والله اني بهم لايعلمة الا الله

[اميرة الربيع]

مساء الخير انا الحمد لله ولدت من اربع شهور ونفست وحدي وكانت اول ولادة وعانيت معاناة لايعلم بها الا الله ومعاناتي في ازدياد انا احس بالوحدة والحزن واهملت نفسي وبيتي ونفسي مسدووودة عن الاكل والحياة ماعاد لها طعم ومااعرف دكتورة نفسية عندنا بالدمام والشي الثاني جاتني من بعد الولادة بااسبوع حكة من الخلف ومستمرة الى الان=اعذروني على الوصف لاكن محتاجة تفيدوني بخبراتكم وزادت من همي بنتي ماترضع الا بالقوة والله اني احيانا اتركها ماارضعها اسالكم بالله تفيدوني في معاناتي والله يحقق للي ترد علي ماتتمنى-الكلام ماهو مرتب لاكنة من نفسيتي التعبانة

[اميرة الربيع]

6مشاهدات ولارد واحد على الاقل دعوة تجبرون بها خاطري واسال الله ان لايبلاكم بما بلاني

[هنوسه]

الله يكون بعونك ياقلبي ..

وبعدين انتي منتي حاجة دكتوره انتي بحجه لرجوع الى الله والدعاء وقراة القران ..

واهم شي انك ترتبي روحك وماتهملين شكلك ابد لان هذا اكبر شي يثر على النفسيه اهتمي واكشخي وتمكيجي ولبسي وش وراك وباذن الله انك راح تلحضي الفرق..

وبعدين بنتك .. نصيحه والله اختي مثلك ولدها يموتها اذا جا ينام بس يبكي ومايرضع ومبهذا فيها حتى صارت اذا جت ترضعه او تنومه تقرا عليه المعوذات واية الكرسي ..


جربي هذي الطريقه وباذن الله ماعليك لا العافيه وقلبي معك والله ..

اللهم عجل ولادتي من غير شر ياااااااااااارب..

[العاتي]

والله انا مر علي اكثر من كذا لدرجه اني كرهت الحياه
بس والله افضل حل التقرب من الله بقيام الليل والدعاء وكثري من
الاستغفار وحااافظي على الاذكار وشوفي اشلون تتغير حياتك

[اميرة الربيع]

اسال الله العظيم ان يسهل ولادتك ياعمري ياهنوسه والله ان ردك خفف عني وجزاك الله الف خير ياقلبي يالعاتي وان شاء الله احاول اسوي اللي قلتو لي علية وانتظر ردود الحلوات الباقين

[Mقمة البرااااائهM]

الغلااااا أنتي محتااااجه ترووووحين عند أهلج فتره.....وتغيرييييين جو.....أمااا عن الحكه لازم تشوووفين دكتوره نساااائيه....أو الجلديه.....الله يفرجهااااااااا عليج ويسعدج يااااقلبي.....

[بنت الريف]

لا تخلي معانتك بالحزن والوحدة تسيطر على حياتك وهذا الي أنتي فيه هذا أكتئاب مابعد الولادة لازم تسيطري عليه وعيشي حيااااتك ولا بعدين بتندمين على الايام ألي أنتي ضيعتيهاااا من حيااااتك .

روحيييي عند أهلك كم يوم ولا ظروفك ماتسمح وبنتك لا تعصبي عليهاااا شوي شوي عليهاااا
علششششان هاذي أول ولادة فأنت ماعندك خلفية عن الأطفال الرضع كيف تربيتهم وكيف هم مزعجين أنا أول بيبي لي كانت ماتنام وكله تبكي بصوت عالي وماتنام الا مع اذان الفجر طول الليل سهرحتى أني كنت أبكي من حشرتهاااا ومارضعتهاااا جاني أكتئاب بالاربعين كانت ماتاخذ الصدر مرات تاخذه ومرات تقعد تبكي وتصارخ من دون سبب وبعدين كملت كم شهر وبدت تنام زين وماتبكي وااااايد بسسس ندمت لأني ماعطيتها حليب صدري لانه كان يوجعني وهي مارضت ترضع وأنا ماحولت معها.

أهتمي بنفسك وتغذي زين وهتمي بصلاتك وقرآي القرآن وكثري من
الاستغفارو حاولي تتسلي بأي شييييييي مفييييد.

وعن الحكة روحي عند الدكتورة بتوصفلك العلاج الازم لا تهملين روحك وتلاحقي نفسك قبل مايقضي عليك الحزن والهم والوحدة وعيشششششي حياااااااتك وفرحي بنتك وحاولي تروحين البحر أوأماكن أنتي تحبيها علششششان تتغير حالتك النفسسسسية الى الحسسسسسن.

الله يحفظك ويبعد عنك الهم والغم ويجعل حيااااااااتك كلها فرح وسرور.

[اميرة الربيع]

شكرا ياقمة البراءة وبنت الريف والله اني دعيت لكم من قلبي

[يارب ترزقني بطفل أضمه]

الله يفرج همك يارب ويكون بعونك

[**سماسم**]

أولاً مبروك ماجبتي وتترباء بعزكم إن شاء الله ..
ولا تضايقين روحج يالغاليه وقضي على الشعور بالهم والحزن بيدج أرقي نفسج أشغلي تفكيرج بنتج وبنفسج وبيتج وبريلج ..
راح تحسين أن شعور بالهم و الحزن و الكدر راح بإذن الله ..
وعلى الحكه ضروري تروحين لدكتوره لأني قريت قبل فتره أن أي حكه في الشرج معناته بداية بواسير ..
وربي يبعد عنج كل كدر
,,