ادعولي يكون حمل فعلا

[ام ياسمين ان شاء الله]

السلام عليكم ورحمه الله وبركاته

انا جديده معاكم ف المنتدى بس متابعه تفاعلكم مع بعض من زمان
ربنا يباركلكم جميعا يارب ويرزقكم ماتتمنون

انا قصتى باختصار متزوجه من 7 سنوات والحمدلله على كل حال لسه ربنا ماكرمنيش بالاطفال ولا جربت الحمل ولا مره
عملت حقن مجهرى مرتين وربنا ماارداش المشكله عندى تكيسات بس بسيطه على كلام الدكتور
انا كنت عند جوزى ف الامارات وكانت اخر دوره يوم 9/12 اللي فات ورجعت مصر يوم 9/27 اللي هو يوم تبويضى
وكانت المفروض تنزل يوم 10/10 ومتاخره لحد الان 3 ايام عملت امس اختبار بول ف الصباح وظهرلي خط تانى ينشاف بالعافيه لو ادقق فيه ورميته وقلت اكيد مش حامل
بنفس اليوم الظهر رحت عملت تحليل دم عادي وقالتلي ظهر حمل بس ضعيف فرحت وخفت ف نفس الوقت
اول مره اسمع كلمه حامل ف حياتى والحمل ضعيف قالت لازم تعملي رقمى نتاكد من النسبه وسحبت منى العينه وان شاء الله تظهر بعد الظهر ادعولي بالله عليكم النسبه تكون كويسه

سؤالي هل الحمل الضعيف مش بيستمر لاقدر الله

ولو في واحده حصل ان حملها كان ضعيف وكمل على خير تدخل تطمنى جزاكم الله خير جميعا
اسالكم الدعاءبالحمل السليم المعافي
واسفه للاطاله