ولاده في الاسياب .. نقاش اتمنى من الجميع التفاعل

[ام رتوو99]

السلام عليكم ياكروشاااات

مساء/ صباح الخيرات ياارب

انا حبيت اطرح موضوع كثير ناس يجهلونه او متهاونين فيه

انا قبل كم يوم كنت بمستشفى الولاده عشان عندي انفلونزا .. وشفت مناظر خلابه صراحه

والله يابنات اني شفت العجب ... ياخوات يعني معقوله الوحده عندها خمس الى سبع اطفال وماتدري انها بتوولد ؟؟؟

والله انها ولدت عندنا وتصرخ وتقول طلع وش اسوي فيه ... ومنها في رجال بالاسياب يشوفون

ياختي والله عيب ... وتقولها الدكتوره ليش ماجيتي قبل تقول اجي عشان تذبحوني ؟؟؟

الحين انتي جنيتي على نفسك
ولدوها تحت بالطواريء وبعدها شالوها فوق يعني بهالفتره تتعرضين لمكروبات وجراثيم وكمان جنينك مايلاقي الاهتمام زي لما تولدين بغرفه الولاده المعقمه وكل حولك فعقمين انفسهم

انتي فوضعك هذا جنيتي على نفسك وعلى غيرك اللي شافوكي تولدين ... سببتي لهم رعععب

واللي بعدها جت تصرررخ وهي مافيها شي اصلا ... والله ولدها تقريبا عمره بالعشرين هو جايبها وبنتها ماسكه الشنطه يعني كبيييييييره فاهمه هذا بدال ماتدعين بالفرج تصرخين ولا بعد تشتم الدكاتره والممرضات يختي والله عيب عليك


انا اللي ابي اوصل له انه الوحده منا تهيئ نفسها وتروح قبل عشان الدكاتره يوفرون لها الرعايه اللازمه ويستعدون وهي كمان تضمن بعد الله سبحانه الامان والنظافه

طيب لو تجي متاخره وتشوفك ممرضه وتشوف راس الجنين طالع واصلا هي مو متهيئه ولا مستعده وكذا عشان ماتولدين بالسيب قدام الناس دفعت الجنين للداخل وسببت له اصابه او اعاقه

من الجاني ؟؟ اكيد بالاول انتي اللي جنيتي عليه وترا الممرضات والدكاتره انس زينا يحسون
يعني مهما كان خليك ماسكه نفسك واعصابك لانه كل شي بيجيك من لسانك او افعالك

( طبعا انا اتكلم عن الحريم اللي يجلسن بالبيت لين خلاص توصل على الراس )

وعلى فكره انا كنت ابغى اسوي زيهم لاكن يوم شفت هالمنظررر حرررررمت والله لو اجلس عندهم يومين او ثلاث مايهم اهم شي صحتي وصحة طفلي

<< من بعض المواقف للممرضات هههههههه

وحده ممرضه تركض عندنا وتقول فيه بيبي فيه بيبي ويدينها دم ووجهها مصدوم هههههههه
لانهم ماقدرو يلحقونها فولدت على الكرسي وهي توها داخله المستشفى


عموما ... الله يقومهم بالسلامه ويسهل علينا جميعا


اترك لكم التعليق ....

[احلا نغم]

سبحان الله توي افكر بالموضووع
كمان وحده قالت لي بيوم عرفه ليلة العيدد
سيارة الاسعاف جايبين وحده حامل
وولدت بسيارة الاسعاف
الله لا يبلانا

صرااحه ما احب كذا

احس اللي تفكر كذا تجني ع نفسها و ع اللي ببطنها و تتفشل بالناس
يختي اروح بدري عادي اتبهذل بالمستشفى و لا اعرض نفسي و جنيني للخطر و اتبهذل قدام الناس

و كمان وحده اعرفها جتها الولاده و راحت للمستشفى ع الاخير
وولدت ع السرير و هم ينقلونها و بسبب ضيق المساحه ولدها نقص عليه الاكسجين و جته اعاقه
الله يخليه لهم و يشفيه يارب

ويسلمو ع الموضووع المهم و الحساس و الجميل ي جميله

الله يستر علينا و ع اطفالنا و يحفظنا يارب و مانمر بهالتجاارب يارب

[Nouf12]

والله غريبه انا اول م احس بأي ألم اول شي يجي ف بالي المستشفى فتخيلي لو احس بألم الولاده
والله دوبه الالم يقول بسم الله الا وانا ف المستشفى
على قولك مستعده اجلس كم يوم ف المستشفى بس المهم صحتي وصحة الجنين

الله يسهل لنآ جميعآ الولاده يآررب :)

[Boosha]

