مضاد أوجمنتين هل هو امن ؟؟ ساعدوني تعبانه وخايفه

[أملي بإلهي]

حبيباتي ساعدووووني

أنا حامل بالشهر الخامس

وعندي زكام والتهاب بالحلق والأذن

قريت بالنت ان مضاد اوجمنتين امن ومافيه ضرر بس خايفه اخذه

لاتقولون روحي دكتوره مقدر اروح

والمضاد عندي بالبيت ودي اكله بس متردده خايفه ع الجنين حملي ذا ماجا بسهوله ماابي افقده وبنفس الوقت تعبت من الالتهاب والصداااااااع



ساعدووووووووني

[حياتي توأمي]

طبعا الكل بيقولك لاااازم طبيبه

لأنك حامل
واللي تنصحك تاخذي شيء بدون وصفه طبيبه بتكون غلطانه ومش في صالحك
هذا مضاد وانتي حامل مو لعبه

لاتزعلي بس هذي الصراحه

[حياتي توأمي]

حاولي تشربي ليمون دافيء

وراجعي الطبيبه فيه مضادات آمنه للحامل

الله يشفيكي ان شاء الله

[5oo8a8ih]

انا اعرف انو آمن بس مانقدر ننصحك كم حبة تاخذين ومتى تاخذين

فالافضل طبيبه هاذي صحة روحين مو روح واحد

روحي استشيري طبيبة ولاتخاطرين

[ريحانة الجنة]

انصحك بقوة لاتاخذين خصوصا المضادات الا بعد،استشارة طبيب خلال الحمل
غرغري بماي دافي وملح صبح ومسا وظهر
واشربي دافي،زنجبيل وزعتر وعسل
الله يشفيييك ويرفع عنك

[أملي بإلهي]

يعطيكم العافيه

اللي عندي جرعته ٦٢٥ملجم يعني اقل من ١جم

وفي النت يقولون مافيه ضرر والصيدلي يقول ان شاء الله مافيه ضرر اذا ماكثرتي منه

مكتوب في الروشته وفي النت تاخذين ٣ حبات في اليوم بس حسيت انها كثيره وخفت

اخذت حبه وحده بس واحس اني تحسنت شوي وبكره اباخذ حبه وحده ان شاء الله وخلاص اوقفه واروح للدكتوره


الدكتوره ماقدرت اروح لها اليوم ويمكن بكره برضو مااقدر

[رنيم**]

لازم دكتورة لا تخاطرين بعدين اوجمنتين اقوى نوع مضاد حتى اسالي الصيدلي