توقف وحامي ساعدوني .....

[عشتك خيال]

صباح الخير صبايا .....
توني ضيفه جديده بالمنتدى وحبيت استفسر منكم
انا حامل وعمره 6 أسابيع واليوم صار لي الثالث ماحسيت فيه بالوحام يعني توقف
كنت اكره الاكل وريحته وبس عايشه ع السوائل ولي يومين مفتوحه شهيتي ع الاكل وماعاد اتقرف
وماعاد فيه ترجيع ولوعه الكبد كلها اختفت وانا مسافره بعد اسبوع وش تنصحوني فيه تكفوووووون

[بنوتة أمورة]

سويتي سونار؟شفتي كيس الحمل والجنين.. ،؟سمعتي النبض؟
اذا...لا...روحي سوي
اذا...اي ماعليك الا العافيه

[عشتك خيال]

سويت سونار وقالت النبض تمام بس قالت الدكتوره الكيس صغير مررره ونازل تحت

[Askazya]

حبيبتي روحي مرة ثانية امي الله يخليها في حملها فيني وفي الباقين من اكبرنا لأصغرنا كانت تعيش ع المثبتات لأنو عندها ضعف في المشيمة فأذا تركت المثبتات جاها نزيف و اذا رجعت لها راح فالله كاتب لي ولأخواني حياة و الحمد لله هذا احنا لا تخافين اذا ربي كاتب لك شي بتاخذينه و انتي ادعي فالدعاء يرد القدر بأذن لله مافيك الا العافية بس انصحك تروحين من باب الحذر و الحيطة

[حياتي توأمي]

حبيبتي تطمني ولاتوسوسي
عاادي تختفي اعراض الوحام تدريجياً شيء طبيعي
الوحام يكون في اول شهور وبعدين بعد مرور الشهور الثالث يبدأ يخف تدريجيا وينتهي

بما ان النبض زين فالحمد لله
واذا الكيس صغير ونازل مثل ماتقول الدكتورة حاولي تريحي نفسك راااحه تامه
وبعدين الاطباء دايماً يحاولون يهولوا ويكبروا من الشيء ويخوفوا المريض
اعرف وحده بالمنتدى مماشاء الله كانت حامل بتوأم واول الشهور الدكتورة خوفتها وقالت الكيسين نازلين مررره
والحمد لله
الله تمم حملها وولدت توأم مثل العسسسسل

يعني مو بكلامهم يصير الشيء
تفاءلي خيرااا
واستودعي جنينك عند اللي خالقه قادر يحفظه

موفقه

[عاليه 123]

طبيعي يخف الوحم تدريجيا ومو كل أكل تشتهينه فيه نوع من الأكل تحبينه وتركزين عليه وبعض الأكل تلغينه
نصيحتي ركزي قد ماتقدرين على الفواكه والخضروااات وأبتعدي عن الدهون قد ماتقدرين يعني حددي بالملعقه ماتخذي راحتك بالكامل علشان صحة الجنين والعصائر والسوائل بشكل عام ماعدا المشروبات الغازيه قللي منها وحب ذا أذا ألغيتها يكون أفضل
والألبان والأجبان علشان الكالسيوم والعظام ودكتورتك بتصرفلك حبوب للحديد والفيتامين مساعده لتكوين الجنين وماعليك شر يارب والله يتمم لك حمالك وييسرلك ولادتك يارب ..

[nadasi]

أنا رأي لازم تروحي للدكتورة اليوم
لسى بدري تختفي أعراض الوحام
والله يطمنك يارب

[بنوتة أمورة]

اصلا توه 6 اسابيع...يادوب يبدأ الوحام.....الله ييتمم حملك بخير..وعادي لاتخافين

[ندى الوردة]

مع بنوتة أمورة المفروض الأعراض تبتدي بالأسبوع السابع يمكن كنتي قرفانة بس ولسا ما بدأ الوحم الحقيقي
بس عموما لازم تراجعي عشان تطمني وربي يطمن قلبك

[الأميرة الحسناء]

وأنا بعد اتوقع ان الوحام لسى بدري عليه
في ناس يبدأ عندهم من الاسبوع الثامن
بس احسن شي تروحي اتسوي سونار تطمني عليه
وان شاء الله مافيه الأ الخير