لا ولدت ولا ع بالي ومش عارفة ازا رج اولد اصلا

[nanoosh86]

يا بنات مشان الله ساعدوني والله بطلت اعرف اشي وخايفة ع ابني يصير فيو شي انا حامل وخلصت التاسع وفت العاشر وكل مرة الدكتور بعطيني موعد وبحكيلي ادخال وما رح استنى عليكي وبس اروح عنده بغير رأيو وما عندي توسع الا 2 سانتي هاليومين بس صارو وعندي عنق الرحم سميك وتكلس بالمشيمة والليلة نزل علي نقط دم وواستنيت 3 ساعات وضلت تنزل مستمرة ع طول وبالأخر رحت ع الطوارئ وقال شو بحكولي بالمستشفى انو عادي الدم ينزل !!!! قال دم مع مخاط وانا كنت شايفة نقط دم بدون مخاط أبدا ( اسفة ع التوضيح ) بس كانت تنزل ع الشطافة والحمام بعيد عنكم يعني لو بمخاط ما بتنزل هيك والله اني رح انجن شو اللي عم بصير معي ما عم بعرف ورجعت وهيني لا ولدت ولا ع بالي وكل يوم والتاني بقول اليوم ,, وبكرة عندي موعد مع الدكتور مفكرة احكيلو خلص اعطيني طلق صناعي ولا يصير اشي بالبيبي والله بنام وانا مرتعبة عليه بخاف يصير فيو اشي ووزن البيبي كبير ما شاء الله بحدود ال 4 و 300 غرام ومش عارفة شو عم بستنى الدكتور علما اني براجع بمستشفى جكومي ودكتورتي الخاصة كانت بدها تولدني ب 1-9 كأقصى حد عشان وزن البيبي بس انا ما بقدر ماديا أولد بمستشفى خاص بدي رأيكم ونصيحتكم احسن ما يصير مع البيبي اشي يعني لو بشحد بروح بولد بخاص

يارب فرجك

[ام سهيل]

والله يا عمري قلقتيني عليكي الله يصبرك ويطمن قلبك ويرزقك من حيث لا تحتسبي يارحمن يارحيم من المفروض يعطوك طلق صناعي احنا هون بالجزائر لما يدخل شهرك وتخلصي الاسبوع السابع وثلاثين ينفتح الرحم ولو واحد سانتي مباشرة يعطوك طلق صناعي وترتاحي
الله يهدي سرك ويفرحك بالبيبي بس لا تسكتي ابد وهو الامر بايد الله

[اجمل سنين عمرنا]

الله يهدي بالك وتولدي بسلامه بس شكلك بكريه ديما البكريه بتتاخر انا بلبكر 42 اسبوع واخر شي اعطوني طلق صناعي وبنسبي للوزن لا تخافي انا هلاء بثامن وبحكولي الوزن كبير

[غيمة ومطر]

الله ييسر لك ولادتك وتبشرينا قريب
حاولي تمشي كثير وتأكلي تمر مع موية دافية
يمكن يتوسع عندك عنق الرحم وتولدي بالسلامة انتي والبيبي ياااارب

[nanoosh86]

الله يسعدكم يارب ويفرج همكم ان شاء الله

والله مش من قليل الجنة تحت اقدام الأمهات

[عروستة]

حبيبتي لا تخلي حالك كل شي و لا البيبي يصير فيه شي لا سمح الله


لازم حبيبتي تتخذي قرار مستعجل صلي استخاره ركعتين و قرري اذا تبغي طلق صناعي

شو تنتظري المشيمه اهم شي للجنين كيف يقولوا لك قربت تشيخ و انت جالسه كذا

راجعي بكره دكتور غير دكتورك الي سبق لازم تحسمي الموضوع

و اللت ماقصدي اخوفك بس يا حبيبتي من واقع تجربه في العيله وحده من قرايبي كانت ماتروح مواعيدها في المستشفى و عدت موعد ولادتها و كانت تنتظر الطلق لكن اللهم اكفينا الشر يارب كتبت الله فوق كل شي توفى الجنين و السبب التفاف الحبل السري في رقبته اللهم اكفينا الشر ياربي و الله شي بيقطع القلب و الخاطر الله يعوضها ياررب و يعوض كل وحده فقدت جنينها اللهم لا تبلنا


يارب الله يحمي جنينك و تقر عينك بشوفته يارب


انت شوفي الي مقتنعه فيه و اعمليه بتعطي نفسك يومين كحد اقصى و تعملي مجهود و تصعدي الدرج و تنزلي او تتخذي القرار طلق صناعي ع طول

بس نصيحه تلاحقي ع البيبي الله يحفظه لك

[ام الزهراء24]

تلاحقي على نفسك كلام عروسته مضبوط ربي يسهلها عليك وتفرحينا