مستشفى المساعدية بجدة+خلصت التاسع والرحم ما فتح

[أم بتال بإذن الله]

السلام عليكم ورحمة الله

يسعد مساء الجميع
حبيت استفسر عن مستشفى المساعدية للولادة بجدة
انا بكرية وخلصت التاسع ولسى م ولدت ومحبطططة جدا وخايفة
كيف هذا المستشفى تنصحوني فيه ولالا كيف الخياطة عندهم ؟وهل يعطو كمام او مسكن الم ولالا؟
هل يتنوم احد معاي مثل امي او زوجي؟ ملابس النونو والتنويم
ايش الايجابي والسلبي
ايش اللي لازم اعرفه عن المستشفى قبل اولد

وكمان استفسار ثاني رحت لدكتورتي بمستشفى خاص امس قالت لي الرحم مسكر تماما عندك بسبب خوفك كيف اتغلب ع الخوف وايش تنصحوني اكل او اشرب عشان ينفتح الرحم

[بحــ العيون ــــــــر]

انا بصرررررررررررراحه ما اعرفهاااااااااااااااااااااا

بس أراء البنات الي كتبو عنهااااااااااااااااااااااااااااااااا الله يقومك با السلامه


وفي حريم كثير يمدحونه

انا ماعرفه ولا قد ولدت فيه بس سمعت وحده من البنات جربته وتمدحه تقول اهتمام ونظافه كانك في خاص
مدري والله وان شاء الله البنات يفيدونك

والله ياقلبي انه مستشفى رائع بمعنى الكلمه ولدت الاول والثاني في خاص والثالث في المساعديه فرق اللهم لك الحمد وانا رحت له ومتردده خايفه لكن قسما بالله انهم قمه في الطيبه والمعامله الزينه والنظافه والعنايه الله يسامحهم ويوفق من ولدتني وحنت علي ويعطونك ابرة مسكن في الطلق اما الخياط بنج موضعي لكن توكلي على الله وروحي


ويييييييييي عن تجربتي أنا موت ومعاملتهم زفت أول مادخلت السستر الهندية قاعدة تضارب معي وخلوني لوحدي أبكي أتألم مافي شي يخفف
والله عذبوني حتى في الخياطة أتأخروا في ضرب الإبرة وقت الولادة والله تعبت من البكاء أحس في كل غرزة وأصرخ ومافي فايدة والله لدرجة كنت أبغى اشرد من المستشفى أنا اسميها مجزرت الأموات يمكن انتي ربي يسهلك جربي


بصراحه انا جربته معاملتهم زفت ولافي اهتمام ولا شي حتى وانتي معاك طلق يخلونك في الطوارى تستنين لين يجي رقمك وانا الحين حامل توبه ارروحلهم دورنا واسطه لين دخلت الحرس


ما انصحك تولدي فيه ابدا و عن تجربة


هلا ياقلبي انا ولدت فيه ومافتح ملف الا يوم الولاده كنت اراجع في العزيزه الله لا يوفقلهم صدق هم اللي مايخافون الله ..
انا ولدت في المساعديه بكريه وربي الحمدلله ربي سهلها بس لاني انا ماكنت اعرف شي توي صغيره وبكريه ورحت بدري وتعبوني في الكشف لكن الولاده يارب لك الحمد ربي رزقني بوحد ه فلبينيه يارب تكون من نصيبك وتولدك جد اخلاق وتهديك كنها امك وفيها كمامه لو ماهي كانت مت من الطلق اللي يجنن الوحده وفيها ابر مهدئه انا بصراحه الحمدلله بس تعبت في الكشف قلتلك لان بدري رحت .. وفي الغرفه عنايه واهتمام والممرضات يساعدوني والحمدلله ماشفت شي منهم وربي مااكذب في اي كلمه قلتها.. انتي بس اقعدي ادعي ربك واستغفري من وقت ماتحسي بالوجع لحد ماتولدي ورح تشوفي رحمة ربي ورح يكون وياك وتتسهل عليك باذن الله..
الله يسهل عليك يارب ويرزقك بوحده بنت حلال وطيبه وتخاف الله فيك يااارب..

ماانصحك فيهم
احنا مانسمي المستشفى غير مستشفى المجزرة حسبي الله عليهم
مرت اخوي تعبت في شهرها السادس وجاها طلق
وكانت هاذي اقرب مستشفى لهم وراحوا لهم
تقول والله الطلق يشتد علي وانا بكرية
والدكتورة تضحك ولا كشفت علي مخلتني قاعدة بالكرسي
تحسبني ابالغ....
وبعدين حنت علي وكشفت لقيتني ولاااادة
وقالت لازم قيصري عشان راس البيبي فووووق
تقووول سوت العملية وقالت لي اذا جاء الدكتور قولي له يعطي لبيبي منشط الرئة
تقول جو الدكاترة وانا اصيح عليهم واقولهم عطوها منشط ولااحد معطيني اهمية وانا بموت من التعب..
تقول ثاني يوم جاتني الدكتورة وقالت لي احمدي ربك لقينا لبيبي سرير فاضي حظه بس اللي قبله مات وجاء مكانه
استغفر الله وحسبي الله عليهم
ولدت يوم السبت وصباح الاثنين توفى جنينها الله يعوضها ويرزقها الذرية الصالحة

[أم بتال بإذن الله]

جزاك الله خير يا بحر العيون ..

أتمنى كمان ردود اللي جربو خصوصا بالسنوات الأخيرة
همتكم صبايا

[أم بتال بإذن الله]

ليه ما تردو عليا ��

[υм вtℓαα]

ماعندي علم بالمستشفى
بس عليك بالمشي واكل التمر واشربي حليب دافى محلى بعسسل
والله يسهل عليك يارب

[ام ووهج]

انا الحمدلله ولدت فيه وانا بكريه قبل سنتين الحمدلله ربي سخرلي بنات حلال وقفو معاي وحطولي كمام ومغضيه بصراحه عنايه وكمان اللي خيطتني دكتوره اسمها نانا على ما اعتقد خياطتها ممتازه ولله الحمد واللحين انا حامل واراجع عندهم بس انتي عليكي بلاستغفار كل كل ما حسيتي بلالم ولاتصرخين ابدا ربي يسهلك ويقومك بسلامه يارب