أقرئي هذه التجربه الحقيقيه عن اطفال الانابيب

[عزيزة النفس]

هذي القصه حبيت انقلها لكم من احد المنتديات لكي تكون دافع لطرد الياس وزرع الامل في النفوس ان شاء الله
في البدايه
اللهم لك الحمد كما ينبغي لجلال وجهك وعظيم سلطانك
من زمان وانا كنت ناويه اكتب لكم وش صار معي لكن ظروفي الصحيه وجلستي في بيت اهلي ما ساعدتني
وسبب حرصي على الكتابه ان أي وحده حالتها زي حالتي تستفيد
خاصه اني تعبت كثير وانا اسأل وواجهتني مشكلتين
الأولى قليل الي مروا بها التجربه
الثانيه الي مروا بها التجربه ما كانوا متعاونين ومستحيل تناقشينهم في هالموضوع

علشان كذا حرصت اكتب كل شي
يمكن تملون وانتم تقرون ويمكن بعضكم يقول فيه تفاصيل مالها داعي
لكن
الي تبحث عن هالمواضيع راح يهمها كل شيييييييييييييييي

راح اكتب التاريخ بالميلادي لأن مواعيد الطبيب بالميلادي
28/1
كان اول يوم من الدوره رحت للطبيبه شاكره في مركز الدكتور سلمان الحبيب وشرحت لها حالتي
عطتني ابره اخذها في يوم 23من الدوره وقالت ثاني يوم من الدوره الجايه تعالي
17/2
اخذت الأبره المغرب من بكره العصر جتني الآآآآآم فظيعه مثل الم الدوره بس اقوى وتقلصات في بطني من قوتها احيانا ما اقدر اصلب ظهري لازم انحني واستمرت معي اربع او خمس ايام
27/2
اول يوم من الدوره
28/2
ثاني يوم رحت للمركز وما لقيت الطبيبه كانت ماخذه إجازه حولوني على الدكتور محمد بقنه صراحه ماشاء الله عليه فاهم وتحمل كل اسئلتي
وبعد هو سئلنا كم سؤال طبعا كنت انا وزوجي
طلب اشعه صوتيه من تحت يعني عادي يسونها وانتي فيك الدوره الأشعه بميتين ريال وكان تعامل الممرضات مره حلو
(ميزة المركز ان كل شي بالسر يعني اول ماتدخلين يعطونك رقم انتي وزوجك وخلاص ينادونك بالرقم )
وشاف الأشعه كتب لي ابربيروجين شريتها من عندهم حاسبت بحوالي 800ريال اول ابره اخذتها عندهم باقي الأبر صرت اخذها في المستوصف الي عند بيتي
7/3
بعد اسبوع رجعت للدكتور وسوى اشعه بنفس السعر ميتين ريال وقال خذي ابر زياده اربع ايام وعطاني نوع ثاني من الأبر يعني صرت اخذ النوع الأول في العضل والنوع الثانيProfasi or Pregnyl في الكتف

صار المجموع 11يوم
10/3
رحت له وسوينا اشعه مره ثالثه وقال كل شي تمام

وقالي تاخذين الأبره التفجيريه بعد بكره الساعه ست الصبح وهذي لازم بنفس التوقيت الي يقوله الدكتور
12/3
اخذت الأبره التفجيريه الساعه ست الصباح
13/3
الثلاثاء رحت من الساعه 3العصر علشان السحب

طبعا هم راح يعطونك تعليمات تمشين عليها من ضمنها انك توقفين عن الجماع اقل شي ثلاث ايام قبل السحب
إذا جاء يوم السحب ودخلتي المركز
ياخذون الوزن والضغط والحراره
بعدين يدخلونك غرفة نوم في وسطها حمام انا تفاجئت فيها هذي الغرفه علشان زوجك يسوي العينه
بصراحه إنا كنا شايلين هم هالموضوع لان بيتنا بعيد ما يقدر زوجي يسوي العينه هناك والمشكله وقت الصلاة كيف راح يغتسل لكن الحمد لله
وبعد فيه تعليمات راح يقولونها لك يعني راح يعطونك علبه خاصه

إذا خلصتوا المختبر حق العينات جنب الغرفه على طول تعطينهم العينه بعدين راح تنتظرين شوي راح ينادونك ويدخلونك قسم خاص حتى زوجك ماراح يدخلونه ووضحي لزوجك هالشي وراح تقعدين حوالي ساعه ونص لان انا ماكنت ادري ودخلوني بغى زوجي ينهبل مايدري وش صار علي وحاولي ماتاخذين معك اغراض او لو معك شي تخافين عليه عطيه زوجك

إذا دخلتي القسم
راح يدخلونك غرفه صغيره مافيها إلا سرير حتى التلفزيون مافيها راح يعطونك لبس للعمليات وراح تشيلين كل ملابسك هذا اللبس مفتوح من ورى لكن راح يعطونك شرشف تلفينه عليك
وراح يقولون روحي للحمام لازم تكون المثانه فاضيه علشان كذا لا تكثرين مويه ذاك اليوم
راح يعطونك ابره في العضل وراح يحطون ابره في يدك علشان يحطون لك مخدر فيها
وراح تستنين في هذي الغرفه

