الحمد لله عددكلماته وعدد خلقه وحتى يرضى
انا بكتب لكم حكايتى بدموعى مش مصدقه اللى حصل معايا الحمد لله بجد اوىىى على كل شيء
انا اتجوزت من اربع سنوات دكتور فى الجامعه اللى كنت بدرس فيها اتولد بينا حب كبير جدا وبعد الجواز اتاخرت فى الحمل والناس والقرايب يسالو
فى حاجه جايه فى الطريق اقول ربنا يسهل
قالت حماتى روحى لدكتور رحت وتحاليلاتى كلها كانت سليمه وضعف بسيط فى التبويض اخدت كلوميد وسنه ورا سنه عدت سنتين ولا حتى اجهاض ولا خطين مرة واحده
امى قالتلى خلى جوزك يحلل وطبعا طلعت التحاليل بتاعته مافيش حيوانات التشوه عالى والاعداد 250 الف الدنيا دارت بيا وعرفت مستحيل احمل طبيعى ولازم علاج وبدانا رحلتنا مع المشطات والفيتامينات والكورسات وبدات النسبه تتعدل وعملت تلت اطفال انابيب وفشلت وانتو عارفين قد ايييييه تعبها والمها وانتظارها وكنت راضيه وعايزه اجرب انشالله مليون مره وهو ماتاخرش فى اى شيء لكن فجاه لاقيته بيقولى روحى عند اهلك بعد اخر عمليه بشهر
قولته ليه قالى خلاص بديكى حقوقك وننفصل انا تهت انا بحبه جدا كل كلامى ماثرش فيه عيط كتير وركعت تحت رجليه ارجوه مايبعدش عنى قالى انه قرر خلاص ومرضاش ابدا يسمعلى مشيت وامى تسالنى وابويا وانا اعيط وبس هاتجنن ماقدرش اعيش من غيره وكمان عارفه انه بيضحى عشانى طب اعمل ايه اروح فين اتصلت على سلفتى الكبيرة وحكيتلها اعمل ايه قالتلى انتى عارفه جوزك دماغه صعبه اوى وحماتى مش قادرة تتصرف كل اللى طالع عليها لا حول ولا قوه الا بالله
طب كلميه انتى امه رجعيه اكلمها ورحت لها وانا بعيط لو طلقنى هاموت
قولتها مش عايزه اطفال والله انا موافقه اعيش معاه كدا
عيطت وقالت مش بيسمع كلامى خرجت وانا بعيط وقفتنى سلفتى وقالتلى اسمعى قولى انك حامل عشان يتراجع وبعدين نبقى نقول انك سقطى وخلاص لعند مانشوف حل
قولتلها ازاى بس مش هيصدق لانه عارف حالته كويس
قالت طب اسمعى انا هحاول اكلمه انا صاحبتى بتعرف واحده بتعالج الحالات دى بس هى فى الشرقيه تيجى نروح لها ونسالها لو عندها علاج تاخدوه
قولتلها علاج ايه
قالت اعشاب وحاجات قولتلها اى حاجه انا انشالله اخد سم حتى بس ميسبنيش
قالت ان صاحبتها جوزها كانت اعداده صفر وعملت حقن مجهرى بعد علاج شهرين وحملت على طول من اول مره وجابت عمر وعمرو
قولت طيب واتفقانا وروحنا ونركب القطر وعربيه وصلنا اخيرا بيت شكله شيك وانتظرنا وانا بصراحه بكلم نفسي شكلها ايه الست دى لاقيت واحده ماشاء الله صغيرة فى السن ووشها بشوش اوى قولت اكيد دى بنتها قولتها حضرتك بنت ام كريم قالت لا انا ام كريم
قولتلها انتى صغيره اوى ضحكت وحكيت لها وانا بصراحه مش مقتنعه خالص بان دى ممكن ربنا يجيب الشفا واحمل على علاجها
اتكلمت معايا كتر حسيتها زى امى مع انها صغيره وقرت عليا قران وفهمتنى حاجات كتير كانت بتصر منى خطا ودا بياثر على نفسيه جوزى وفعمتنى العلاج يبتدى من الاكل والرعايه وعملتلى برنامج غ\ائي امشي عليه لجوزى مشيت من عندها وانا مرتاحه اوى واخدت منها العلاج قالت تلت شهور لو محصلش حمل طبيعى يبقى حقن مجهرى
قولتلها انا عملت اطفال وفشلت قالت الحقن افضل شوفى راي الدكاتره
سلفتى قالتلى الست دى كويسه جدا بس اهم حاجه تخلى جوزك ينتظم فى العلاج بتاعها
قولت ربنا يسهل
تانى يوم رحت لجوزى على الجامعه وطلبت منه نتغدى مع بعض لاخر مرة وبصعوبه لما وافق
وهى قالتلى اتكلم معاه ازاى ونظراتى هههههههههههههههههههه حسيتها طبيبه نفسيه او خبيره فى عالم الرجال حسيت انه زى مايكون حد تانى وكانه كان عطشان اوى ورجعنا البيت وكلمت اهلى واستغربت انه كان عايز بس انى اضمه اوى وبكى وقالى ان كل دا غصب عنه وانه كان قلبه بيتقطع وهو بيطلب اننا ننفصل قولتله ننسي كل حاجه وفعلا كتبت البرنامج بتاعها ونفذته وانا كمان اخدت منها اعشاب اشربها وعدى 75 يوم وانا ماشيه على البرنامج لاقيت كلامها صح وشفت جوزى فعلا بيتحسن وقررنا نعيد التجربه تانى بعد الحاح جوزى .. وكنت خايفه .. ولما جه معاد التحليل
كنت هاموت وقلبي بيدق مش خايفه من النتيجه لانى هاموت وابقى ام لا خايفه يرجعله الاحباط ويبعد عنى
ادي كانت بترتعش وانا بعمل التحليل ولاقيت خطين معقول خطين
ورحت المستشفى وقالو مبرووووووووووووووووووووووك حامل اخيرا ياررربي سمعتها جوزى سجد فى الارض لله شكر
عقبالكم كلكم يااارب
وادعولى ربنا يكملى على خيير
انا من الفرحه مش عارفه اعمل ايه ولا ايه ولا ارد جميل الست دى ازاى اللى ربنا كرمنى بفضله على وشها
مش لاقيه غير بجد ادعيلها ربنا يخليلها ولادها
وسجلت مخصوص عشان احكيلكم حكايتى بامانه انا كنت بتابعكم من زمان واحيانا ابعد واكتئب لما الاقى واحده تقول الدورة نزلت
العمليه فشلت
ربنا يرزقكو كلكو يارب ويثبت حملى يارب
ادعولى
07-17-2013, 02:26 AM
انااا حاااااامل اخيرا يابنات باركولى وادعولى "قصتى المبكية جدا واللى ختمت اخيرا بفرحه
اسراء علي111 
جديد منتدى منتدى أطفال الأنابيب
العرض العادي
