تكفون ابرة الظهر

[حرمت العجمي]

السلام عليكم خواتي تكفون ابغى الرد ضرووووووري انا على وشك ولاده وبااضرب ابرة ظهر عند الولاده وش رايكم

[Mishael]

كثيير تكلمنا عن ابرة الظهر بقسم الولاده ،،
انا كنت استخير طول ماانا حامل وكنت اقول ماراح اخذها وبوقة الولاده نسيتها وكنت تعبااانه لي يومين طلق حاامي وجتلي الممرضه وذكرتني فيها قالت لي انتي لازم ابره لانك تعبتي مرره وبيعطونك طلق صناعي وعلى طول طلبتها بس ماعطوني الا لما فتح اربعه سانتي ارتحت ونمت بعدها وماحسيت بشي ابدد وقعدة ادعي للي صنعها بالجنه الحمدالله احسها رحمه للمره اليوم الثاني اوجعني ضهري وسألت دكتور التخدير قالي عادي يومين ويروح مثل الم الابره لما تاخذينها بالعضل وفعلن اليوم الثاني عادي ماعاد حسيت بالالم اللهم لك الحمد على فكره انا والده بحكومي بالحرس ،،
انتي استخيري وربي بيدلك عالخيره ،

[حرمت العجمي]

الله يجزاك خير ويطمن قلبك يارب طيب وقت الضرب تالم وهل يصاحبه صداع

[Mishael]

وقت الضرب يحطلك بنج موضعي ماحسيت فيها ومع ذالك تحركة والحمدالله ماصابني شي عقم ظهري كاامل قبل لا يحطها وبعدين الابره عباره عن قصدره
يعني يدخل فيك انبوب صغينوووون مادريت عنه الا بعد مافكوه متصل بانبوب خارجي طوييل اخره زي العلبه يعلقها الدكتور بكتفك العلبه هذي فيها الحقنه وتصير تنقط بظهرك نقطه نقطه من غير ماتحسين ابدددد وكانت الممرضه تلمسني بالثلج من اطراف رجولي الى صدري وماكنت احس بالثلج الا لما توصل لصدري والدكتور كان قايلي قبلها اذا ماحسيتي بالبروده بصدرك على طول لازم يشيلونها وماحسيت باي الم الا باخر غرزه من الخياطه الحمدالله
وكانت معي طلوق وخلاني احضن مخده اركي كتوفي عليها والممرضه مسكت كتوفي وبين الطلقتين حطها لاني كنت خايفه اتحرك وكنت اسأل الدكتور قبلها اقوله اني سمعت انها تسبب الالم لظهر وتسبب صداع قالي الام الظهر شي طبيعي كل وحده حامل مشاءالله كم كيلو تسعه شهور تبينها تقوم طبيعيه من غير الالم مستحيل والصدع بصراحه مااتذكر بس صديقتي قبل كم يوم والده تقول اليوم الثاني اللم بالظهر وصداع بعدين خلاص عادي بس الالم محتمل يعني مو ذاك الالم اللي يعور مره لا ،، والله حتى التصوير قعدة اصور ومستحيل اولد من غيرها ،، وصديقتي ثاني بعد والده قبل شهر بدله تقول عطوها بنسبه معينه لان الضغط عندها مايتحمله وتقول الالم صار مثل الدغدغه يعني تحس بشي بسييييييط ،،

[شمعدانه]

وانا ببكري اخذتها وولادتي الثانيه بعد رووعه سبحان الله رحمه. هونت الطلق والله يعطيك ساعه طيبه

[حرمت العجمي]

الله يسعدكم دنيا واخره

[سوزان الرياض]

اضربيها وانت متطمنه كل صديقاتي وخوات زوجي ضاربينها ولا جاهم الا العافيه ماشاء الله

[حيإتوو]

ماقصروا الاخوات
بس بضيف لك شي انا اخذتها بس نص مو كامل قالي. الي يعطي الابره علشان تسعدين الدكتوره بدفع وحسيت بالم بنسبه متوسطه وع فكره. ترا ماتقدرين تربطين بطنك بشماغ. لازم مشد لانه تتالمين لان الابره مكانه بعمود الفقري وبعدين ترا تحسين بالم في ظهرك مع المشي الطويل او شغل البيت

[شفافية]

ماعندي فكرة

الله يهون عالجميع ... وييسر لنا الولادة يارب ويرزقنا الذرية الصالحة المتعافية يارب