سجل حضورك بجدول غذاء طفلك لليوم( فيد واستفيد )

[cup cake]

طبعا الكتاب باين من عنوانه .. كثير من اﻻمهات تحتار في تغذية طفلها الكثير من اﻻمهات ماتعرف ان ها الوجبات مفيده و كامله او تكفيه حق نموه ليش مانفيد بعضنا ونستفيد من تجارب بعض انا فتحت ها الموضوع حق نتفاعل مع بعض بعضنا ﻻن كثرت مواضيع اﻻمهات الى يشكون من سوء تغذية اطفالهم او رفض اطفالهم للطعام او نقص وزنهم بسبب سوء التغذية وجهل الامهات في الغذاء المتوازن للطفل او محتارين في التنويع للوجبات احنا هني حق نفيد ونستفيد من بعضنا انشاء الله واتمنى تتفاعلون يا بنات كل وحدة اول شي تكتب عمر طفلها و وزنه و جنسه ولد او بنت و تسجل حضورها اليومي بجدول غذاء طفلها من اول ماقعد الى وقت النوم

ببدء معاكم

[دلـــوعــه عـــــبوديـ]

انا عندي توام ذكور اعمارهم سنتين و7شهور وزنهم 12كيلو لانهم مولدين بسابع
انا مو كل يوم اعطيهم نفس الاكل كل يوم راح انزل جدول
الفطور نص كوب حليب....زبادي...توست...قشطه
الغداء...مكرونه ودجاج ونص كوب لبن
المغرب عصير مانجا مع مسليات بسكويت وغيره
العشاء بيض وجبن وخبز قشطه زبادي ونص كوب حليب

[cup cake]

فطومة سنة الوزن 9 كيلو

الصباح بيض مع جبن

الساعه 12 رضعة حليب

الغداء رز مصري و بطاطس وقطعه دجاج ماحبت هاي اﻻكله اكلت ملعقتين فقط

المغرب فاكهه اكلت برتقال مع كيوي

العشاء زبادي

وقبل النوم رضعة حلييب

[نسيم جدة]

عزيزتي كب كيك توني داخله ابغا احط اقتراح كل وحده تحط جدول تغذية لطفلها كلنا نستفيد من بعض يعطيكي العاااافيه ياااا قلبي و اتمنى يكون في تفاعل اكثر من كذا من الاخوات 45 مشاهده و 8 ردود الله المستعان انا هذه اليومين مقصره مررره مع بنتي عمرها سنه و شهرين اصحيها على 11 12 الظهر و تشرب شويه حليب و افتلها تست مع الحليب هذا الي تتقبله هذه الايام تاكل لقمتين 3 بالكثير من ملاعق الاطفال الي مره صغيره و خلااااااص عليها لين 3 و بعدين زبادي احاول ااكلها غداها رز مصري مع خضار و دجاج الله يصلحها ما تاكل كل ما ادخل لقمه في فمها تتفها و تبكي اذا حاولت اغصبها بس احيانا تتقبل لقمتين و خلاص تدف الصحن و بعدين انيمها تقوم المغرب 6 او 5و نص تشرب حليب و بعدين احاول معاها مره ثانيه لمن ترفض اعطيها تفاحه مبشوره تاكل شوي و ترمي الباقي و بعدين حليب مع توست مفتت كمان لقمتين و شويه حليب و تنام 12 او 11و نص اذا نامت بدري هذا جدولها الله المستعااااان و طلع عندها فقر دم ما ادري ايش اسوي الله يفتح شهيتها و كل طفل ما ياكل ياااارب لان اصعب شي من جد الله المستعاااااااااااااااااااااااااان

[نسيم جدة]

طيب اخواتي انتو مو ملاحظين انو في تباعد كبير بين الوجبات انا الي اعرفه على حسب كلام الدكتوره 8 و جبات 3 رئيسية و خمسه سناك وجبه خفيفه عباره عن فواكه كيك بسكوت و حليب من مرتين الى 3 حد اقصى بس الله يفتح عليهم و ياكلو انا بنتي تقعد احيانا 5 ساعات بين الوجبه و الثانيه الله كرم بس انا كمان مهمله انشغل بالبيت و اتاخر عليها و الوم نفسي و احيانا تروح عليا نومه و ما اقوم بدري اول كان كل شي تمام اقوم لمن هيا تقوم و انام لمن هيا تنام الله يصلحني ..... ايوا في رابط راح احطه مرررره حلو يتكلم عن كميات الاكل الي تكفي الطفل من عمر سنه و ما فوق

[نسيم جدة]

هذا هو الرابط ان شاء الله تستفيدو What's the right portion size for my toddler? - BabyCentre

[cup cake]

نسيم جدة حبيبتي اشكرج على التفاعل و بنتج مثل بنتي اعاني معاها في اﻻكل بس بقولج اﻻ اسويه مع بنتي حق تاكل .. لما تجي وقت الوجبه اشتغل التلفزيون و احملها و اخليها قريبه منه وتندمج وتنسى نفسها وتاكل شوي الحمد الله وكنت اعطيها سناك و جفتها ف الوجبات اﻻساسيه تاكل قليل ﻻن السناك يكون مشبعهم اللحين قمت اباعد بين الوجبات حق وقت الوجبه الرئيسيه تجوع وتاكل كثير و اكلها ضيفي معاه قليل ماجي ﻻن اﻻكل بدون طعم يرفضوووه و عطيها من اكلكم لما يكون مو حار وبتتقبل تاكل و وقت اﻻكل اشغليها ف موبايلك او اللعاب او تلفزيون و بتنسى نفسها وتاكل والسناك سوي لها جزر او خيار او تفاح او كمثري قطعيهم با الطول خليها تمسكهم بنفسها وبتتشجع تاكل وجربي ضيفي زبادي او جبن للوجبه بيعجبها وايد ♡♡

[نسيم جدة]

مشكوره حبيبتي على النصايح انا فعلا اسوي لها كذا من ناحية التلفزيون و الموبايل بس خلاص كان اول الحين ما يفرق معاها شي كل مره افكر ايش اخترع لها شي يلهيها علشان تاكل اما بالنسبه للسناك اعطيها احيانا و احيانا اخليها من غير اكل لين و قت الغدا علشان تجوع بس برضو تاكل شوي و ايام تتحسن الحمد لله و كمان في روحتي على السوق ما اعرف ايش اعمل ايش سوي لها غير الحليب لانها ما تاكل بسكوت او كيك ايش اخذ معاي اكل يناسبها و يشبعها سااااعديني تكفين