أليييــــمــَه ... حَدْ الاخْتِناق.

[ام خولة]

قصـــة شعــرية حزينة ومؤثـرة جداً
اتمنى ان تقرؤها بقلوبكم


طفل مسكين


أنولد أعمى
طفـل مسكين .. ما يدري شنو يعني بصيص النور .. !
طفل بيعيش سنين العمـر ب ظلمممممممه ..
.
.



ومضت الأيام .. وكبر " غريب "
برمشة عين .. وفي وهله
بسنينه الـ 5 .. يتسائل .. ؟!
ينادي بصوته المبحوح : يا ماما .. منو آنا .. ؟
سمعت الناس تتكلم .. تقول " أعمى "
ما يدرون أسمي " غريب " .. !
قوليلي .. أنا يا ماما أسمي " غريب " مو " أعمى " .. !!
تكتمها , وتبتلع " أمه " آهات مختنقه
تجرَ الدمعه بالدمعه .. وتجي يمه وتضمه ..
حبيبي " غريب " .. أنت " غريب " مــو " أعمى " أهي هالناس ما تدري .. حبيبي لا يهمونك .. يكفي أكــون أنا عيونك ..


.



.




وتمر الأيام



.
.







وبسنينه الـ 20 .. يتسائل .. ؟!
ينادي بصوته المبحوح .. نفس الصوت .. ما تغير
ينادي بحزنه المكتوم : عيدي لي وصف هـ الدنيا يا يمـه .. ؟
شنو فيها .. ؟ شنو الألوان .. ؟
شكل وجهك يا يمـه وصفي لي ؟ وأنا وشلون أوصافي .. ؟
.. أنا أدري سألتك مره ومرات ..
ولكــن كنت أتمنى , تقولي لي .. وأشوف الدنيا في حلمي ولو مــره .. !
أشوف الدنيـا بالألوان .. أشوفك جنبي وأضمك .. وأرسم في العقل وصفك ..
أبــي يا يمه تعيدي لي .. وتعيدي لي .. وتعيدي لي ..
.. تجي يمـه بجسم منحول وبشعر أبيض وظهر منحني ,
وقهر الأزمان مرسوم في تجاعيد الوجه .. لوحـة .. " بعمــر 50 " .. !!!
تقول بحب : بحكي لك .. عن الدنيا حبيبي " غريب "
أنا عيونك .. لآخر لحظة في عمري .. أنا عيونك ..
ياوليدي السمــا زرقه .. والأرض خضره .. وشعر أمك , بياض الثلج ..
.. يقطعها بسؤاله :
شنو يعنــي السما زرقه .. ؟!
شنو الأخضر ؟؟ شنو يعني بياض الثلج ؟؟
ليـش أنـا يا يمــه .. ؟؟ ليـش أنا , أنا المظلوم .. !!
لوني في هالزمن أسسسسسود .. !!
ليش ألواني .. محصورة !
ليش ألواني .. بس أسود .. !! مو أزرق .. ولا أبيض .. ولا أخضر .. ؟!
ليــش الناس تتهامس .. وتقول بعطف :
ترى " أعمـى " !
.. مو قلتي لي أسمــي " غريب " مو " أعمى " !!





ونفس الصورة تتكرر





تجر الدمعة بالدمعة .. وتجي يمه وتضمه ..
حبيبي "غريب" .. أنت " غريب " .. مـو " أعمى "






أهي هالناس ما تدري .. حبيبي لا يهمونك .. يكفي أكــون أنا عيونك ..







.





.
وتمر الأيام .. بعض أيام ..
وصوت الطيبة يتكلم :
" غريب " يمــه .. بروح أشوي أنا مشوار , بقضي لي بعض الأشغال ..
تبي أي شيء .. ؟ بس آمر .. حبيبي " يا قبل عيني "
يقول بصوته المعتاد :
أبي بس نور يا يمــه يا ضوى عيناي .. أشوفك منه مبتسمة وتحلالي بهالزمن دنياي ..
.. شنو يعني بيكون الرد ؟!
دمع يحرق جفون العين كالعادة .. وكتم الآهات .. وتحفر في القلب حسرات ..
.
.




.. وأنقضى المشوار ..




وجا بكرى ,
ورنين الهاتف من الصبح .. هز قلب الأم بخوف ..




- أي نعم .. " أم غريب تتكلم " ..
نعم يا وليدي عرفتك .. بشرني .. شنو صار بأمرك !
يعني أقدر أجي عندك .. قل لي , صار الأمر مقدور ..
روح يـاوليدي .. درب الخيــر يا عسى دربك ..
بنجي لك بعد الظهـر على خيـر ..




غريب يسمع , تسائل :




* مين يا يمــه .. شنو صاير , وشنو عندك .. ؟
- أبشر ياولدي بسعدك .. بتشوف السما الزرقه , بتشوف الأرض خضره , وقبل كل هذا بتشوف أمك ..
سكت مصدوم .. !!
أنا " الأعمى " .. بشوف النــور .. ؟!