يعطيك العافيه
بس في ناس مايعرفو انه في ولاده
ومايفرقو اصلا
انا يوم ولادتي ماجاني الحمدلله ولا الم رحت المستشفى
عندي مراجعه ولما دخلت الكشف مسكتني الدكتوره وقالت احتمال في ولاده
وعاد انا انا ما احس با اي شي
بس هيا خوفتني
وخفت اكثر من صراخ اللي يولدو

وجلست عندهم اسبوع مدري اكثر وبعدها ولدت

يعني مو وقت لما قالتلي
ان في ولاده
وكمان
هما جابولي المرض
من كثر مايحطو جهاز التخطيط

وفي وحدا زوجت ولد عمي

كانت مسافره وجاها الم
وهيا ف السياره ومافي في طريقهم ولا مستشفى

المهم ولدت ف السياره

وكثير
اسمع قصص ناس يجيهم طلق ويولدو
من غير مايحسو

يعني مو كل اللي تولد ف الاسياب تكون هيا اللي ماجت المستشفى ع الوقت
اكيد بعضهم بكريات ومايعرفو شي
وبعظهم هما اصلا مو جايين ع شان يولدو تلاقيهم يزورو احد او مراجعات



اعتذر ع الاطاله


تحياتي لك

[ام رتوو99]

منورين حبيباتي .. احلا نغم ... ونوف ...

فعلا فيه مواقف وقصص لاتصدق بس انا بعد اللي شفته ابصدق أي شي ...

Boosha ياعمري انا اتكلم عن الحريم اللي عندهم اطفال كثير وعارفين الولاده متى تجي
يعني عندهم خبره .. اما البكرياات فماعليهم شرهه الله يكون بعونهم

بس عن جد اذا هالحريم ذولي اللي يقولن نجي بدري عشان تعذبوننا .. احسن لها تولد بالبيت وترح نفسها والشعب معها

مشكورين حبيباتي على التفاعل

[بنِت النوُر]

لاحول ولا قوة الا بالله ياررب لاتحطنا بمثل هالمواقف ..
وفعلا بعضمم الرحم يفتتح بسرررعه وتولد سريع سريع هذي نقول معذوره. لكن الي تحاول انها تصبررر ل اخر شي لازمم تفكرر بكلامك زين فعلا لازم تعيقيم ونظافه واكيد الطوارئ مليان حريم بيولدن ..

ياررب تسهل علينا وتسخررر لنااا ممرضات واطباا يخافون الله ..ويارب تحفظناا وتستر علينا

[رؤوم]

انا اشوف على حسب الولاده
ساعات في ناس يولدو و ياخذو وقت
وفي ناس تولد بسرعه

امي الله يحفظها ولدت اخوي الصغير في السياره
قبل ما تنزل الطوارئ

وهي على طول راحت المستشفى
بس ربي سهلها و جابته في فتره بسيطه ما شاء الله

انا عن رأئي ما اروح على طول
انتظر الالم يشتد بس ما يسير مررره قوي

عشان ارتاح من كشوفاتهم المؤلمه
واقدر اتحرك في البيت وامرن نفسي اكثر

واذا حسيت نفسي ما قدرت اتحمل اروح على طول

المستشفى تبعد عني بالسياره ٥ او ٧ دقائق^^
ويكون الرحم مفتوح ٤ سم

انا سويتها في طفلي الثاني

والله يسهلها يارب

شاكره طرحك و موضوعك الهادف للنقاش

[هموم الحياه]

انا اعرف وحده او مابدا عندها الطلق قالت لزوجها يوديها وعلى مابال يلبس ونزلوا مع الدرج ولدت
وانشق راس البيبي ومات هي هذا طلقها سريع
وحده كمان جالسه تلبس عبايتها وهي في البيت وولدت وهي ماتحركت
ترى الناس يختلفون ووقت الولاده يجي رعب وارتباك
انا يبعد عني المستشفى ساعه الله يسرها علي يارب
بس انا اعرف نفسي اطول اجلس حوالي ١٢ساعه طلق والحمدلله

[قدعه]

زوجي مره وداني الطوارى كنت تعبانه قولون وانا حامل
ونسى اوراق وراح يجيبها شاف وحده تولد عند باب المستشفى !
ليته بسيب لا عند الباب الله لايبلانا
بس عموما لحد يلومهم محد يدري وش وضعهم احيان بيوتهم بعيده محد عندهم
مب شرط تتاخر من كيفها الله يكون بعون الجميع

[jojo33]

الله لايحطنا بها المووقف ~ واللهي احراج وفشلله اكيد هم مايتمنون يسير كذا معهم بس المكتوب~~..