قصتي مع الحقن المجهري

[حنون فلسطين]

السلام عليكم ورحمة الله وبركاته
عملت عملية السحب يوم الخميس بعد أيام من أخد الإبر المنشطه والحمد لله أطلعت ولأول مره 11 بيوضه لأنه قبلها لما عملت كان العدد 4
بس للأسف 2 من البويضات تلقحيهم طبيعي ( إنقسامات طبيعيه ) فممكن هالشهر ما يكون في إرجاع لأنه لازم يكون العدد أكتر لعمل الفحص الجيني لأنه أكتر من مره فشلت عملية الحقن المجهري وفشل حملي الطبيعي فقررنا نعمل فحص جيني للأجنه
بس خبرتني الدكتوره إنه ممكن يكون تحسنوا ليوم الأحد فبكرا بستنا إتصال منهم يا رح يعملوا إرجاع أو رح نعيد العمليه الشهر الجاي والبويضتين الملقحه رح يجمدوهم للشهر الجاي إدعوا معي أعملها هالشهر وأخلص من إبر منشطه لأني تعبت منها ويا رب تنجح عمليتي
لأنه هيك رح يكون عندي مشكله بحدوث إنقسامات بالبويضه الملقحه والله أعلم
يا ارحم الراحمين يا الله إرزقني الذريه الصالحه وربي لا تحرمهم من بيت مسلم

[سبعاويه سبعاويه]

ان شاء الله بتعمليها هالشهر وبترتاحي وانشاء الله تخبرينا بحملك يا رب ويرزق كل محروم ومحرومه يا رب

[رياحين علي]

ربي يسهل لك امورك و تعمليها هالشهر و تنجح يا رب يا كريم ..

[رقي]

ربي يسهل لك كل خير ياقلبي ويرزقك من واسع فضله ويكرمك بالذرية الصالحة يارب

[حنون فلسطين]

آمييين آمييين آمييين
يارب يستجيب دعواتنا ويرزقنا أجمعين
شكرا لكم سبعاويه سبعاويه ورياحين علي ورقي

[رقي]

طمنينا حنون فلسطين ايش صار معاك؟

[حنون فلسطين]

اليوم المركز ما إتصل فيي بنتظر لبكرا ليتصلوا وإن شاء الله خير

[الأمورة سوس]

يارب يسهل عليك و تحمل

[جميلة الجزائرية]

خلي ايمانك بالله كبير
دعواتي الك

[حنون فلسطين]

تسلمو كتير لدعواتكم
أنا اليوم إتصلت الدكتوره بزوجي مشان نعمل الترجيع وخبرتني آخد تحميله سايكولجست وأشرب مي ورجعوا بيوضه وحده ﻷنها الوحيده تخصبت بطريقة إنقسامات صحيحه وما عملوا فحص جيني ﻷنه وحده
يا رب تثبت وأحمل وارزق بالولد الصالح