عجزت استوعب العمليه القيصريه ):

[فووفه]

السلام عليكم .





هلا خواتي

ابي نصايحكم وتجاربكم وكل شي للي سوو عمليه قيصريه

انا سويت قيصري طبعا غصب ولا كنت حاسبه للقيصري حساب

قدر الله وماشاء فعل

باقي لي اسبوع واخلص نفاس،باذن الله


الى الان وانا جبانه من كل شي

كل وقت مرايتي معاي بس اطالع بالعمليه وحالتي حاله حتى زوجي من كثر ما اشكي صار يخاف منها


اللي ابيه كيف انسى العمليه وامارس حياتي طبيعي حتى النوم صعب توي بديت انام على جنبي

حتى النفسيه دماااااار نحفت حييييل عندي ولدين طبيعي بس الاخير عمليه


كيف اتروش زين واتفرك

عادي اذا بغيت شي انزل نفسي اشيله ولا مايصلح

وعادي البس ملابس ماسكه

هذا اللي محيرني كيف الجماع بعد النفاس عشان العمليه من جد شايله هم عادي ولا شلون

ومعليش عالاطاله

[فووفه]

وينكم

[أم أحلى بنوتهـ]

ليش الخوف الزايد والوسوسه؟

ع قد ماتاكلي أكل صحي، ع قد ما يلتئم الجرح بسرعه

والطبيعي إنه يبدا يلتئم بعد ثلاث أسابيع

يعني إنتي باقي لك إسبوع أتوقع إنه التئم

بس المهم ماتفركي هالمنطقه ولاتحطي عليها صابون لين يختفي ويبقى الأثر ع الجلد فقط

وحاولي انك ماتشيلي أشياء ولاتنحني إلا للضرورة

والجماع جدا عادي بعد انتهاء فترة النفاس

بالعكس بيكون أسهل عليك من بعد الولادة الطبيعية

لأن هذيك المنطقه ماتكون تضررت كثير مع القيصريه

والبسي ملابس ضيقه ولكن مو ضيقه لدرجة تضغط ع الجرح

وبالتوفيق

[دلـــوعــه عـــــبوديـ]

اول شي الحمدلله ع سلامتك والف مبروك البيبي
حبيبتي ليش كذا متوتره جدا عادي تمارسي حياتك وانا من 3يوم اتروشت بصابون واتفركت عادي والدكتوره بنفسها قالتي عادي
والجماع كنت خايفه من هرج الناس انو يالم وطلع كلامهم غلط ماتحسي بالالم ابدا ومارسي حياتك طبيعي البسي وافرحي انسي العلميه

[دلـــوعــه عـــــبوديـ]

وانا كانت خياطتي كبس

[beauty]

ريحيي نفسك ولا تعطين الشيطان مجال يوسوس لك هاذي هي شغلته بالحياة يظيق على الانسان

شوفي ياقلبي مارسي حياتك طبيعي وترا الله كاتب لك هالشي لو رضيتي بدوون تذمر لك اجر كبير ربي يهديك

عيشي عادي والجماع برضوا عادي لانه بالبطن مو تحت
والتشوه يروح مع الوقت وتفركي عادي لكن نفس جرح العملية لاتفركينه وسوي له مطهرات وبعد ما يلتئم الجرح نهائي بعد
شهرين مسحيه بقطنة فيها مر تخفي الاثر بأذن الله
حاولي تتخلصين من الهم الان لانه يمكن يتطور معك لاسمح الله ويخرب حياتك



موفقه,,,,,,,

[ام جوري&&]

تلقي الافااااده ان شاءالله ...

[ميدوري]

حبيبتي لا تخافي و لا توسوسي

انا ولدت علميه و الجماع بعد الاربعين عادي نفس قبل الولاده مافي شي يخوف
و مكان العمليه بس جفيفيه كويس بعد السباحه و ممكن تمسحيه بمسحه طبيه اول اسبوع مره باليوم

و الملابس عادي البسي الي يعجبك المهم ما تخلي شي يضغط ع مكان العمليه بالبداية

و مهم تتحركي و تمشي و تنزلي تشلي شي و تتصرفي طبيعي الحركه تساعد ع الشفاء فلا تتخوفي بزياده
بس لا تحملي اشياء ثقيله و لا تجهدي نفسك

ماعليك من تهوويل الناس و ان العمليه بلاء عظيم بعد اسبوع واحد تقدري تمارسي حياتك الطبيعيه حتى لو في وجع بيكون خف ...
اذا اهتميتي بنفسك ما فيك الا العافية ان شاء الله