دخيلكن ابا رايكم

[شيخة بمعانيها]

مرحبا حبيباتي
انا اعالج عند. الدكتور وليد
وكان هشهر بيسويلي تلقيح وعطاني ابر منشطة
ويوم يا يوم فحص طلع عندي 7 بويضات
قال ماقدر اسويلج تلقيح احتمال يتلقحون كل بويضات وتيبين سبع اولاد
قال يا اطفال انابيب او تاخذين حبوب عسبت مانحملين هشهر
انا ماقدرت اسوي اطفال انابيب لاني مسافرة هويكند
واخترت اخلي جماع طبيعي
بس هو حذرني لو صار طبيعي يمكن يتلقحون كل بويضات ويكون خطر
شو رايكم بنات انا خاطري احمل
اخلي جماع طبيعي ولا امنعه واكرر الشهر ياي ومنو صارلها شراتي

[ام ريتان]

والله اختي ماعندي خبرة بهاالامور
ان شاء الله الاخوات يفيدونك...

والله يختار اللي فيه خيره لك ..بس استخيري

[الخاطر]

اول مرة اسمع انه فيه سبع بويضات

واذا فيه فراح كلهم يصير لهم تلقيح

امممم ... صراحة احس الدكتور يبالغ .. بس مدري هوه دكتوور وابخص بشغلته

مو مطمنه .. استشيري دكتور او دكتورة ثانية اذا تقدرين

وبعدين كل شي بيد الله .. اذا الله اراد لش تحملين بتحملين وبالعدد اللي يقدره رب العالمين .. واذا ما كتب .. بهالسبع ما راح يصير تلقيح

انتين واطمئنانش

[سيدة العمر]

هههههههه دكتور اهبل
اساسا حتى لو كانو سبع بويضات مابيكونو كلهم نفس الحجم
اعملى جماع طبيعى وعادى جدا وان شالله بتحملى بتوم مش غلط!!

[M0ra]

و الله ما ادرى حببتى ربنا يكرمك فيهم و يرزقك الذرية الصالحة معافاة

[شيخة بمعانيها]

لان كل بويضات حجمها مناسب حبيبتي ودكتور افضل دتور عندنا

[شيكامارا 40]

انصحك استخيري واللي يجي اول شي فبالك سويه بدون تردد والكمال على الله

[ام محمد؟؟]

استخيري اولا
ثانيا ماعتقد ان السبعة كلهم راح يتلقحون -والله اعلم- لكن دام جاتك فرصة للحمل الطبيعي لاتفوتينها علشان احتمالات

[Orchid109]

هلا حبيبتي

اذا مو مرتاحة خوذي مانع الحمل لها الشهر
او انصحك باطفال الانابيب ممتازة ويقدر يخزنك البويضات هذي بعد التلقيح ويصير تستخدميها بعدين

[ابتسامه رغم الالم]

حبيبتي الدكتور ما عنده سالفه ابدا ومنيح انك ما كملتي معه مو هو اعطاك منشطات فالاكيد انها راح تكون بويضات كثير اذا حدث لهم كلها تلقيح ففيه طريقه لتذويب الاجنه ويبقون اللي تقدرين تكملين حملك فيها لكن واضح ان طبيبك بيستغلكم انصحك بتغيير الطبيب وكملي متابعه مع طبيب اخر عشان الابر والادويه اللي اخذتيها ولازم يعطونك ابره تفجيره اذا وصلت الحجم المطلوب تفاديا من عدم تكون كيس على المبيض
والف سلامه عليك وحسبي الله على دكتورك