متابعة التبويض

[lozette]

السلام عليكم يا بنات . أنا في العادة الشهرية إلي كانت 26/02/ في اليوم 7 / 8 9/ كانت تنزل علي إفرازات لزجة . لكن درجة حرارة جسمي كانت مستقرة 36.6 . وفي اليوم 11 إلى 15 تابعت التبويض عن طريق الجهاز الخاص به ولم أسجل أي نتيجة و ما كانش فيه إفرازات و درجة حرارة جسمي أقل من 37 . و ابتداء من اليوم 16 ارتفعت إلى 37 و بقت مرتفة إلى غاية يومين قبل الدورة نزلت درجة الحرارة إلى أقل من 37 و طول هذه المدة لم تكن هناك افرازات شفافة . و نزلت الدورة من يومين أريد أن أعرف يوم التبويض عندي يبدأ متى علما أن الدورة طولها 27 يوم مع نزول افرازات بنية اللون ابتداء من اليوم 23 . من فضلكم أفيدوني و جزاكم الله خيرا

[طالبة المغفرة]

المفروض يوم اباظتك يكون اليوم 13
والحرارة ترتفع فيه عن الايام السابقة

لكن ما اقدر افيدك بشرح وافي اتمنى الاخوات يفيدوك
وانصحك تتابعي تبويض مع دكتورة

[نور اليقين]

lozette ختي شحال تبقى عندك الافرزات البنية قبل الدورة انا تاني الجيني افرزات قبل الدورة يومين وبعدين تنزل الدورة وكرحت للطبيب قالتلي ماشي مرقلة ولا من العملية انتاع ازالت الكس وانت مناه يديرلك الافرزات اختي؟؟؟؟ وانا تاني طول الدورة 27 واحيانا 28 ولا 26

[lozette]

أختي نور اليقين . أنا الدورة عندي 26 27 28 . و الإفرازات كل مرة كيفاش مرة 2 يوم و مرة 4 أيام . سألت الطبيبة و قاتلي نورمال . بصح ما رانيش مرتاحة حاسة التبويض عندي ضعيف . حاةلت نتابع درجة حرارة جسمي و لكن ما فهمتش . جبت 5 جهاز متابعة التبويض و استعملت من اليوم 11 إلى 15 بصح ما كاين والو .

[نور اليقين]

لوزات انا راني احيانا نتبع بهدا قالتلي الطبيبة كتكون درجة الحرارة انتاعك 37 فاصل 01 يكون هداك اليوم وقت التبويض عندك وهداك النهار جامعي وتقيسي الحرارة من الخلف ولازم صباح قبل ماتنوضي من الفراش درتها ومكان والو

[نور اليقين]

[lozette]

أنا نفس الشيئ . بعد الدورة كل يوم على 5:30 نقيس درجة الحرارة . كنت العام الماضي نديرها . ثم حبست . و في جانفي لي فات عاودت بصح يا أختي ما عرفتش لأن التبويض عندي من المفروض يبدأ من اليوم : 10 حتى 17 خلال هذه الفترة نورمالمو تطلع حتى 37 . لكن هي حتى 20 باش طلعت ل 37 . و الشهر لي الفات يوم 18 . و على حساب ما راهم يقولو تحسبي 14 اليوم من اليوم لي جيك فيه إذا كانت منتظمة . و انا من جانفي 27 و فيفري و حتى مارس يعني منتظمة لأني شربت البردقوش و المارمية . و إذا بالحساب يوم التبويض عندي 27-14=13 . و الله أعلم. راني بديت هذا أسبوع في خلطة الرويس . و كل شيء على ربي .