شنو جنس جنيني؟؟؟؟

[قطوة]

السلام عليكم ورحمة الله وبركاته
انا حامل مدري بالضبط بأي شهر بس احتمال بداية الثامن لاني ما احسب لنفسي
فبداية الشهر السادس سويت سونار قالت لي حامل ف بنت وشفت مكان العضو
وسويت سونار نهاية السادس قالو ولد كل دكتوره كلام على مزاجها
المهم انا انا عندي ولد والحين حملي هذا اعراضه غريبه عجيبه
ثقل مو طبيعي مو طبيعي
واذا انسدحت او قعدت ووقفت كأني مشلوله رجلي اليمين يجيها شد ازحف وربي
ما جاني وحام نهائي
والحركه حسيتها متأخره احتمال ع الخامس
وحركة الي فبطني تعور حيل خصوصا ان تجي ضربه احسها يسار الحوض احسه بينكسر وربي يهتز جسمي كله من قوة العوار *_
------
احلامي ..
احلم ان عيوني مكحله بكحل اسود ورسمة عيني جميله جدا
-----
حلمي الثاني حلمت اني فتحت الكبت لقيت ربطت شعر مشجره
-----
ودي اعرف احلامي واعراضي تدل على شنو ؟؟؟؟؟؟

[يآ أرحم الرآحمين]

حبيبتي الاعراض ما بتدل على جنس الجنين
بس شي لفت انتباهي يقولون ان البنت تتاخر بالحركة يعني على السادس تتحرك ببطن أمها و الولد بالشهر الرابع و فعلا لما كنت حامل بإبني ما حسيت بالوحم نهائيا و اتحرك ببطني في الشهر الرابع زي الفراشة على خفيف ... أتوقع و الله أعلم حامل ببنت

[Hajs]

مما شاء الله
الله يتمم حملج على خير ويحفظ لج جنينج وئفرح قلبج بضمته
والله مادري يختي أنا بكر بس من اللي أسمعه من اللي حولي يقولون ان الحمل الثقيل حمل بنت
حمل الولد يكون خفيف وحركة الأم تكون هبّة ريح على قولتهم

الله يحفظ لج جنينج
ادعي لي بالحمل

[قطوة]

امين ي رب تطلع بنوته فعلا بولدي كان حملي خفيف مثل الريشه بس هذا الحمل حيل ثقيل

[لمياء ماهر]

والله وحيرتنا السونارات !

تخليني اشك الحين بجنس جنيني مرتين قالو لي ولد مره بالرابع والمره الثانيه سويته ببداية السادس

المشكله جهزت كلش ولد لازم اسوي سونار الحين اتاكد

[قطوة]

الولد بالسونار دايم يكون اوضح من البنت
انا بولدي شفت جنس جنيني بالرابع

[سحابة الماضي]

حسيت من كلامك انك حامل ببنت دايما حمل البنت ادفش من حمل الولد
حمل الولد ناعم وحركه الولد بتبين أبكر من حركه البنت
البنت بتتاخد شوي بس مش عند الكل
الله يقومك بالسلامه

[قطوة]

ربي يسمع منج وفعلا انا مجربه الحمل بالولد كان ناعم وهادي جدا وخفيف

[قلب حماده]

الاعراض مو شرط تحدد الجنس
والي اعرفو انو الحمل الاول يكون خفيف والثاني يثقل
والي بعدو اثقل

[حياتي توأمي]

والله احترنا

انا مثلك محتاره

بس الإلب قالولي بنت ولله الحمد ربي يجيبها بالسلامه

انتي اعملي سونار رباعي أضمن بيعطيكي نتيجه أدق من السونار العادي
بخصوص الأحلام
أنا كانت احلامي كلها تدل اني حامل بولد والسونار قال عكس ذلك

يعني مو شرط الأحلام تصدق

وبالتوفيق