افرازات بعد اخت النفاس طمنوني

[أم عبد الإلــه]

السلام عليكم حوامل و امهات كيفكم ان شاء الله بخير

عندي شوية اسئلة ابغى اسالكم عنها لإني كل ما صار عندي شيء اركض لكم مالي غيركم انا بغربة ولحالي فاستحملوني الله يخليكم

شرفت عندي اخت النفاس اللي هي اول دورة يعني و استمرت معاي 8 ايام غزيرة مرة و من يوم 3 منها ابتديت اخذ حبوب منع الحمل ميرسلون و بعد 8 ايام طهرت و اغتسلت و قمت اصلي بس بعد كدة كلا الاقي افرازات مخاطية اكركم الله ، مرة بنية مرة صفرة ... بس في اليوم 12 من الدورة نزل علي نقط دم و خطوط بيضاء و خطوط دم، ما اعرف هذا من شنو ، من الحبوب ولا الدورة لسا ماخلصت.
انا الحين 14 يوم من اخت النفاس و مازلت اشوف فيني هاذي الافرازات بس القاها لما امسح بالكلينكس و ملابسي الداخلية دوم نظيمة ما فيها شي بس الاقيها لما امسح.

اسفة طولت عليكم بس الله يخليكم ردوا علي و طمنوني.

[ملكتني بهمسك]

الحمدالله على سلامتك ياهلا وغلا فيك نحنا اخوات ياعسل وحياك في كل وقت سدحي سؤالك ونحنا باذن الله نفيدك

بنسبه لسؤالك المفروض ماتخذي اي مانع لين تخلص اخت النفاس لانها تنظف الرحم من دم النفاس والان انتي وقفتيها بحبوب وجوت رحملك لسه دم ولسه ماتنظف عشان كذا ما بتطهرين لين ينظف رحمك من الدم وبعدها بتختفي الافرزات البنيه والصفراء والحمراء وعلامه الطهر افرزات بيضاء

واي سؤال عيوني لك اذا ما رديت يمكن اكون مشغوله فارسليلي على الخاص

[أم عبد الإلــه]

الله يجزيك كل خير حبيبتي ما قصرتي و الله انك كفيتي و وفيتي

ايه صحيح انا احس اني ما نظفت عدل من النفاس.
اضطريت اخذ الحبوب لاني بعد الاربعين ما رضى زوجي الا اسافر معاه نرد بيتنا فاول ما طهرت من النفاس سافرت. فما كنت ادري ان ها الدورة مهمة لها الدرجة.
طيب ممكن سؤال : يمكن في الدورة اللي بعدها اخذ خاطة ولا شيء ينظف الرحم؟ يصير يعني؟

الف شكر لك اختي