الدكتورة تطلب مني أنزل الجنين؟ وانا خايفه.

[أم يزن الحلوة]

السلام عليكم ورحمة الله وبركاته

كيفكم صبايا ايش اخباركم ...

حبيبياتي بادخل بالموضوع على طول ..

قبل فترة بشرتكم بحملي وانه لي شهر ..وبعدها نزلت موضوع انه ينزل علي دم واخذ مثبتات وابر وتحاميل..الحمدلله على كل حال

يوم الاثنين اللي فات 1435/2/27 رحت لموعدي للدكتورة ع اساس انه لي شهر ونص

عملت لي سونار وقالت لي المفروض انه يكون لك 7 اسابيع بس اللي مبينه لي السونار انه لك 5 اسابيع و3 ايام والجنين صغير..
لآن الدكتورة حاسبة لي من يوم أخذت ابر التفجير..
وطلبت مني انه اعمل تحليل رقمي وفعلا عملته وطلعت النتيجه انه لي 5 اسابيع
وطلبت مني انه اجيها اليوم هو الاربعاء الموافق 1435/3/7

وعملت لي تصوير قالت مو باين صغير بالمرة ماكبر ..خوفتني والله ...وطلبت مني انه اعمل سونار واعمل تخطيط الاوعية الدموية بالرحم (عمل لي الدكتور سونار )واخذت النتيجه

ورحت للدكتورة قالت لازم تنزلية وحولتني لمستتشفى العام ..يعطوني ابرة بالوريد تحلل الجنين وينزل ؟

وقالت لي الجنين بالجنب الايمن وصغير ومافيه نبض..وربي خفت والحمدلله ع كل حال
وقالت لي مو عاجبني مكانه ...
قالت لاتتاخري ابدا علشان مايعملوا لك تنظيف..

ورجعت البيت وانا محتارة اروح للمستشفى واخذ الابرة ولا اراجع عند دكتورة ثانيه واتاكد

والشيء الثاني من جربت الابرة وهل ينزل بسرعه ..

اسفه ع الاطاله ...دلوني الله يدلكم ع كل خير ..طمنوووووني ضروري

انا بعد شوي رايحه لدكتورة ثانيه علشان اتاكد ..

[أمي غلاي]

الله يكتب الي فيه ويعووضك ان شاء الله خيرره اي افضلك تتاكدين من دكتوره ثانيه علشان ترتاحين وبنسبه للابره ماعندي فكره عنها ان شاء الله يفيدونك البنات

[دعاء الصابرين]

حبيبتي الله يكتب الك الخير ويعوضك الحمل السليم
حبيبتي اذا عملتي سونار اكثر من مكان وكان نفس النتيجة اسمعي كلام
دكتورتك
انا كان عندي حمل بدون نبض واعطتني حبوب ونزل ومحتجت الى تنظيف
والحمد الله رب العالمين عوضني بحمل ثاني

[أم يزن الحلوة]

جزاك الله خيرا ي قلبي ..

آمين يارب..

[آم صبى]

الله يعوضك خير يآ قلبي ،
روحي عند طبيبة ثانية واذا قالت نفس الكلام
نزليه و الله يرزقك الجنين آلسليم المعآفى

[أم يزن الحلوة]

الله يجزاكم خير ..ويطمن قلوبكم...الله ﻻيحرمني منكم فعﻻ والله كانكم اخواتي واعز
الحمدلله ع كل حال رحت للدكتورة ثانية وقالت لي الرحم مفتوح وفيه دم ومافيه كيس
قالت انتظري كم يوم وهو ينزل.فسالتها انه ﻻزم اخذ اﻻبرة وﻻ ﻻ...فقالت اتركي حبوب
الدوفاستون علشان ينزل..طبيعي واعطتني موعد يوم السبت
تشوف اذا خلي الرحم او ﻻ..
فان شاء الله بكرة راح اروح المستشفى العام والله يكتب لي اللي فيه خير..
والله يسعدكم ويرزقكم من حيث ﻻتحتسبون.♥♡♥♡

[ام روزي ويوسف]

الله يعوضك بتوأم يارب ، صحتك بالدنيا

[ahlam-f]

الله يعوضك يارب .

[يآ أرحم الرآحمين]

من الاحسن ينزل في اقرب وقت دام انك اتأكدتي انه مافيه نبض عشان ما تحاجي للتنظيف يعني كلما نزل بدري كلما تجاوزتي التنظيف
الله يعوضك حبيبتي و الخير في ما اختاره الله

[أم حمودي وعبودي]

لا تاخذي حبوب ولا خرابيط وانتظري اسبوع اسبوعين وعيدي السونار
إذا هو سليم بيثبت إن شاء الله وإذا كان تعبان ينزل بنفسه بدون حاجة للأبر والتنظيف لأنه مرة صغير