علشان كذا لو تاخذين مصحف صغير علشان تقرين يروح عليك الوقت مو مثلي طقني الهم مافي شي اسويه بس قاعده ادعي واستغفر

بعد كذا راح ينادونك لفي الشرشف عليك وتروحين لغرفة العمليات تنامين على السرير وراح ينظفون المنطقه الحساسه بمويه وراح يحطون عليك شراشف العمليه راح تكون حاره إذا جهزوا كل شي ودخل الدكتور يبدون يحطون المخدر في يدك راح تحسين بحرارته شوي بعدي بتحسين الدنيا تلف يبدا يشتغل الدكتوروكان كلما سحب بويضه عد يعني ون تو ثري فور بعدين زاد الألم قعدت ابكي عطوني جرعه ثانيه ترى كلها اقل من عشر دقايق من يدخل الدكتور ويطلع
انا سحبوا مني سبع بويضات
بعدين إذا طلع جابوا السرير وقالوا انتقلي للسرير الثاني ورجعوني للغرفه الي كنت فيها قعدت نص ساعه دخلوا زوجي لأنه اشغلهم
بعدين صحيت شوي ولبست ملابسي وطلعنا
قالي الدكتور بعد يومين خذي الدافستون حبتين مرتين في اليوم


رجعت لبيت اهلي كنت احس بألم زي الم الدوره اخذت بنادول وسويت دخون عباره عن كمون وقشر بصل وكسرة مره مررررررررررره حلو ريحني كثير
وصرت اشرب اعشاب نعناع ومراميه

هذا يوم السحب وقالوا راح نتصل نعلمكم كم جنين تكون
كلموا الإربعاء وقالوا تكون جنينين والله ماتتصورون وشلون فرحتي
15/3
الخميس بديت الدافستون
17/3
السبت رحت العصر نفس الشي خذوا الوزن والحراره والضغط
وجلست انتظر
دخلوني القسم
وبدلت ملابسي
وجلست انتظر
وانتظربعدين نادوني لازم المثانه تكون نص مليانه يعني ودك تروحين للحمام بس مو مره

نمت على السرير
نفس الخطوات تعقيم وحطوا الشراشف

بس هالمره خلوا بطني مكشوف علشان الأشعه الصوتيه

دخل الدكتور وراني صور الأجنه الثلاثه وعطاني اياها

بعدين سوى كشف نسائي عادي ماراح تحسين بشي
والممرضه تسوي الأشعه
وانتي تتفرجين على الشاشه
يوم جى ينزل الأجنه قال لي قولي بسم الله
قلت بسم الله وعيوني تدمع ما ادري هل كنت فرحانه او كنت خايفه المهم كان شعور غريب

بعدها طلع ورجعوني على السرير ورجعوني على الغرفه
قالوا ربع ساعه وتطلعين
وكتب الطبيب الدافستون وابره اخذتها بعد ست ايام
وقال مارسي حياتك طبيعي إلا الجماع توقفين عنه لمدة سبع طعشر يوم ولا تشيلين شي ثقيل وبعد 16 يوم سوي التحليل
بعد ماطلعت
سافر زوجي ورحت لأهلي طول الوقت نايمه

بس كان يطلع معي إفرازات واحيانا نقط دم بس عادي لا تهتمين فيها وكثري استغفار و الدعاء
ونسيت شي اسمه طلعات ولا تكثرين طلعت الدرج اهم شي
22/3
اخذت ابره التثبيت
1/4

