خوات زوجي وامة.......الي سوته صح

[@أم كرار@]

بسم الله الرحمن الرحيم

السلام عليكم ورحمة الله وبركاته ...............
سيدة بدخل في قصتي مع أحلى خوات زوجي وام زوجيمن أول دخلت عليهم كل يعيبون علي قمت اسكت وما ارد واصير معهم طيبة علشان ما امبي مشاكل وبعدين قلت مثل ما يعيبون بعيب بس بعد ما اقدر عليهم وعلى كلمهم.
قمت كل ما اسمع كلمة تجرحني اقعد اصيح بروحي وما اقول كلشي الى خطيبي.
الحين تغير الوضع وتزوجت وزاادت المشاكل اكثر ..
أنا مو مكملة درااستي في المدرسة الحين قاعدة ااكملهاا الحين انا في صف ثاني ثانوي وعمري 23 انا كنت ما امبي اكمل بس زوجي وصديقتي هم شجعوني وصار عندي رغبة انا اكمل وبكل امل بس خواات زوجي قاعدين يكرهوني في الدرااسة
كل ما يشوفوني يقعدون يعيبون علي أني كسلانة ويقولون بعد ما شب ودوه الكتاب
ويقولون اني من صدقج يتكملين وانتي في هل سنة تعبين وانا اسمع كلام جارح
ارد بس موو رد عدل ما اعرف شنوو اقول يربط اللساني , اروح اقول الى زوجي الي يقولونه لي يخاف اذا قال لهم ما يكلموني وعاادوني ويتكلمون علي ,انا قلت ليه لا تصرخ بكلمة الطيبة اني لا تعيبون عليهاا وبس ....
يقوم يبرر لهم يقول هم يمزحون واذا عيبوا عليج عيبي ليهم راس برااس ....
المهم اخر مرة ما قدرت بطيتهاا مثل كل مرة عيبوا ما قدرت اصبر زود قلت الى زوجي .
أذا ما كلمتهم أنا بطلع من المدرسة ...
وقام كلمهم تعرفوا شنوو صاار هههههههههههههههههه
ما كلموني على شي هم غلطوا في حقي ,كنت ما امبي يعتذرون كنت امبي يمشون السالفة عاادي ونتكلام مع بعض بس بحتراام .
قلت أخر شي ما بكلمهم ولا بقعد ويااهم ...
قلت بدخل بقول عليكم السلام وبركب شقتي وبنزل سلام وانا طالعة .

اتمنى انكم تنصحوني
والي سويته صح ولا غلط

[قطرات ندى]

صحيح عمري احسن بعد وقفتيهم عد حدهم من الحين وبالتوفيق بالدراسه غلاي

[@أم كرار@]

مشكورررررررة اخت العزيزة قطرا ت ندى

[سكره وذابت]

صح اللي سويته اللي متي راح تقعدين تسمعين لهم الله يوووفقك حبيبتي بدراستك وبحياتك

[آية الهدى]

ممكن يكون اسلوبهم في المزح خشن و انتي ما تتحملينهم احسن شي تحاولين تتجنبين مزحهم و لا تعبرين كلامهم

[sweet moon]

جت من الله

خلهم بعيدين احسن

وبالتوفيق

[..& هديل &..]

تعاملي معهم بشكل رسمي بحت
ودراستك لاتخلينها ابدا هم هدفهم انك تتركين الدراسه عشان كذا لاتحققين لهم اهدافهم

[أم فاطمة]

الله يوفقك في دراستك وعقبال الجامعة ولاعليك من كلام العذال اسمعي وطنشي احسن لك عطيهم الاذن الصمخة

[نوادر]

كلام سليم خليك كذه واتقي شر المشاكل الله يوفقك

[حكاية حلم]

الله يعينك حبيبتي وموفقه بالدراسه
مهما صار لاتهدين الدراسه لأنه مستقلبك
طيب حاولي تكسبينهم بالهدايا والكلام الطيب
حاولي يمكن وانشاءالله يمشي الحال
لان مو حلوه تعيشي فهالوضع اكسبيهم لصفك ترتاحي والله
وموفقه غلاتي