ساعدوني الله يخليكم نفسيتي مره تعبت

[SARA00]

السلام عليكم جميعاً
كيفكم يا أحلى أمهات
أنا ولدي عمره 3 شهور بالضبط وله فتره ما يرضع مجنني معه
يقعد 6 أو 7 ساعات ما يرضع
قالت لي أمي يمكن يكون عظيم (سقاط) وديته عند حرمه ترفع
رفعت له يومين و المره الثالثه قالت يمكن يحتاج كوي
أنا عاد هجيت و لا عاد رجعت لها قلت مستحيل
رحت للدكتور قلت يمكن يكون التهاب حلق أو إذن و كشف الدكتور وقال ما فيه شئ
بس لازم يرضع كل 3 ساعات
بس أنا وش أسوي مره يرفض الرضاعه و إذا غصبت عليه يستفرغ
حتى في الليل مستحيل يصيح مثل اخوه اول يدور الرضعة لازم اصحيه و هاتك جهاد عليها
وفي الأخير يشرب لي 60 مل وإذا كثر 90

مره تعبت نفسيتي منه مؤ راضي يرضع مع انه ما كان كذا اول
بليزززز شورو علي وش أسوي واللي عندها حل تساعدنا فيه

والله يوفق الجميع لما يحبه و يرضاه