أدخلو ياأحلى حوامل

[نونة بنت حقل]

السلام عليكم كيفكم ياحوامل عساكم دوم بخير

حبيت أسأل الي عندهم أكثر من طفل كيف جهزتو أطفالكم نفسين لأستقبال الطفل الجديد

أنا ولدي عمرة سنتين ونص وبس أولد بأذن الله يكون 3سنوات أبي أهيئه نفسين قبل أولد

عشان ماينصدم بالطفل الجديد لأني أنا وأبوه مدللينه ويغار علي من أطفال خواتي

كيف أخلية يحب الطفل الجديد أبي أفكار الي عندها خبرة ومشكورة مقدما"

[fefe7]

في بعضهم يشترون هديه واذا جبتي البيبي قوليله هذا هديه من اخوك
او اختك
والله يقومك بالسلامه ويقومني بالسلامه ويقر عيننا بشوفة عيالنا

[ayato]

قولي له انو في بطنك بيبي

[يا رحمن]

شوفي حبيبتي اشوف في امريكا بحكم اقامتي
الامهات يجيبون اطفالهم معهم للتابعه عند الدكتورة
ويخلونه بشوف الطفل في السونار و يسالونه كيف بتكون مستعد لاستقبال اخوك
و انت البطل بتكون الكبير و راح تحمي اخوك من الناس

طبعا احنا ماعندنا هالشي للاسف فحلو انك تجلسين معاه ووتفتحين مقاطع يوتيوب سهله وميسره وممكن تكون كرتون
و قولي له قصة الاخو الاكبر وانه بيجيه اخو صغير وهذا شكله وكيف قاعد يكبر ويلا نشوف اخوك ونشوف متى يجي
صدقيني بيتحمس و يتشجع

[سما الخاطر]

ربي ييسر لك حملك وولادتك

[أم مهند@]

جيب له هدايا واللعاب وحلويات وقولي هذي من عند اخوك او اختك الجديد
صدقيني راح يفرح فيها ويحبه من تجربتي مع اولادي
الله يقومك بالسلامه والجميع

[أم دولي25]

الله يسهل عليكي وعلى كل مسلمه..انا حاليا في الخامس وولدي عمره 3 سنوات دايما أكلمه عن البيبي الجديد وخليته هو يختار معي ملابس البيبي وأغراضه وكنت لما اشتري للبيبي الجديد لازم اخليه يأخذ لعبه هو يختارها لنفسه أخذته معي مره وحده العياده وسمع نبض البيبي ورويته صورة البيبي والحين صار متحمس متى يجي البيبي ..الله يسهل علينا..

[نونة بنت حقل]

ربي يخليكم كلكم أفدتوني أنا من شهر جلست معاه وقلت له في بيبي راح يجي ويلعب معاك

وأخلية يلمس بطني واقوله هنا في بيبي أحسة يفرح ويستغرب أسأل الله العظيم أن يسهل علينا أجمعين ويكتب لنا ساعة سهلة وولاده طبيعية ميسرة اللهم آمين

[nour karim]

السؤال جميل والاجوبة رائعة مشكورين يابنات الله يعطيكم الف عافية

[حبي الوحيد(H)]

انا ولدي عمره سنه ونص لما اولد ان شاء الله على خير يكمل سنتين ..
اول ما حملت اخذت عروسه وجلست اشيلها واخليه يشيلها ويسلم عليها اختي ولدت وجلست اشيل ولدها واعطيه يشيله ..
ولما يجني عند بطني اقول له هنا نونو ويسلم على بطني فديته..
وان شاء الله يتقبل اخوه ولا اخته يارب..
تحياتي لكم..