.
.





ومضى الوقت .. كنــه دهور ..
وبعد الظهـر راحوا .. وشافت " أحمد الدكتور "
- بلهفة قالت : ياوليدي , متى تبدأ .. ؟
- ياخاله .. الحين الحين .. بس صلي على النبي أنتِ .. وما يصير إلا الخير ..
.. مضت ساعه .. ثلاث ساعات .. وسبعه ..
وجا " أحمد الدكتور " .. ينادي" غريب " بسك نوم .. شوف الدنيا يلا قوم ..
تحرك " غريب " .. وحاول يفتح عيونه .. يااربي , شنو هاللون !!
غشاوه لونها ثاني .. ! يحاول" يفتح عيونه " بعد أكثر وأكثر ..
شنوو هذا .. ؟!
أكــيد الحلم ,, ( تذكر أمنية عمره .. يشوف الدنيا بالألوآن .. )
نعم أحلم .. أكيد أحلم ..
وجا له الصوت .. ما تحلم .. حقيقة وواقع اللي تشوف ..
* منو أنت ؟
- أنا " أحمد الدكتور " ..
* تقسم لي .. حقيقة وواقع أني أشوف .. ؟
أنا يعني مو " أعمـى " ؟ لا تلعب بأحاسيسي .. !
- أقسم لك , صرت تشوف .. بفضل أمك .. ياعزيزي ..
* صحيــح قل لي .. وين أمــي .. أبي أكحل نظر عيني بشوفتها ..




- ....




* شنو ماتدري وين تكون .. ؟
أرجوك أتصل .. كلمها .. قل لها " غريب ولدك " صار يشوف ..




.
.





ومضت الأيام .. بعد الأياام ..
بسنينه الـ 50 .. يتسائل .. ؟!
* يمـه الناس تتكلم , يقولون :
هذا الولد قاسي .. ضيــع شباب أمــه ..
أخذ نــور عين أمه ..
غــريب هالـ " القاسي " بس أمــره ..
.. يمـه مو قلتي أسمـي " غريب " مــو " أعمى " ولا " قاسي " ؟! ..
ببسمة وضحكة مخفية .. تمد إيديها وتضمة
و تقول بكل حنية :
حبيبي " غريب " أنت " غريب " مـو " قاسي " ولا " أعمــى "
أهي هالناس ماتدري .. حبيبي لا يهمونك ..
يكفيني عيوني في عيونك





همسسسة

لا يُخفى ما لنعمة البصر من العظمة و المكانة

و لأجل ذلك فقد جاءت الشريعة الغراء

بما يخفِّف من وقع هذه المصيبة على من ابتلي بها..

في الصبر والاحتساب..

جاء في الحديث القدسي

إنَّ اللَّهَ قالَ : إذا ابتليتُ عبدي بحبيبتَيهِ فصبَرَ ، عوَّضتُه منهُما الجنَّةَ .
يريدُ : عينيهِ .

الراوي:أنس بن مالك المحدث:البخاري

- المصدر:صحيح البخاري - الصفحة أو الرقم:5653

خلاصة حكم المحدث: [صحيح]

[ريحانة الجنة]

رحلة مع هذه اﻻحرف صاحبتها التناهيد
ﻻيقدر ويشعر بها اﻻ أم كتلك اﻻم ...
مجتمع قاسي لا يتغير ..وامومة حانية لا تفقد صبرها
ودفء احتوائها ل فلذة الكبد...
وبالفعل تبذل له الروح محبة وراضية~.

☆انتقاء سامي☆ ...
تحيات لروحك

[ام ارجواااااان]

راااااااااائع
يعطيك الف الف عااااااااااافيه

[ام خولة]

المشاركة الأصلية كتبت بواسطة ريحانة الجنة

رحلة مع هذه اﻻحرف صاحبتها التناهيد
ﻻيقدر ويشعر بها اﻻ أم كتلك اﻻم ...
مجتمع قاسي لا يتغير ..وامومة حانية لا تفقد صبرها
ودفء احتوائها ل فلذة الكبد...
وبالفعل تبذل له الروح محبة وراضية~.

☆انتقاء سامي☆ ...
تحيات لروحك

جــزاكــ ربي خيــر الجــزاء على المرور القيّـــم الذي أسعدني
وبــارك الله فيك وأسعدك بالدنيا والاخــرة
لك تقديري وأحترامي

[ام خولة]

المشاركة الأصلية كتبت بواسطة الشمووووووخ

راااااااااائع
يعطيك الف الف عااااااااااافيه

الرائع مرورك العطر يالغلا

لا عدم ولا خلا ..

ودي وجنائن وردي

[ام جوري&&]

[امجااد]

كالعادة إبداع رائع

وطرح يستحق المتابعة

شكراً لك

بإنتظار الجديد القادم
دمت بكل خير