واقولكم تجربتي الاولى والاخيره مع مستشفى سعد وبالأخص
هذي الدكتوره .....! بعدين بتعرفون من تكون بالضبط خلوني اقول الزبده ...

ياطويلات العمر طبعاً انا بكريه حامل في الاسبوع قبل الاخير من الشهر الثامن والحمد لله امور حملي كلها طيبه ومستقره حمد لله لك والشكر يارب
المهم كنت جالسه وحسيت بطني قاعد يتحجر وانا عارفه هالشي طبيعي ويجي لكل حامل قربت تدخل شهرها اللي هو التاسع ،، المهم قمت احس بتحجر يجي ويخف وكل شوي ورا بعض انا عاد خفت وقلت بصبر شوي اذا ما اختفى نهائياً بروح المستشفى اطمئن
المهم رحت وكان في الليل الساعه 1 ودخلت طبعاً قسم طوارئ وسجلت المعلومات تبعي وركبت فوق على طول على غرفة الفحص
بعدين شرحت لهم اللي فيني وقالوا لي بنسوي لك تخطيط للطلق وبنشوف نبضات البيبي بنفس الوقت
انا قلت اوكي وطبعاً رايحه لهالشي انا اساساً
المهم انتظرت تقريباً 30 دقيقه على ماطلعت النتيجه في الورقه اللي يطبعها التخطيط تبع الطلق واتضح ان عندي طلق كاذب يعني ماكان فيني بوادر ولاده او لاسمح الله دم او افرازات غريبه
دخلت علي اللي عسى الله لايوفقها لا دنيا ولا اخره وعسى الله يسلط عليها هالدكتوره الفاشله
اللي اسمها ..
( فاطمه الرقاعي )
الله لايوفقها
و اول مادخلت فجعتني بالرغم انها درت اني بكريه المفروض تراعي اسلوبها وكلامها مو تقوم تزيدني خوف وهلع وتوتر فوق اللي انا فيه
المهم اول مادخلت مسكت الورقه تبع التخطيط وقامت تطالع فيني بصدمه وتقولي انتي فيك طلق محترم وخوفتني وقام قلبي يضرب بسرعه
رغم انه طلق كاذب ،، وقالت لي انتي تعتبرين ولاده مبكره ولازم نعطيك الابره حق الرئه للبيبي اللي تكملها وخوفتني وشحنتني بكلامها السلبي واللي خلاني اهلع واخاف المهم شوي الا هي خططت على كيفها وغصب تخليني انام بالمستشفى واكون تحت الملاحظه وماتبغاني اطلع تقولي مستحيل اخليك تطلعين !!! وراح اعطيك ابرة الرئه حق لو ولدتي مبكر !!!
رغم ان اللي فيني طلق كااااااااذب مافيني بوادر ولاده ولا اعراض ولاده ولا دم ولا اي شي نهائي
فقط كان تحجر ورايحه حق اطمئن وهذي شافتني وقالت خلني استفيد واكذب عليها واقول لها ولاده مبكره وفي نفس الوقت تنام عندنا وتكون تحت الملاحظه بكم تتوقعون المبلغ !!؟
مئتين ألف ريال !!!!!!!
النصابه اللي كانت تبي تستعجل علي وتخليني غصب ولاده مبكره وانا اصلاً احس بس بتحجر
ف الخلاصه من كلامي انتبهوا منها هالوقحه عيشتني في رعب وقمت ابكي الله يوجعها
انتبهوا تروحون لها او تفكرون تتابعون معاها حملكم لو حصل لكم في يوم من الايام
لان هذي اصلاً زباله مو دكتوره !!
كانت تبي الفلوس فقط تعامل مادي وتعامل رخيص مع المرضى من جد مستشفى بس شكل لكن اهو في الحقيقه يركض ورا الفلوس
مجال الطب عمره مايفرض رأيه على المريض واصلاً تعامل الدكتور لازم يكون تعامل لين سلس محترم طيب مو تعامل همجي وتعامل تبع ناس خمه
وبس ماحب اطول عليكم حبيت انبهكم

