الحزن

صدددمه · 09-29-2010, 04:48 AM

السلام عليكم ورحمه الله

هذي اول مشاركه لي بمنتداكم الرائع وان شاءالله تتقبلوني وتساعدوني

آخواتي الغاليات ..

حبيت اعرض لكم موضوعي .. الصراحه هاز كياني ومتعبني وترددت اكتبه .. بس مالقيت غيركم يااخواتي تاخذون
معاي وتعطون وتساعدوني وتساعدون غيري اللي يمر بنفس المشكله ..

احيانآ ياآخواتي الحزن يكون فوق طاقة الانسان .. يعني الحزن كلنا عارفينه ويمر علينا
بكل مراحل حياتنا .. ونقدر نتخطاه مع الزمن والوسائل كثيره ولله الحمد ..

لكن ياآخواتي لما يكون (الجمر) ساكن الحشى .. بغض النظر عن اسبابه ..
اهرب من الدنيا بالنوم عشان ارتاح .. اقرى ادعيه عشان تخفف علي ..
يعني انا بعتبر الحزن بكل درجاته مثل السكين اللي تنغرس بالقلب لكن
تنشال بنفس الوقت ويبرى الجرح مع الزمن .. لكن اللي احسه ..
مثل السكين المغنرسه بقلبي .. لكن من غير لا احد يشيل السكين
يعني لاني قادره اتحمل الألم ولاني حاسه انه ممكن يطيب ..
لأنه العذاب مستمر .. وتغذيه الذكريات والأوهام ..
والافكار اللي تضايق ..

اعذروني عالوصف الغريب بس حبيت اوضح كلامي وافضفض معاكم
بكل مايجول بصدري المطعون ..

انا ماقول ان هالأحساس يجي من سراب .. لا اكيد من صدمات ومصايب ..
الله يبعد عنكم .. لكن انا وانتوا والكل جرب انواع الحزن ..
لكن لما يوصل لأقصى حالته شو العمل ؟
لما يحس الانسان انه مايقدر يعيش الا بمهدئات !!
و الادعيه وأي شي يلهي ..
لما يكون الانسان خلاص اهتز .. لي درجة ان حتى كلامه قام يقط خيط وخيط (بدليات)
تأثر دماغه وكل ذره بجسمه ..!! وهوا لازال بعمر الشباب ..!
والمشكله انسان حسااااااس بكل معنى الكلمه .. اكثر شي يحرص عليه
انه مايجرح غيره .. ويعيش حياته بشكل طبيعي ..
لما يكون الانسان مؤمن بالله وامله برب العالمين كبير
لكنه منهز بقوه من احزانه وخاصه صدمات لايحتملها ..!
مو مخليته قادر يفكر بتأني .. مشوش مخه وقلبه ..:(
فماالعمل ..! عنده امل بالحياة وطموحات مالها اول ولا آخر
متفائل وقعد ينجز وقعد يحاول مايحسس اهله وناسه بألمه المتواصل ..
لكنه (محروق) من الداخل .. محروق بكل ماتحمله المعنى من كلمه ..
فهنا انا اطرح السؤال .. الألم الجسدي عرفنا دواه لكن الألم
النفسي شو الحل معاه ..؟

تكفون محتاجه وقفتكم يا اخواتي.

Mقمة البرااااائهM · 09-29-2010, 11:24 AM

كيف صلاااااتج؟؟؟؟؟؟

مداااومتج ع صلاااة الفجر....وأذكااار الصباااح والمسااااااا,,,,,

وقياااااااااااااام الليل((سهااام الليل))......هذااااا علاااااجج.....أختي

~~لحن الحياة~~ · 09-29-2010, 03:12 PM

حبيبتي مزبوط كلام قمة
حافظي على الصلوات بوقتها وحافظي على قراءة كتاب الله
واقراي على كاس من الماء المعوذات والكرسي واشربيها
وكلي امرك لله هو عالم بالصدور
بالسلامة يا قلبي

صدددمه · 09-30-2010, 12:32 AM

اولا اشكركن اخواتي على الرد
اسال الله لكم كل خير
وعندي تعليق بسيط
والله يا بنات انا قريبه من الله اللهم لك الحمد صلواتي اصليها في وقتها
وغالبا اصوم يوم الاثنين والخميس
واحيانا اصلي صلاة الليل ادعي فيها
والله مو سبب همي وحزني عدم تقربي من الله لا بالعكس
انا والله الحمدلله قريبه من اللــه
واقراء قران
وارجو من كل وحده دخلت موضوعي لو ماتقدر تساعدني ترد لو بدعوه في ظهر الغيب
وانا ماراح انساكم من دعائي.

دمتن بود.

sweet moon · 09-30-2010, 12:37 AM

انتي صار لك شي بحياتك مأثر عليك

بس حاولي تتفادين هالصدمه اللي مريتي فيها

او تتناسيها ,, او اذا ماكنتي تدرسين

ادرسي والهي نفسك بالدراسه

حاولي تغيرين روتين حياتك ,, وتبعدين عن الشي اللي يذكرك بحزنك

الله يفك همك وينور لك حياتك

اميرة بدنيتي · 09-30-2010, 03:54 AM

حاولي تشغلين نفسك باي شي تفضلينه

حتى تبعدين هالوساوس عنك

الله يكون بعونك

**سماسم** · 09-30-2010, 05:06 AM

الله يبعد عنج الحزن والهم والكدر ..

صدددمه · 09-30-2010, 09:38 PM

اسال الله ان يفرج همومي وهمومكن
وجزاكن الله خير
نعم كنتن نعم الاخوات
الله لايحرمني منكن
دمتن بخير.

ܔحبيبة علويܟ · 09-30-2010, 10:17 PM

الله يبعد عن الجميع الهم والحزن حبيبتي يمكن فيه شي صارلك بحياتك اهو اللي يسبب الحزن والوسواس ..

صدددمه · 09-30-2010, 11:28 PM

آآآآآآآآآآآآآآآه ياحبيبه علوي اكيد وشي قوي بعد تمنيت اموت قبل يصير

لاكن الله يصبرني والحمدلله على كل حال.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أعشاب لتخفيف الحزن والكآبه	عزيزة النفس	منتدى الصحة الغذائية والطب البديل	4	07-02-2010 10:16 AM
ضروري الملح الخشن	كلمتي في نظرتي	الموضة و الجمال	3	01-18-2010 06:29 PM
الفرق بين الحزن والوحده	غلا الشوق	المـنـتـدى الـعـام	6	12-04-2009 01:23 AM
لا زاد فيني الحزن	غلا الشوق	ملتقى عضوات حوامل	7	10-05-2009 11:22 PM