قصتي مع الدكتوره المصريه تعالوا طمنوني :(

[غنوجتهG]

السلام عليكم
عزيزاتي مدامات حوامل اسأل الله العلي القدير ان يرزقنا الحمل السليم المعافى
عاجلاً غير آجل ..
أنا لي من تزوجت 7 أشهر ولاحملت لحد الحين طبعاً الشهور اللي فاتت ماراجعت ولافكرت بس قبل شهر قاعده افكر العرايس اللي تزوجوا معاي حملوا الله يتمم لهم وانا لا
مع اني مااستخدم موانع ولاشي
المهم الشهر اللي فات ف اليوم 14 من الدوره رحت لدكتوره قلت بشوف حجم البويضه سوت لي سونار مهبلي قالت تبويضك جداً رائع عندك بويضه وحده حجمها ممتاز
انبسطت ومن غبائي ماسألتها كم الحجم
كتبت لي ابره تفجيريه وقالت الجماع من بكره
سوت لي تحاليل هرمون الحليب والغده
وقالت النتيجه بعد يومين
بعد يومين رجعت لها قالت انتي عندك هرمون الحليب مرتفع تكه بسيطه عن الطبيعي
يعني الطبيعي تحت 20 وانا كانت نسبته
20 وشي كتبت لي حبوب الدوستنكس
قالت خذي حبتين ف الاسبوع وتعاليني اذا جات الدوره
انا رجعت اسألها قلت دكتوره كم كان حجم البويضه عندي
قالت ماشاء الله 34 انا انصدممممت
قلت لييش
قالت ايه فيكي ايه دا حجمها ممتاز
قلت لا انا قريت ان البويضه اذا كان حجمها فوق 24 تتحول كيس
قالت لا
انا حسيت من جد ماعندها سالفه قهرتني
المهم بعد 12 يوم من الابره قدر الله ونزلت الدوره ..
طيب سؤالي الحين هل الكيس هذا يروح من نفسه او لازم اراجع انا هالشهر ماراجعت ابداً مستمره بس على حبوب هرمون الحليب
مع ان ماعندي اعراض الهرمون دورتي منتظمه كل شهر وصدري عادي مالاحظت عليه شي ممكن عشان الارتفاع بسيط بس هل ممكن يصير عندي بويضات هالشهر غير الكبيره اللي كانت الشهر اللي فات
طمنوني الله يطمنكم
و
ادعوووا لي احمل هالشهر متشفقققه على
بيبي وزوجي كمان نفسه أحمل
اسأل الله ان يرزقني ويرزق بنات المنتدى
بالحمل السليم المعافي ..

[الماسة26]

حبيبتي ما عندي فكره ان شاء الله البنات بيفيدوكي

أسألك اللهم يا مالك الملك يا من تؤتى الملك لمن تشاء وتنزع الملك ممن تشاء وتعز من تشاء بيدك الخير كله . يا حى يا قيوم . يا رحمن ويا رحيم .

لا تذرنا فردا وأنت خير الوارثين يا أرحم الراحمين . أدعوك اللهم إنك ترزقني وأخواتي المنتظرات الذرية الصالحة والخلف الصالح وتجعلني وتجعلهم مقيمى الصلاة ومن ذرياتنا وذرياتهم

ربى وتقبل دعــــــــــــــــاء..........

[هدهووده]

طيب غير الدكتوره لو تشكي في كﻻمها
وانا صار معي كذا ولما غير ت اادكتور ورحت لدكتوره قالت كذب ماعندك هرمون حليب
ورحت لدكتور آخر بعد قال نفس الحكي
انتي غير لو حسيتي مانفع
واعملي تحاليل شامله للغدد والهرمونات

[غصن ألبان]

غاليتي انصحك تروحين تاخذين سونار وتتأكدين من وضع المبايض
ومن وجود كيس اولا ؟ انصحك ماتاخذين أي علاج مادام التبويض عندك ممتاز
وهرموناتك سليمة وبالنسبة لهرمون الحليب اشربي ميرميه لمدة 20 يوم فقط
ممتازة لتنزيل هرمون الحليب ولاتكثرين منها لأن كثرتها يسبب تكيس مبايض.
ونصيحتي لازم زوجك يسوي تحاليل كاملة حتى تتأكدين من سلامته .. موفقة ♥

[miss punk]

الله يسامحها كيف تعطيك ابرة تفجير قبل التأكد من هرمون الحليب روحي دكتوره تانيه وان شالله تكون احسن الله يرزقك ياااارب لاتستعجلي وان شالله بتحملي اهم شي لاترهقي جسمك

[Orchid109]

والله ماعندها سالفة
اقول حتى ادويتها اللي اعطتك اياها خليها

وروحي لطبيب ثقة
المستوصفات ابعدي عنها وحاولي تروحي لمستشفى

بالنسبة للكيس لاتخافين ينزل مع الدورة ان شاء الله مايحتاج علاج بس كثري شرب ماء

[حنان معوض]

حبيبتى قبل ما تروحين ودوخى نفسك وتحاليل واشعه ومادرى ايش
لازم زوجك الاول يسوى تحليل الحيوانات المنويه ولما تتاكدى ان كل شئ تمام عنده ابقى روحى ودورى على دكاتره

[غنوجتهG]

مشكورين جزاكم الله خيير ..