و الله على ما اقول شهيد

[violy]

حسبي الله عليها..الله لايوفقها دنيا ولا اخره
سمعت انه سئ اصلا..مافكر فيه ابد

[Kokii]

المشاركة الأصلية كتبت بواسطة violy

حسبي الله عليها..الله لايوفقها دنيا ولا اخره
سمعت انه سئ اصلا..مافكر فيه ابد

ايه والله الله ياخذها فعلاً همجيه وما انصحك فهالمستشفى ابداً بس شكل لكن مضمون زفت

[υм вtℓαα]

حسبي الله ونعم الوكيل
والمستشفى بكبره ماله اي فائده احسس
المريض يدخل طيب ويطلع ع طول لقبره
بيطاررره مو دكاتره همهم الفلوس وبس
الله المستعان بسس

[Kokii]

المشاركة الأصلية كتبت بواسطة ام بتلاء

حسبي الله ونعم الوكيل
والمستشفى بكبره ماله اي فائده احسس
المريض يدخل طيب ويطلع ع طول لقبره
بيطاررره مو دكاتره همهم الفلوس وبس
الله المستعان بسس

الله يكون ف العون هالمستشفيات الخاصه تلعب ف ارواح خلق الله بس عشان فلوس
حسبنا الله ونعم الوكيل ماراح نسكت عنها لكن بنشتكي عليها
بوزارة الصحه بكبرها حق تعرف ان الله حق ...!

[ayato]

حسبي الله عليها

[Kokii]

المشاركة الأصلية كتبت بواسطة ayato

حسبي الله عليها

راح تلاقي جزاها من ربي جعل ربي مايوفقها المجرمه

[أم حمودي وعبودي]

معروف عن المستشفيات الخاصة همهم المكاسب المادية
وأي وحدة تروح في الأشهر الأخيرة ممكن تتنوم ويولدونها قبل الوقت ودائماً يستعجلون بالعملية القيصرية
وحتى بعد الولادة ممكن يخوفوا الأهل على البيبي وإنو محتاج فحوصات وتحاليل وراح يبقى عندهم كم يوم

أنا ما جربتهم بالولادة بس جربتهم في مشكلة تأخر الحمل وما استفدت منهم

[فطمطم 77]

السلام عليكم
انا اتوقع ان هم يسوون جيه لان مافي لا رقيب ولا حسيب اعذروني يا بنات لان الادارة هي الاساس ومن فوق الاداره اكيد في وزاره او هيئه او مؤسسه تراقب وتتابع الحالات او المشاكل لان ما يصير ان نشمل كل المستشفيات الخاصه
ولله الحمد احنا في دولتي المستشفيات الخاصه عليها رقابه من وزارة الصحه واللي يصير في الحكومي يصير عندهم والاطباء من احسنهم في المستشفيات الخاصه احنا عندنا اللي في الخاص افضل من الحكومي ولله الحمد اميرنا ما قصر ونزل التامين الصحي الكامل على الحوامل اول شي وبعدها بسنه نزل التامين الصحي على كل المرضى الحين المستشفى الحكومي يستقبلون اكثر شي الاجانب اما المواطنين في المستشفيات الخاصه
عموما ان شاءالله يشوفون حل لهالدكاترة وما تروح ارواح ناس على يدهم

[Kokii]

المشاركة الأصلية كتبت بواسطة أم حمودي وعبودي

معروف عن المستشفيات الخاصة همهم المكاسب المادية
وأي وحدة تروح في الأشهر الأخيرة ممكن تتنوم ويولدونها قبل الوقت ودائماً يستعجلون بالعملية القيصرية
وحتى بعد الولادة ممكن يخوفوا الأهل على البيبي وإنو محتاج فحوصات وتحاليل وراح يبقى عندهم كم يوم

أنا ما جربتهم بالولادة بس جربتهم في مشكلة تأخر الحمل وما استفدت منهم

الله يكون بالعون اختي ويرزقك الذريه الصالحه يارب