ولدي اصبح يتصرف بغرابه

[الشمس الشموسة]

السلام عليكم ورحمة الله وبركاته
لو سمحتم ولدي عمره 9شهور صاير بس يصرخ بصوت عالي مو بكاء بس صراخ وكانه بيتكلم بس يخوفني لما يصرخ احد مر عليه حالة مثل حالة ولدي

[**سماسم**]

يمكن تكون من اسنانه جربي لاشفتيه يصرخ اخذي فص ثوم واقسمها نصفين ودلكي بنصف اسنانه اذا حسيتي انو ارتاح فعرفي انها اسنان وحاولي بشكل مسمر تفركين لثته بالثوم لانه حار ويريح الالم ..
وكل ام المفروض تحرص على قراءه الورد لاطفالها كل يوم يحميهم بمشيأة الله من كل مكره
وربي يخلياج ولدج ويرزقج بره وصلاحه
**

[درة غالية]

يااااااربي تحفظه يانااااااسو..
حبيبتي بنتي نفس ولدك تصيح بصوووت عاااااالي احسه دلع او هواية عندها وعمرها سبعة اشهر بتدخل الثامن ومن الشهر السادس تصيح..ربي يخليهم ..
امي تقول السبب لاني اعطيتها اول ماولدت سكر نبات بيكون صوتها جهوري وبيكون عندها فصاحة ..وجالسة انتظر اشوووف وش نهايتها..هههههه

[ρυяỉтч •]

انتي قصدك يناغي بصوت عالي ؟ يعني عادي يصرخ مو زعلان ولا شي خخ
عادي طيب يلعب هو كذا ، او ممكن يعبر عن مشاعره بالصريخ
الله يحفظه يارب ويخليه لك

[الشمس الشموسة]

والله صح هو يناغي بس بهباله الله يحفضه وانا عندي بنتي عمرها ثلاث سنين وثمانية شهور لما يصرخ كذا تجلس تبكي وتقولي هو تعبان ماما لا يروح لربنا عشان كذا صرت اخاف وصرت انوم بنتي بغرفه وهو بالغرفه اللي عندي مع العلم ان بنتي فقدة اخوها قبل سنه وثمانيه شهور والحين اي شي يصير لولدي هذا تجلس تبكي وتقولي لايروح لربنا وصرة اخاف عليه
الحمدلله بعد وفاة ولدي صرت محافظه علي الاذكار وتحصينهم صباح ومساء

[ريتال أحمد]

حاولي ترقيه بنفسك