اللي ولدت في مستشفى فخري الخبر تدخل

[أم أروى]

حبايبي ابي معلومات عن قسم الولادة في مستشفى فخري من حيث الغرف والاهتمام والنظافة وهل عادي يكون معي زوجي بغرفة الولادة والنيرسات هل هم لطيفين وش جنسياتهم اللي في قسم الولادة وعنايتهم وهل يهتموا بالوالد هناك وهل اقدر استخدم كاميرتي داخل قسم الولادة ابي صور لبنتي اول ماتطلع معي ومع ابوها لاتحقروني انتظر ردكم.

[أم أروى]

افا ياذا العلم ولاحد رد خيبتوا ظني

[بنت الشام]

ان شاء الاخوات يفيدوكي
تحياتي

[بذخ~]

انا كنت اتابع فيه ..
بس ما جربت الولادة عندهم لكن سمعت كثير يمدحوهم ..
ربي يسهل عليك (:

[جوهره السعوديه]

هلا اختي

أنا ولدت فيه ينتي رنوووومه الله يخليهاااااااا

الولاده عندهم شي يعني ماراح تحسين بشي كله راح تكوني نايمه

اما زوجي ما رضو يدخلونه معي وبنسبه لصور انا صورو بنتي اول ما طلعت مني
لاني كنت في بنج كاااااااامل ما احس بشي وكانت ولادتي ولاده طبيعيه

اما النظافه ميه ميه 100%
والممريضات مرره عسل
والحضانه عنايه لدرجه يخافون على البيبي ما يعطونك اياه بسرعه
بس فيه عبي انو قديم بس الدكاتره خبره
كنت اراجع عند الدكتوره هاله عوض الله جننتهاااا مسكينه

أن شاءالله اكون افتك
يالتوفيق ان شاء الله
الله يسهل عليك وعلي وعلى جميع الحوامل

[أم أروى]

تسلموا ماقصرتوا على الردود
جوهرة السعودية انا كمان اتابع مع هالة عوض الله حبيت استفسر عن التخدير يعني ابرة الظهر ولا كيف يعني لما طلعت رنومة الله يخليها انت كنت مخدرة ؟ وزوجك ابد ماخلو يدخل حتى لو حاولتي فيهم؟

[جوهره السعوديه]

هلا خيتوووو

لا ياعمري ما اخذت ابره ظهر كان تخدير بس كله نايمه ويوم جا وقت رنوم راح تطلع عطوني كمامه سوده هي البنج وبعدهااا ما ادري وش صااااااار

لابصراحه ما حولت فيهم لانه وانا في غرفه التحظير كان زوجي معاي بس جا وقت ولادتي
قالو له خلاص اطلع برااااااا

بعد ما ولدت وطلعوني من الغرفه دخل علي شفته لمحه وبعدهااا رجعت نمت مفعول المخدر عامل شغله
وبس اذا محتاجه شي كتبي وراح ارد عليكي ان شاءالله

[جوري الدمام]

كيف اسعاااارهم طيب؟؟؟؟

[علوالهمة]

ردوا عن أسعارهم أنا في أرامكوا ولاداتي السابقة بس حمستيني على فخري ,,
أبي أولادي يدخلون علي بعد الولادة (أرامكو ممنوع أحد يزورني إلا زوجي )!!!

[دنيا زهور]

الله يوفقكم <<< ههههه