تكفون ساعدوني طفلي خديج

[وجدان 133]

السلام عليكم
كيفكم
انا ولدت في الثامن
وطفلي في الحضانه
نفسيتي تعبانه مرررررره ضايقه فيني الدنيا

طفلي ما يرضع لا طبيعي ولا صناعي يحطوله الحليب بالانبوبه
تكفون احد صار معه كذا
وش صار كيف تصرفتوا

تكفون ردوا علي

[السيده امل]

الله يقومه با السلامه يارب اختي جابت في نص السابع وثقي تماما ان الله الي كاتبه فيه خيره

[جذور]

طبيعي طالما في الحضانة ..

بس المفروض انتى تروحي ترضعيه .. .. علشان لما يطلع ان شاء الله يكون متعود عليكي

المهم يقوم بالسلامة .. .. يرضع طبيعي او صناعي الي كاتبه ربنا بيصير

وربنا يخليه لك

...

[سوزان الرياض]

ولد عمي كان كذا واللحين ماشاء الله يدرس في اولى
وكمان صديقتي مولوده بالثامن واللحين عمرها 25
استودعيه الله وتصدقي عنه ولا عليه الا العافيه

[Mishael]

اللهم لك الحمد حبيبتي اشكري ربي واحمديه اللي ربي تمم له على خير وجالك بالسلامه وياعمري زوريه يومين احضنيه واذا فيه امكان ترضعيه رضعيه لو مره وحده باليوم عادي
واتركي هالفتره فترت راحه بس يرتفع وزنه او يتم التسعه يطالعونه انتي هالفتره استعيدي نشاطك ونامي كويس وتغذي واهتمي بصحتك قبل لا يطلع وتتبهذلين زياده
ادري انها فتره صعبه ومتعبه نفسيان بس الحمدالله على كل حال كل امر اختاره ربي فيه خيره لك بطلع عينك من السهر وبينكسر ظهرك وانتي منحنيه عليه ترضعينه
انا تركت بنتي بالمستشفى يومين عشان معها صفار وهلكت روحي بالصياح لو اني نايمه ومرتاحه كان افضلي من اني اتعب نفسي ويوم طلعت بنتي تعبت زياده
كثير اطفال ينولدون خدج بس فتره ويستعيدون صحتهم والحمدالله مشاءالله تبارك الله وعقبال طفلك يارب
ارتاحي ونامي وزوريه وهدي حالك

[روزآليندآ]

المفروض انتى تروحي ترضعيه ..

[موني توني]

الله يخليه لك بصحته وعافيته