معاريس لفتوا الأنظار ..!

[قلب الاميري]

معاريس لفتواالأنظار ..!

وحده تقول من أغرب القصص والمواقف اللي مرت علي ،، كنت في مطار الملك عبدالعزيز في جدة أنا وعيالي وأبوهم راجعين من سنغافورة ،،
طبعا المطار كان زحمة مرة وكنا ننتظرالرحلة اللي بتودينا لمطار الدمام ،،
يومها عيالي كانوا باقي صغار وكنت تعبانة معهم مرة أشيل وأحط وأسوي رضاعات وأغيّر وكنت قمة التعب والارهاق ،، وفجأه إلا واحد جاي مع زوجته واضح من المشية والمسكث إنهم عرسان ،،،
مدري ليش كثير ناس لازم العالم كله يدري إنهم عرسان مدري ايش الرساله اللي يبون يوصلونها لما يجلسون بها الطريقة أو يمشون بها الأسلوب ،،
الزبدة
الجوز اللي كانوا جايين كانوا محبكينها زيادة ،،يعني كان قريب منها بزيادة وحاط يد على كتفها من ورا واليد الثانية ماسك فيه يدها ليه كذا ياخي وخر شوي راع المشاعر ،، المهم مشوا مممببباااشرة إلى عندي وقفوا قدامي وأتفاجأ بالرجال يقلي لو سمحتي وخري شنطتك زوجتي بتجلس ليه زوجتك مالهاا لسان تكلمني ،، وبعدين ها الكرسي حاجزته حق عيالي ،، المهم وخرت الشنطه وجلست المدام ،،، تحسبونه راح ؟؟؟!! ابد وقف جنبها ويده على كتفها ،، وكل شوي يقلها أنا جنبك ويجلس عندها ويسألها تبين شي ؟؟!! نفسك بشي ؟!! دق جوالها في شنطتها قام طلعه لها ورد عليه وأعطاها ياخي خلاص وخروا عني ،، لوعتوا كبدي درينا إنكم معاريس مدري مقاريد
المهم شوي يجلس على الارض وشوي يوقف وآخر شي قالها بروح أجيب لك عصير لاتخافين خمس دقايق وأنا عندك ،،، ليش تخاف بناكلها وأطالع الاسباني حقي قاعد بالكافي يقرا الجريدة ولا داري عن هوا داري ،، والغيره تشتغل المهم ماصدقت ها الرجال يروح يجيب للعروسة مدري وشو والتفت عليها لأنها كانت جالسة جنبي أصلا ،، وأقولها هاي أهلين قالت أهلا ،، قلت أنتي عروس ؟!! قالت ايه ،، قلت ايش جابكم جدة قالت شهر عسل ،،، قلت شهر عسل في جدة !!!!
قالت ايه ،،، قلت لييييشش ،، قالت وشو ،، قلت ليش ماسافرتي فرنسا ماليزيا أمريكا ((( يارب تسامحني ))))
قالت وليش أروح ها الاماكن وانا ما اشوف ولا شي !!!!!!
قلت لها ليش ماتشوفين ؟!! سلامات ؟!!! قالت انا (((( ضريرة )))) يعني عميا،؟؟ ما اشوف ولا شي وها الانسان حبني وتزوجني ويبي يسعدني جابني هنا وإلا انا مافرقت معي بالعكس مابي اطلع من بيتنا ...

سوء الظن دمر عقولنا وبيوتنا♡!''
والمظاهر الخداعة جعلتنا نسبح في خيال مثالي ونحسد ..!
ليتنا نتحكم قبل ان نحكم



اعجبتني من الواتس ....

[حياتي توأمي]

يسلمووو يعطيكي العااافيه

[شوق وحنين]

سبحااان الله.. شككرا عجبني الموضوع

[jojo 123456]

مشكورة غلاااتي

[بحــ العيون ــــــــر]

[قلب الاميري]