عندي مشكلة

[falhosani01]

السلام عليكم ورحمة الله وبركاته

بنات عندي مشكلة في حياتي معقدتني .. واخاف اتطلق بسببها

انا يا بنات تزوجت عمري 17 سنة ونقلت من عيشة عز و خير لعيشة ذل وفقر

تعبت في بداية زواجي واااايد وعانيت من اهل زوجي

اهل زوجي يتدخلون في كل شي واللي يقهرني ان زوجي متجاوب معاهم

مادري انا غلط ولا هم ولامنو بالضبط .. فيهم طيبة وفيهم نذاله

يعني لي شافوا شي في بيتي او في عيالي مايخبروني انا على طول لزوجي وبطريقة تسوي مشاكل بيننا .. ان وين زوجتك ماتشوف نيي نحن نسويه .

انا ساكنه في شقه غرفتين وصالة واهله كلهم عندي ما شاء الله وايدين وحشرة

وبعد متحملتهم .. ماعندي حل .. ادرس وحامل واشتغل يعني ضغط مب حاسين فيه

يعني مرة انا كان عندي امتحانات وكنت ادرس في غرفتي .. واتصل علي زوجي معصب ويغلط علي

انه في حد متصل به من اهله وقاله المجلس مب مرتب في بيتكم نجي نرتبه لكم .... ؟؟؟!!!

يوم طلعت من الغرفة اهله هم اللي خاربين الدنيا .. طيب كم بلحق انا غير جيه عندي اولاد اثنين صغار واحد سنتين وواحد سنه ..

عمي ..... شسوي فيه مضطرة احترمه مع انه يحرض ريلي عشان يتزوج علي

يغلط على اهلي .. يدخل غرفتي بدون استأذان وبدون مايراعي .. ادخل غرفتي القاه يسبح في حمامي (عزكم الله)

خواته .. دايما ... وين زوجتك ليش ماسوت ليش ماقالت ليش وليش وليش والله تعبت شو الحل؟؟؟

غيره هو زوجي نفسه مايراعيني ابد ابد

يعني انا وحدة اداوم من الساعه 7 لين الساعه 3. واطلع اروح الجامعه وتعب الحمال والعيال والبيت والضغط النفسي

شو اسوي ؟؟؟

وييني الساعه 2 يلا قومي تعالي واذا رفضت غلط علي وخلاني انام وانا اصيح من القهر


بنات تكفووووووووون ابي نصيحتكم والله تعبت اليوم فكرت اني بطلب الطلاق !!!

ابي نصيحه

[ايرينا]

مشكله صعبه ومقدر اقولك علمي اهلك لان بتكبرر السالفه
بس انتي بأسلوبك اجذبي زوجك لك وماتخليه يسمع كلامهم ولما يتصل يعصب ليه مو مرتب انتظريه لين يجي ويكون لبسك مررتب
وكلميه بدلال غير مبالغ فيه انك تعبتي من الترتيب والدراسه وترتيب ملابسوو وقوليله شسوي ابنك مو راضي يهدا ببطني بس يرفسس ومزعجني
لما يجي زوجك دلليه قد ماتقدري كانه طفلك الوحيد وشوي شوي بيتعدل

[falhosani01]

حبيبتي شكرا على ردك

بس انتي ماتتخيلين زوجي كيف صعب .. وانا مقدر اتحمل اسلوبه ينرفزني

واهلي ماريد اخبرهم الا اذا صار طلاق يعني اروح لهم وانا مطلقه خلاااااص

ولو شو ما سويت ماينجذب لي .. واذا انجذب خذ اللي يبي وعقب خلااااص ترجع حليمة لعادتها القديمة

[falhosani01]

h waml93hw aml93hwa ml96