السونار و وضعية الجنين

[المها]

صبــآح الخيـــر للجميــع ..
وآلـف شكــر للــي يرد علــى موضوعـــي ..
مآبقــى آطول عليكــم البارح رحت اشوف سونــآر عشآني بالشهـر الخامــس
متحمســه آعرفـ بنت ولاولد لان امنيتــي تكون بنت الموهيــمـ
قالت لي الدكتــورة موعارفـه اذا بنـت ولاولد قلت لها ليه قالت لي لان الجنين بوضعيه سجــود طبعا انا استقربت مرة وحسيت بقشعريره بجسمــي وضلت يمكن ربــع ساعــه وماتغيرت الوضعيه وقعدت تضغط على بطنـي وماكو فايدهـ تهئ تهئ
تحطمت انا متحمسه اعرف بس قالت لي اهي بنت وانا متاكـده تعالي بعد كم يوم يمــكن تتغير الوضعيه الموهيم قلت لازوجي وفرح وقلت لامي وخوفتني صراحه قالت يمكن يسون لك عمليه اذا ضلت بوضعيــه سجود ووقت الولاده قصدهــ
احينا انا بسالكــم الدكتورة اللي ارجع عندها مواعيدي الشهريه قالت لي لك خمس واسبوعين والولاده تكون بذو الحجه وهذي اللي شافت لي سونار قالت لي لك 21 اسبوع والولاده 16 محــرم معنى هذي الدكتورة الكــل يمدحها من اهلي
انتو وش تقالون لي عشان ارتاح من ناحيه كلام امي وكلام الدكنورة عند موعد الولاده ووضعيه الجنين هي طبيعيه ولالا والسموحه على الاطالـه
كــل الشكــر لكمــ ..
المهـــأ

[نبضي دعاء]

لاتخافي ابدا الطفل يغير وضعة في اليوم اكثر من مرة والحين بتبدي تحسي حركتة تزيدوعلى السادس يبداء يرفص ويطلع وينزل وراسة يطلع فوق عند الصدر والي تقولة مامتك مايسير الافي التاسع وقتها البيبي ينزل راسة الحوض واذا مانزل يكون قيصري اذا مانزل لانة بالمقعدة وبدري عليك يسير لك كذا انشاء الله ربي ييسر لك ومايحصل شي بس مستحيل الحين واخذ الطفل وضع السجود شي عادي جدا يسوونها نذالة عشان مانعرف وش جنسهم شقاوة من الحمل
ادعي لي انا في التاسع ولادتي بعد ايام

[ميموتي]

انا مع الاخت نبضي دعاء
واللة يسهل ولادتج

[كولين]

الوضع جدا طبيعي...
لاتقلقي الطفل يبقى بحركة مستمرة الى حد الولادة اما موعد الولادة فهو غير مهم المهم تمام خلقة الطفل وان تقومي انتي واياه بالف سلامة يارب

[سموة الشوق]

مثل ماقالوا الأخوات

حبيبتي لاتقلقين

انت بالشهر الخامس

واكيد الجنين بيتغير وضعيته لامحالة

وحده قريبتي بالتاسع ووضع جنينها راسه فوق ومثلك الدكتورة خوفتها

وسبحان الله

قالوا لها تحبي كثير

وماشاء الله تغير وضعه وولدت طبيعي والحمد لله

لاتهوجسين خيتو


الله يسهلك ويرزقك الذرية الطيبة من عنده..

[أم حماني]

انا مرتين سويت التراساوند وكان البيبي بوضعيه سجود ومن دخلت الثامن تعدلت وضعيته وصار الراس تحت ... لاتخافين حبيبتي

[المها]

مشكورين يالغلا على تواجدكم
والله يسهل عليكم وعلي يارب بحق الشهر الفضيل

[يارب عفوك]

عادي يالغلا

الجنين يسبح وكل شهر لو تروحي بتشوفي حركه

والله يهدي امك بدل ماتخفف عنك تخوفك زود

والجنين ماتستقر وضعيته الإ بالشهر التاسع

[أجمل إنسانه]

ايوه يا حبيبتي انا بالشهر الثامن

ولما صورت سونار بالشهر الخامس طلع البيبي ساجد

بس بالشهر الخامس مو بسرعه يغير وضعيته

عكس الشهور السابع والثامن يتحرك اكثر ويغير وضعيته كثير

وااما عن كلام امك لا تخافين يا قلبي راسه بينزل تحت وقت الولاده

الله يسهل عليك وعلي