قصتي مع الاجهاض+ استفسارات

[بنت الذوق]

السلام عليكم ورحمة الله وبركاته
(وعسى ان تكرهوا شيئا وهو خير لكم)
الحمدلله قبل كل شي على كل حال
عمري20 سنه حملت بعد الزواج ب9اشهر
كنا ننتظر هاالحمل بشغف كبييير
ولما حملت الكل فرح و باركلي حاولت اهتم بنفسي كثييييييير
واهتم فالحمل والبيبي
مرن 4 شهور ع الحمل والفرحه تملئ قلبي و قلب زوجي
وكنا نخطط وين بنحط اغراضه وويش بنشتري وشو بنسميه
ع الاسامي كنا نتخاصم بمزح وبفرح
للاسف اجهضت جاتني الام نفس الام الدوره ولما رحت العياده قالولي الرحم مفتوح والكيس نصفه نازل تحت ع المهبل والنصف داخل وفيه الجنين
رحت ع طول ع مستشفى وعالطوارئ وقالو مابيقدرو يسوو شي بس اذا رجع الكيس مكانه بيسوولي ربط واذا جاني نزيف ترا خلاص مابيقدرو يسوو شي
نوموني معاهم وماكان عندي مرافق لانهم مارضو يحطو زوجي معي ممنوع الرجال لان القسم للنساء فقط
وراح عني وقاللي عسى يرجع كل شي ودعينا ربنا ان الامور ترجع تمام
ع الساعه 2 بالليل جاني نزيف وحسيت نفسي بموت من الهم و من النزيف ولاني عارفه شو اسوي رحت امشي للاستقبال بروحي وانا انزف واقوللهم نزيف وماني قادره امشي وماقدرت وطحت لاني ماقادره اوقف جا ونقلوني على الغرفه وحطولي مغذي و ضربوني ابره



يتبع....

[بنت الذوق]

ماقادره اوقف جا ونقلوني على الغرفه وحطولي مغذي و ضربوني ابره
وجا الصباح والنزيف خف بس النزيف كان فالبدايه مثل الماء وعرفت انه السائل لكيس الجنين
سوولي اشعه وشافو ان الجنين موجود وفيه نبض بس ماشي سائل عليه واحتمال يوقف نبضه لانه مابيتحمل الماء تسرب خلاص
زوجي لان ماعنده خبره كثير قال لاتنزلينه يمكن يظل ويعيش وانا ابكي كيف يعيش وماشي ماء عليه قال الله فوق ويمكن يصير
والنزيف توقف وقالو باكر بنشوف نبضه لان مانقدر نسوي شي
ونوموني معاهم وشافو المبض بالباكر وللاسسسسسف ماشي نبض مات حبيبي
وقالو خلاص بنزله عن طريق التحاميل بكيت بحرقه خلاص وش اقدر اسوي مااقدر
وعطوني التحاميل من الساعه 1 ظهر وبين كل فتره يعطوني تحاميل وبدا الطلق الساعه5 عصر وبدا عندي يزيد اكثر للساعه 1 وحاسه نفسي بمووووت من الالم بموت ونزلوني على صالة الولاده الساعه1 وقالو مانقدر نسوي شي ولا انتي مابتقدري تساعدي نفسك بس تحملي الالم لين ينزل بروحه وظليت ساعه كامله شفت فيها المووووت والساعه2 نزل وجات الطبيبه وطلعت المشيمه وغيرها
قالتلي تريدي تشوفيه قلتلها لا وانا وزوجي متفقين مانشوفه عشان ما تزيد حالتنا النفسيه سوء
بس قبل لا تاخذ الجنين قلتلها ابغى اشوفه وياليتني ماااشفته قطع فوادي حجمه ماشاء الله زين وجسمه مكتمل
وطلع ولد
والله جلست ابكي وخبرت زوجي وقال خلاص ارتاحي الحين ونامي
وسوولي اشعه قالو الرحم اوكيه مايحتاج عمليه تنظيف
و جا الباكر ع اساس اني ارخص بس قالو طلع عندي التهاب بالدم ومابيرخصوني زعلت اكثر لاني ماابغى اجلس حسيت المكان يخنقني
وجلست بعدني يوم ورخصوني وظليت بالمستشفى 5 ايام
الوالده طبعا قالتلي بتجلسي معي اسبوعين او 3 اسابيع



يتبع....

[بنت الذوق]

الوالده طبعا قالتلي بتجلسي معي اسبوعين او 3 اسابيع
ومارضت اني ارجع مع زوجي وانا محتاجه اكثثثثثر هالفتره زوجي وزوجي بعد محتاجني بنوقف مع بعض نتخطى هالشي
حتى لما رجعت البيت حسيت نفسي متضايقه ومتكدره وكله اصيح ابغى زوجي
بس الوالده مارضت وسلمنا امرنا لله وحاليا صارلي يومين هنا
بس مرات يجني حالات حزن وكدر
وعندي حاليا الام فالصدر يألمني واااايد شو السبب
و سؤالي متى يوقف بقايا الاجهاض الي هو نزيف طبعا هو مانزيف يعني خفيييف كثير اقل من الدوره
ومتى يحدث الجماع!؟
ومتى يخف الام الصدر!؟
انا لنفسي بغيت اتخطى هالمرحله بنفسي ف خططت واشتريت
ملابس جديدات وخططت اقص شعري واصبغه او احنيه وبعد اتحنى واسوي نقوشات واحط اسم زوجي واسوي حمام زيت وغيرها وارجع كأني عروس جديده هالشي خفف عني شوي
بس الام الصدر مخوفاتني و كمان اليوم نزل نفس السائل شفاف من الحلمه اتوقع الحليب
والي مرت بهالحاله يااااليت تفيدني
والسموحه ع الاطاله

[bayan_a]

حبيبتي انتي الحمدالله الحمدلله على كل حال
وعسى أن تكرهوا شيئا وهو خير لكم وعسى أن تحبوا شيئا وهو شر لكم
اهم شي سلامتك ، والله يعوضك ياااارب ويعوضني معك

مشكلتك والله زيي مشلتي بالضبط :(
بعد تسع شهور حملت من الزواج وفي الشهر الرابع سقطت والحمدلله واخذت ثلاث شهور وحملت ثانيه
وفي الشهر الرابع سقطت ايضا :( وما اقدر اقول الا الحمدلله والان لي شهرين من سقطت
ونفسيتي جدا جدا تعبانه الله يعوضنا ان شاءالله اهم شي ريحي وتغذي و ريحي نفسيتك .

