كيف اكسب زوجي

[لولوة]

اول شي يسعد مساكم خواتي حبيباتي انا مشكلتي تعباني لدرجة انو الامور احتدمت بيني وبين زوجي لحتى صرت اطلب منو الطلاق بشكل متكرر اول شي انا من غزة وصارلي تقريبا سنتين الا 3 شهور متزوجة وربنا رزقنا بولد عقبال عند الجميع معلش خواتي تحملوني شوي احنا اخذنا بعض عن حب بس مابعرف هلا اللي بشوفنا ما بيصدق مع انو هوا كان بالخطبة يوم يوم عندي ومن لما خطبني سمن والكل كان ملاحظ هالشي ويقولون انو ارتحنا المهم هلا المشكلة اللي انا واقعة فيها كالاتيزوجي بيروح عند شلو فاشلة وبيتركني فالبيت لغاية الساعة 1 او2 بالليل لحالي وبس يرجع بيقعد يكشر فيا ومو متحملي كلام مع انو ماكان يخرج من البيت الا نادراوهدول الجماعة مو من مستواه التعليمي ولا الاخلاقي ولا في اي وجه شبه بينهم بشي وهوا طبيعة دوامه بشغلو بيطلع من البيت الساعة8 وبيرجع الساعة 4 العصر في هاد الوقت انا بروح احيانا عبيت اهلي من الزهق والوحدة وهوا كان دوم ملازمني عند اهلي واحيانا يروح من الدوام لعند اهلي بس الو فترة تقريبا من 3او اربع شهور بطل يطيق خلقتي ويصنعلي مشاكل من تحت الارضهادا من بعد ماراح مرة على خطوبة واحد من هاي الشلة الفاشلة اللي هوا كان اصلا مقاطعهم بس اجا وعزمو عالخطبة ومن بعدها فتح معهم خط جديد وانا بتخانق معو عشان يبعد عنهم بس عالفاضي مع انو اخلاقهم زفت وكلامهم في اشياء حقيرة وانا بصراحة صرت مالة من هالوضع وبطلت اهتم بحالي وهوا طلعاتو زادت ومشاكلنا زادت بسبب هالشلة وقبل اسبوع تشاجرنا لدرجة اني حكيتلة ازا انتا راجل طلقني من كتر ماقهرنيبس حكالي نجوم السما اقربلك مش بسهولة هاد وقالي ازا بتفكري تحردي عند بيت اهلك وتاخدي الولد فانا مافي قوة بالدنيا حتاخدو بعيد عني لو بحرق كل عيلتك واهلك وعمرك ماحتشوفيه فانا ياخواتي تعبت كتير كتير لدرجة اني فكرت باني اهرب انا وابني عاي بلد لحتى ارتاح من هالمشاكلومن ضمن هالاسباب بس ماتفهموني غلط قلة الفلوس لانو مافي راتب والشغل اللي هوا فيه بيعطوه150 دولار كل اربع شهور وبنشفو ريقو لما ازا بدهم يعطوه اياه ومتطلبات الحياة كتيرة وبدها ومافي باليد حيلة وبيصير يحكيلي البسيلي وتمكيجي وغيره طب انا ملابسي كلها ضيقت علي لاني ماشريت ملابس من لما تزوجت وبفضل اكون بجلابيب فالبيت لانهم هما اللي بيدخلو فيا ولما احكيلو كل شي بدو مصاري مابيقتنع وبيحط العيوب فيا فانا ياخواتي والله تعبت كتير كتير وبدي اطق وطالبة منكم المعونة والمساعدة بعد الله فيدوني وريحوني ربنا يريح بالكم وماتشوفو شر ولا مشاكل ومشكورين وبارك الله فيكم ساعدوني في استعادة حنان زوجي وعطفو علي وسامجوني لاني طولت عليكم

[Mقمة البرااااائهM]

حبيبتي ماقدرت أقراء لووون الخط مزعج..........

[حنين الجنة]

هلا حبيبتى
اولا الله يعينك على زوجك ويرده لكى مثل الاول واحسن يارب
هناك حل لمشكلتك بعون الله تعالى
اولا ارضي ربك تعالى فى الثلث الاخير من الليل وادعى الله عز وجل فى صلاتك وقولى اللهم انى اسألك رضاك
وادعى ربك انه يهدى زوجك وان شاء الله ربي بيهديه بس انتى اصبري ان الله مع الصابرين

ثانيا زوجك مش راح يقدر يغير اصحابه الا بصعوبه الحل انك تختارى الوقت المناسب ما يكونش فيه معصب وخديه بالهداوه وحاكيه انه ليش تسوى معى كده وانا احبك واحنا مالنا غيرك انا وابنك
وهذول اصحابك بيخربوا بيتنا بعد ما كنا احباب

واسأل الله ان يهديه لك ويرده لك ولابنه

[ملكة المشاعر]

كلام اختي مصريه صح

انتي اتكلمي معاها لمن يكون مروق