سويت تحليل دم والحمد لله طلعت النتيجه بوستف
صح ترى قبل سويت تحليل في البيت ماطلعت لي نتيجه وضاق صدري بس ماعلمت زوجي قلت لين اتأكد من الدم
كلمت المركز وعلمتهم بالنتيجه قالوا ارتاحي واستمري على الدافستون وامتنعي عن الجماع نهائي وارتاحي
طبعا الأيام الي قبل كانت بطييييييييييئه جدا وكان كل يوم يمر اكتئب اكثر واكثر طبعا نفسيتي كانت مره سيئه لو احد يقول جيبي كاس مويه جلست ابكي
كنت احس بالام في ظهري فكنت اسخن زيت زيتون وادهن ظهري به
كنت احس بألم في صدري وغثيان كان فيه شعور داخلي يقول اني حامل لكن ما ابي اصدق اخاف مايكون فيه شي وانصدم
اكثر شي كنت شايله همه الي حولي
زوجي واهلي وام زوجي كنت اخاف اصدمهم بالنتيجه لكن الحمد لله
19/4
رحت للمركز الساعه عشر علشان اسوي الأشعه
دخلت لحالي كان ودي زوجي معي بس الغرفه صغيره وكلها ممرضات سوت اشعه لي من تحت كنت خايفه وشلون يقولون مافيه جماع وتسوي الأشعه من تحت وكانت تدخله بقوه فكان ودي اضربها ليش ماتحس فيني هذا اول حمل لي راح تضيعه بكل هالسهوله
لكن يوم بدت خلاص نسيتها ونسيت الي حولي كلهم ما اعاد في هالدنيا إلا انا والي قدامي على الشاشه
يالآآآآآآآآآآآآآآآآآآآه
معقوله هذا في بطني يارب لك الحمد
طبعا كانوا اثنين كل واحد في كيس بس جالسه اتفرج عليهم لا ويوم سمعت دقاتهم دموعي تنزل وانا بس اناظر واحمد ربي
بعدين وقفت قالت خلاص بس بكل هالسهوله يبوني اطلع كان ودي اقعد ماعاد اطلع ابد عطتني صوره لهم
وطلعت على طول ولايتها زوجي طبعا هو مافهم وش السالفه لين قلت له انهم اثنين
حساب الأشعه كان 350لأنه اشعة حمل على كلامهم بس لو قالوا بخمس ميه عطيتهم الي يبون
دخلنا على الدكتور طبعا انا ماني لمه بس ابي اطلع ابي اعلم اهلي ابي كل الناس يدرون ابي الي شالوا همي وفكروا فيني يدرون ويشاركوني فرحتي
قالي استمري على الدافستون طلبت منه انه يغيرها لأني كرهتها عطاني تحاميل اسمه سايكلوجست 400 استمر عليها لين الأسبوع الرابع عشر
وقالي ارتاحي وقال لحد هنا نوقف
روحوا لطبيبه نساء وتابعوا الحمل عندها هو مايسوي متابعة حمل
طبعا رجعت للبيت كلمت اهلي وعلمتهم
لكن المفاجئه انهم طلبوا مني ما اعلم احد ابد لا وكانت اختي والده والناس داخلين طالعين الي تدعي والي تناظر ما احد حس بشي وكان هالشي مضيق صدري مره
ودي احط إعلان احيانا احس كاني مسويه شي غلط مو كاني حامل وهذا اول حمل لي
لكن الحمد لله اولا واخيرا
العمليه كلفت علينا مع المثبتات تقريبا 12000ريال
استمريت في المراجعه والحمد لله كل شي طبيعي وانا الحين في بداية السادس
وهذا قصتي اتمنى فعلا ان احد يستفيد منها
ولا تنسوني من دعواتكم ان الله يتمم علي حملي

منقووووووووووول

[نورا]

شـكــ وبارك الله فيك ـــرا لك ... لك مني أجمل تحية .

[هلو هلا]

الله يتمم عليك يارب وادعي لي ربي يتمم علي

[السحاب غايتي]

السلام عليكم اختي
اتمنى انك ولدتي بسلامة والله يرزقك ويرزقني وكل مسلمة بذرية الصالحة
انا بكرا موعد السحب ادعولي.......................

[سموة الشوق]

الله يتمم عليكي يالسحاب غايتي


والله قلبي معاكي

بشرينا يالحبيبه


يارب يارب يارب ترزقني وإياها ذرية طيبة من عندك إنك سميع الدعاء يارب...............

[السحاب غايتي]

السلام عليكم ورحمة الله وبركاتة مشكورة اختي على هالموضوع الاكثر من رائع بصراحة استفدت منة كثير وبالاخص اني سويت اطفال الانابيب بنفس المركز ونفس الشي صار معاي الاختلاف انة الدورة جتني بعد موعدها بثلاثة ايام .......... الحمد لله على كل حال وماراح اقنط من رحمة الله وبحاول مرة ثانية ... وشكرا لكل من سئل عني ودعالي الله يجزاكم بالخير ولاتنسوني من دعاكم ان الله يرزقني بذرية الصالحة
.........أختكم السحاب غايتي.

[بنت كرواتيا]

الف الف مبروك والله يتمم حملك على خير
انا مقبلة على نفس العملية ادعولى اخواتى بساويها لاول مرة
بس يا ترى هالالم كثير لما الدكتور يطالع البويضات

[سموة الشوق]

ربي يوفقك يابنت كرواتيا
والله يكتب لك الذرية الطيبة الصالحة من عنده انه سميع الدعاء
حبيبتي عملية السحب تتم وأنتي ببنج كامل يعني لن تشعرين به إلا إذا فقتي وقمتي يارب

ألم بأسفل البطن كألم الدورة ومغص
بس يهون
وربي يسهل ويكتب اللي فيه الخير...

وعقبال ماتبشرينا بالحمل يارب..

[اسراء القمر]

اللة يتمم عليك بخير ويتمم على باقي الامهات المقبلات على العملية يارب العالمين
ادعوا لي اللة يرزقني لي 3 سنين ماحملت

[يارب ترزقني بطفل أضمه]

فعلالالالالالا قصه تبعث التفاؤل والامل خصوصا لمثل حالاتنا الله لايحرمنا من فضله