[حساويه عسل]

الله يعوض عليكم ياارب بتووم الصالح

[همسة غلآآ]

اول شيء الحمدلله على سلامتك انتي الام انتي الاهم والاطفال يتعوضون ان شاء الله

الله يرحمه و يعوضك و يصبرك وان شاء الله شفيع لك ولابوه

ادري شعور صعب بس احتسبيه عند الله ربي يهون عليك واصبري طير بالجنه بستنااك

وكله مقدر ومكتوب .. اكثري من الأستغفار والتسبيح واسمعي لسورة البقرة

ودائما رددي وكل ماتذكرتيه قولي ( اللهم اجرني في مصيبتي واخلفني خيرا منها )

وعسئ الله يعوضك بغيره اولاد وبنات ان شاء الله

وحلوهـ فكرة انك تغيري من شكلك وتطلعي لزوجك كانك عروس عشان كمان

تنسيه وتتغير نفساتكم وحاولوا تنسوا واستمتعوا بوقتكم وربي راح ان شاء الله يرزقكم

انا وربي حاسه فيكي وبشعورك لاني مريت بتجربتك وكانت نفسيتي تعباااانه مرااا

بس ايش بيدي اعمل وكلت امري لله ودحين انا حامل دعواتك ليا بتمام حمله وتيسير ولادته

[سمر الليل]

السلام عليكم
طلعتي من الشر
حالتك ذكرتني بحالتي
رجعت لي الوجع من جديد
انا مريت بحالتك بس انا كان ميت في بطني وحطوي لي طلق صناعي شفت الموت
وكل ما اقولهم تعالو شوفي قالو لي لحد ماينفتح الرحم وينزل الكيس
وكل دقيقة مادخلو ايدهم يشافون الرحم اخر حاجة نزل جنين وتقطع قلبي
ارتحت نص ساعة فكرت خلاص رجع الالم من جديد
وباقي المشيمة مانزلت ذقت الموت
دخلوني غرفة التنظيف وسوي غسيل
وبعدها الالم الظهر الالم كثيرة بقيتي ثمانية اشهر

[نوني الحلوة]

انا أجهضت اول ما تزوجت وما كنت عارفه أني حامل نزل مني دم في موعد الدورة وتوقعت انها الدورة واستمر معي نزول الدم ولما رحت المستشفى قالوا إجهاض
انصدمت ضاق صدري كنت حامل وانا مؤ عارفه ،،، والحمد لله حملت بعد الإجهاض على طول ماجت نئ دورة ،، والحمد لله ربي تمم حملي وطفلي موجود بحياتي وان شاء الله ربي يعرضك خير

[Um Ghala]

حبيبتي والله قصتك ذكرتني بقصتي كثير .. أولا الحمدلله على قضاء الله و قدره و عسى أن كرهوا شيئا و هو خيرا لكم .. دائما رددي : اللهم اجرني في مصيبتي و اخلف لي خيرا منها : ربي رزقني و رزقج بـ شفيع في الجنة ان شاء الله و بيت الحمد .. فالحمدلله على كل حال و ربي يعوضني و يعوضك بتوأمين سالمين و معافين ..

صدقيني تخطي هالمرحله صعب جدا و أنا للحين اتألم مع انه طفلتي نزلت في شهر واحد من هذي السنه و الحمدلله على كل حال ..

انا عطوني حبوب توقف الحليب عشان ما ينزل و ما يتحجر صدرج و هي حبة وحدة صغيرة لمدة 3 ايام و الحمدلله كل شي تمام ..

ثاني شي عطي نفسك مهلة 3 شهور امنعي فيها الحمل و بعدها سيري على اقرب عيادة و ثاني يوم الدورة سوي تحاليل كل الهرمونات عشان تتأكدين كل شي سليم و حاولي انك تحملي و ربي بيرزقك ان شاء الله عاجلا غير اجلا ..

ثالثا اول ما تحملين راجع مع دكتورة شاطرة و خذيلها تقرير اجهاضك يمكن تحتاجين ربط عشان عنق الرحم توسع و احتمال تحتاجين شهريا مسحة من عنق الرحم عشان التأكد من عدم وجود اي جرثومة تسبب نزيف و اجهاض و يعطونك مضادات ..

و عسى ربي يعوضك يآآآآرب عاجلا غير اجلا اشكي لرب العالمين هو الوحيد اللي يسعك و يخفف عنك حاولي تختمين القران شهريا حاولي تتصدقين كثير و تكفلين يتيم و عليكي بالاستغفار ثم الاستغفار ثم الاستغفار ولا تنسين الدعاء في قيام الليل حيث ربي بعظمته و جلاله و كرمه يتنزل ليجيب دعائنا ..

الله يصبرك و يصبر زوجك يآآآآآرب ..

[ياسمين 30]

ياخوات التحاميل لابد من الااام لها???
انا في الشهر الثالث وبيعطوني تحاميل وخايفه..