ضروووري تردون علي تيحوني تكفون (سكر الحمل)

[أيام العمر]

السلام عليكم ..

حبيباتي .. بحملي هذا جاني سكر الحمل ! وانا باخر السابع .. والحين انا باول اسبوع بالثامن

تعبت صراحه منه ماعرفت له .. (شي جديد علي واول مه يجي بحملي)

انا من عشاق الحلويات والشوكلا ومدمنه عليه فاني اقطعه كان شي صعب جداا علي واتعبت نفسيتي لكن احاول امسك نفسي بقدر الامكاااان

متنفسي الوحيد وقت الحمل الاكل ! مع الثقل ماتقدرين تتحركين بشكل طبيعي وبسرعه تتعبين يعني حتى تنظيف البيت اذا ودك تنشغلين وتلهين نفسك وتنظفين ع طول اتعب وظهر وحاله

وهالشهر سبحان الله ثقيييل وبطيء وعيا يمشي ..


هاللي قلته كله فضفضه من حر مافيني .. وبدخل لكم بالموضوع ..

في البدايه ماعطوني حميه قالوا لي ابتعدي عن السكر المباشر وكلي عادي(حسبي الله عليهم ) وفعلا اسبوع وشريت تحليل سكر المنزلي وكنت اسجل قرائتي من نفسي بدون طلب احد كذا كنت اقول يمكن يبونها (لان محد قالي ولا علمني ولا ادري عن السكر اصلا ولا اعف كم الطبيعي ) مع العلم لما اقول للي حولي سكري بعد الاكل 188 مثلا يقولي عادي الطبيعي 200

رحت مراجعتي بعد اسبوع علشان كان فيني صديد في البول وانتم بكرامه ووريتها قرائتي قالت ماينفع وعالي ومدري ايش
قلت ماحد قالي انا تنومت عندكم (علشان التهاب البول وعطوني مضادات بالوريد ومتابعه السكر) وجاني دكتور السكر وكان كلامه ابتعدي عن السك المباشر بس !

المهم انها حولتني ع دكتورة سكر .. وقالت لي حميه (مااعطتني اياها لكن تكلمت وش المفروض اكل والمفروض مااكل)

صعب جدا التزم بحميه او طبخ معين لي لنفسي انا يالله اطبخ لزوجي وعيالي .. فصرت احاول اقلل اكلي واستبدله باشياء ماترفع السكر

بعد اسبوع حاولت انتظم وكنت فرحانه قرائتي كانت كويسه لكن فيه يومين تقريبا بعد العشا ارتفع ووصل 188 فكنت اقول معليه مره مايضر احسن من انه كل يوم على هالحاله (خصوصا اني انا كنت مخربطه لاني كنت معزومه !!)

المهم لما وريتها الدكتورة قالت لا فيه كم قراءه مو عاجبتني قلت لها طيب مرتين قالت ايه هو ارتفاع السكر وانخفاضه ياثر ع الطفل !

والله تعبببببببت

المهم انا عندي استفسارات واسئله اتمنى اللي عندها خبره ترد علي ..

انا اقيس صايمه وانتظم سكري هالاسبوع يعني يوصل 95 .. بعد الفطور بساعتين (وفطوري غالبا حليب وكورن فلكس بدون سكر طبعا ) ويوصل بعد ساعتين 109 تقريبا ..

اليوم نفس الشي افطرت كالمعتاد ع الساعه 1 الظهر ويوم جت 3 وعشر قست لقيته 145!!!! استغربت ليش خير وش صار !! ضاق صدري وقسته مره ثانيه 3 ونص وصار 106 !!

شي يلخبط صراحه ماعدت افهم ولا اعرف وشلون اثبته !!


الحين لازم اقيس السكر بعد ساعتين بالضبط من الاكل ولا عادي ساعتين ونص ؟؟

الدكتورة قالت لي مع الوجبه لاتاكلين فاكه او حليب قليل الدسم خليهم بعد الوجبات بساعتين !

انا ماني عارفه متى اكل بعد الوجبه الاخيره خصوصا انها وجبه صغيره ..


يعني مثلا افطرت 1 بعدج ساعتين اصير جوعانه فلوفحتى لو كان السكر منتظم نقول 109 لو اكلت شي ثاني راح يرتفع بعد ساعتين !!

طيب متى اكل !!!

الاحظ سكر يطق 198 اذا كنت عند اهلي وتقهويت مثلا المغرب واكلت شي بسيط وبعدها مثلا بنص ساعه اكلت شي ثاني وبعد ساعه مثلا اتعشا هنا ينحاس السكررر

ماادري كم لازم يكون بين الوجبات خصوصا اني صرت اخاف مااكل واجد اخاف يطق السكر والمفروض الحامل لها 1800 سعره !!

والمشي قالت لي الدكتورة امشي اقل شي 1- دقايق بعد الوجبه ..
لازم بعد الوجبه مباشره ولا ممكن بعد ساعه من الوجبه ؟؟

اوجعت روسكم بس وش اسوي مالي الا الله ثم انتم تعبت نفسيتي خصوصا اني عرفت انه ممكن يسبب وفاه للطفل في الرحم لاقدر الله .. حتى ماعدت اهتم اذا حجمه كبير وبيجي بعمليه صار شي اهوون من انه يموت فجأة ..

واشك لكم سعه صدركم وصبكم على قراء موضوعي ..

[زهرة النرد]

الله يعينك حبيبتي والله اني مثلك و تعبني السكر كثير لكناانا ماكنت اقيس نسبه السكر وقطعت االسكريات بكل انواعها والبطاطا وللرز واستعمل زيت زيتون في الاكل واكلخخبز اسمر
افطر الساعه وحده واتغده الساعه خمسه وما بيناالوجبتين ياما اكل برتقاله او تفاحه او نصف رمانهااو نصف موزه ههكذا وصفتلي طبيبه السكر ربي يشافينا وويعافينا ويحفظ اولادنا يا رب ويجعلها ساعه هينه يسيره
اامين

[مطيورة]

الله يساعدك

انا جاني سكر حمل في ولادتي الاولى مع اني نهائي ما اكل سكريات وحلويات الا ناااادر
بس لاني وانا حامل سويت عملية وتأثرت نفسيتي كثير وجاني السكر في الشهر السابع

ونفسك قالو فيك سكر وامتنعي عن السكريات ولا افادوني بأي شي نهائي
وانا ما اهتميت كثير لاني كنت متحطمة من بعد ما سويت عمليه
واصلا اي حلويات اللي بأمتنع عنها وانا ما اكل سكريات !!

وولدت بعمليه ,, وكان الجنين متنفخ

المهم اللي بقولك اياه لا توسوسين لان هالشي يرفع السكر

انا ما سمعت ان الجنين يموت او شي

اعرف واجد جاهم سكر حمل 500
وبالانسولين وحاله حاله

وولدو الحمدالله

وكلي امرك لله واعملي بالاسباب

[دلوعـ زوجي ـة]

الف لاباس عليكي حبيبتي معليش اتحملي شويه ونظمي السكر لجل صحتك وصحه النونا