ساعدوني الله يخليكم نفسيتي مره تعبت

[SARA00]

السلام عليكم جميعاً
كيفكم يا أحلى أمهات
أنا ولدي عمره 3 شهور بالضبط وله فتره ما يرضع مجنني معه
يقعد 6 أو 7 ساعات ما يرضع
قالت لي أمي يمكن يكون عظيم (سقاط) وديته عند حرمه ترفع
رفعت له يومين و المره الثالثه قالت يمكن يحتاج كوي
أنا عاد هجيت و لا عاد رجعت لها قلت مستحيل
رحت للدكتور قلت يمكن يكون التهاب حلق أو إذن و كشف الدكتور وقال ما فيه شئ
بس لازم يرضع كل 3 ساعات
بس أنا وش أسوي مره يرفض الرضاعه و إذا غصبت عليه يستفرغ
حتى في الليل مستحيل يصيح مثل اخوه اول يدور الرضعة لازم اصحيه و هاتك جهاد عليها
وفي الأخير يشرب لي 60 مل وإذا كثر 90

مره تعبت نفسيتي منه مؤ راضي يرضع مع انه ما كان كذا اول
بليزززز شورو علي وش أسوي واللي عندها حل تساعدنا فيه

والله يوفق الجميع لما يحبه و يرضاه

[rawa]

الحلبة مفيده له
والمويه بكميات كبيره عشان تتوسع معدته ويشرب كميه كبيره من الحليب

[عروستة]

حبيبتي اقري عليه ليكون محسود

ترا الاطفال بسرعه جسمه يتقبل الحسد

اذكرو الله عليه وقت الي يرضع

[um yuseef]

غيري نوع الحليب يمكن مو حابو

[SARA00]

مشكورين يعطيكم العافيه على الردود
روا ودي أعطيه المويه بس هو يرفض أي شي يدخل فمه مجرد ادخل الرضاعه في فمه يطلعها بلسانه
عروسته مشكوره يا عمري
أم يوسف لما وديته للدكتور غير لي الحليب إلى حليب بريمالاك بس ما ادري متردده أغير له حليب أخاف تتعب معدته لانه تعود على حليبه و الحمد الله ما يسبب له مغص

[ام مراوي]

اختي كل مايكبر الطفل تكبر معدته انا سمعت اذا صار عمر الطفل اربعه اشهر يقعد الطفل فترات اطول مايشرب الحليب لانه بتتوسع معدته يمكن انتي ولدك صار له كذا بدري والله اعلم ...

[jode]

اتوقع كلام الحرمه صح وانتي حرره

[ταGняєєḏ]

حبيبتي ارقي ابنك
الرقيه ماراح تضرة وحصنيه
واذا دفع الرضعه بلسانه لاتستسلمي على طول
حاولي لين مايمسكها
كوني صبورة معه واحتسبي الاجر