بنتي ما تحب تظل لحالها

[& ام الاء و ولاء &]

السلام عليك
انا بنتي عمرها 3 اسابيع و بالبيت ما في غيري انا و زوجي و هو دايما بالشغل
بنتي متعبتني و ما تاركتني اشتغل شي بالبيت بتكون نظيفة و شبعانة بتركها بتصير بتبكي
بقعد جنبها و احكي معها بتسكت حتى بالليل مع العلم اني ما بشيلها الا للضرورة
بس هي تحب مين يحكي معها و الله و هدا الشي لاحظتو من وقت ما صار عمرها اسبوع شو اسوي
ساعدوني شغل البيت كتير و ما عم لحق

[عيش الحياة]

الله يعينك

شغلي بجنبها قرآن يهدي اعصابها وتتعود على صوت القران

او افتحي لها قناة براعم تسمع الاصوات

[بنت لبنان]

انا بنتي نفس الشي وانا ما بخليها بغرفة النوم بالنهار بخليها بغرف الجلوس لحتى تضل تسمع اصوات وبحطلها قران وهيك بتتعود تنام لو حتى في ضجه بالبيت والحمد لله انا ام زوجي ساكنه معنا بالبيت وبتساعدني كتير يعني اكتر الوقت الدلع والحكي مع البنوت هي يلي بتعملو

[thalia20]

لسة صغيره ترى
اكيد خايفه ومستغربه من العالم الجديد
وانتي الامان تبعها
من توصل شهرين راح تتغير