الله يخليكم ردوا علي وبدعي لكم : بخصوص علاج التكيسات

صامته والزمن هزاز · 03-17-2013, 08:53 PM

السلام عليكم

يارب كون لنا معين يارب ...

بنات تكفون الي عندها خبره او معلومه تدلني عليهاا انا مدري وش اسوي بحياتي
خلاص تعبت نفسيا وجسديا

انا زي ماكتبت لكم قبل
عندي بنت وعمرها سنتين ونص وحملت فيها طبيعي بلا علاج ولاشي
الحين لما رحت للدكتوره قالت لي عندك تكيسات
وحنتابع التبويض
باليوم العاشر من الدوره كان التبويض من تسعه الى عشره

اليوم ثلاثه عشر 12

اليوم السابع عشر 14

وقالت تعالي بعد ثلاث ايام واذا استمر التبويض كدا حعطيك حبوب منشطه
قلت لها ابغى شي يبعد التكيسات وقالوا لك الجلوكوفاج قالت لي انتي جسمك ضعيف
لو اعطيتك الجلووكوفاج راح يتعبتك وتضعفي بزياده
وزني 50
وطولي 156 !!!!!

ومارضيت تعطيني
والحبوب المنشطه تزيد التكيسات
رحت للعطار قلت اشوف شي كويس قالي اذا قربت موعد الدوره راح اعطيك خلطه
تنشط المبايض قلت له تتكون من ايش

قالي
زنجبيل حبوب اللقاح غذا ملكات النحل قرفه كموون حبه البركه ومدري ايش كمان هو يسويها

بنات والله مدري وش اسوي خلاص تعبت

LOUBI · 03-17-2013, 09:02 PM

الله يشفيك من التكيس و يهب لك الذرية الطيبة عاااجلا يا رب
الخلطة اللي اعطاها لك العطار معروفة و مفيدة ...و كمان اشربي البردقوش هو ينظم الدورة و ينشط المبايض و يوازن الهرمونات و ان شاء الله يصير خير

صامته والزمن هزاز · 03-17-2013, 09:07 PM

مشكوره يامشرفتنا الله يرزقك يارب ياكريم ياحنان من واسع فضضله

اختي انا ستخدمت مره البردقوش وخلتني ارشح ودوخه وبطني مغصتني يمكن ماعرفت كيف استخدمها

في العبدالله · 03-17-2013, 09:18 PM

حبيبتي الله يعطيك ياااارب ويفرحك

شوفي انا كان عندي ضعف تبويض بس ماكان عندي تكيسات واستخدمت حبوب غذاء ملكات النحل اخذتها من الصيدليه وحملت بنفس الشهر الحمدلله يارب الله يتمملي ويرزقك بالحمل عاجلا غير اجل

اميرة الحنان · 03-17-2013, 09:23 PM

حبيبتي كل شئ بايد الله سبحانه خليك قوية و احمدي ربك على بنتك الله يخليها و يحفظها الك و اذ كاتبلك ربك تحملي ما في شئ يمنعك استغفري و خلي أملك بالله و ان شاء الله ربي يشفيكي و يرزقك الذرية الطيبة عاجلا غير اجل يا رب يا رحيم........أنصحك بالبردقوش حقيقي رائع و أنا جربتو من قبل

صامته والزمن هزاز · 03-17-2013, 09:45 PM

يارب يفرج همكم ويكشف غمكم ويتمم لكم فرحكم ويرزقكم يارب

طيب كيف استخدام لبردقوش

رقة خفوق · 03-17-2013, 10:27 PM

السلام عليكم ورحمة الله

البردقوش خذي ملعقه الحلا = الوسط مو الكبيره ولا الصغيره
حطيها بكاس مويه مغلي وغطيه لين يبرد ويركد واشربيه مره او مرتين

انا جديده بالمنتدى وعندي تكيس بكمل سنه من تزوجت ما حملت
كثري شرب مويه حاولي تشربي 12 كاسه يوميا معليش تحملي الروحه كل شوي ع الحمام الله يكرمك .؟

الله يرزقك ويرزقني ويرزق كل من تتمنى تحمل

المشاغبه · 03-17-2013, 10:54 PM

السلام عليكم حبيبتي لاتاخذي اي علاجات الا من الدكتوره
كيف يعطيكي منشط للمبايض وانتي معك تكيس
كذا يكبرالتكيس
غلط اختي
واحتمال لاقدر الله تحملي بثنين كيس فاضي اللي هو المبيض اللي فيه تكيس
وحمل طبيعي بالبويضه الجديده بعد التنشيط وهاذي مشكله كبيره
انتبهي يقلبي
وخليك مع الدكتوره مو كل العطارين فاهمين
واسفه ع الاطاله
بس خايفتن عليتس

Orchid109 · 03-18-2013, 01:47 PM

لا ياشيخة
تقولين له عندك تكيس ويقول بيعطيك منشط !
ترى على فكرة الأدوية الشعبية زي الطبية
زي مالها منافعها لها أَضرارها

القسط الهندي ممتاز للتكيسات ولاتاخذي معه اي شي
كثري شرب الماء

أما اذا كبر حجم الكيس فالافضل تسوي عملية تستأصليه لان 9 سنوات ماحملتي وهذي مدة طويلة جدن

وفالك الحمل ان شاء الله

صامته والزمن هزاز · 03-18-2013, 03:19 PM

مشكورين ياربً ع الردود الله يكرمكم بالحمل يارب
ويفرج همكم

اخواتي لسى ماوصلت للاجابه كيف نتيجة التحليل هل
فيه تكيس خطير

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ابي احمل الله يخليكم ردوا علي	احاسيس انثى	منتدى علاج العقم و تأخر الحمل	17	03-17-2013 11:32 PM
الله يخليكم ردوا علي	أسميه	منتدى الرضاعة الطبيعية والصناعية	3	08-13-2011 02:19 AM
ردوا علي الله يخليكم	أم البيبي	منتدى الولادة المبكرة والإجهاض	3	05-11-2011 04:13 AM
ياخبيرات الآم الولاده الله يخليكم ردوا علي.	ناديا	إستفسارات مرحلة الولادة	10	04-08-2011 03:42 PM