اختي ام زوجي خيار لا خيره فيه

[ام فلاح]

السلام عليكم ورحمة الله وبركاته
اخباركم
انا عندي مشكله ومتعبتني بحياتي واااااايد وابي منكم الحل الله يخليكم

انا زوجي مايحب اختي لانه صااارت معه مواقف كثيره منها هي الغلطااانه ومعه حق مع العلم انها اكبر وحده فينا وفيه مشكله صاااارت معها هي وزوجها بدايه زواجنا وسببت لي متاعب خواتي خمس وكلهم يطلعون ع ازواج خواتي الباقين عااادي عندهم ولما تزوجت قال زوجي تغطي عن زوج اختي وتغطيت وقالي لما تكوني عند اهلك وجاء زوج اختك لاتسلمين ويعلم الله ماسلمت ولدرجه ماعاد اطلع من البيت ع شان مااصادفه وفي يوم تعبت اختي وطلبته اروح لها وقالي لاتسلمين والا تغطي اذا شفتيه ورحت ذاك اليوم وقالت اختي انه ماراح يجي ولكن قبل لانروح كنت اجرب ملاابس عندها في غرفه النوم الا وهو داخل علينا ماكان معي الا ارفع الشيله ع وجهي مع العلم اني شهقت وصاارت اختي تطاالع فيني من شهقتي المهم لما رديت البيت عرف زوجي اني ماتغطيت بلا حطيت الشيله ع وجهي زعل ولا صااار يكلمني ثلاثه ايام ولا وداني عند اهلي تعبت نفسياا ليش يسوي فيني كذاا ليش
وبعدها حلف اني ماااروح لبيت اختي خير شر هل من الحق انه يقطع صلتي بختي

ومدري وش اسوي احبه ومابي اخسره واحب اختي وماااابي اقطعها

سؤال هل لو صااار شي لي من اخوووه او اخته وقلته لا تجيهم سوا معي كذا بيقطعهم مستحييييييييييييييييييييييييل طيب ليش مايفكرون فينا ليش صرااااحه انا تعباااانه وابيكم تشفون لي حل واللي يرحم والديكم والله اني افكر احيانا بالموووووت ابي ارتاااااااااااح ابي انسى

[**سماسم**]

طيب يالغاليه أشرحي الموقف إلي صار لزوجج وفهميه أنو هذا الشيء لابيدج و لابيدها دخل ونتم ماتدرون أنه راح يجي بهذا الوقت ..
و إذا رافض زيارتج لختج خلاص أنتي خليها تجي لبيتج أو تقدرين تتواعدين أنتي وياها ببيت أهلج ..
يالغاليه ترا المسأله ماتحتاج أنج تزعلين روحج لهذي الدرجه وتقدرين بالأسلوب تقنعين ريلج بالي تبينه ..
وبرضوا فيه كذا وسيله تقدرين تتواصلين فيها مع أختج بدون ماتدخلين بيتها وبكذا أنتي ماتقطعين بختج و لاتخسرين وتزعلين ريلج ..

[سكون الليل]

يا قلبي مثل ما قالت سماسم ولا تنسي تدعي ربنا يفرج همك وييسر امرك

[سكون الليل]

يا قلبي مثل ما قالت سماسم ولا تنسي تدعي ربنا يفرج همك وييسر امرك

[زهرة البنفسج]

انا ايضا مع الاخت سماسم
وبعدين حرام تكشفون لرجال اخواتكم يعني زوجك معه حق

[ام فلاح]

المشاركة الأصلية كتبت بواسطة **سماسم**

طيب يالغاليه أشرحي الموقف إلي صار لزوجج وفهميه أنو هذا الشيء لابيدج و لابيدها دخل ونتم ماتدرون أنه راح يجي بهذا الوقت ..
و إذا رافض زيارتج لختج خلاص أنتي خليها تجي لبيتج أو تقدرين تتواعدين أنتي وياها ببيت أهلج ..
يالغاليه ترا المسأله ماتحتاج أنج تزعلين روحج لهذي الدرجه وتقدرين بالأسلوب تقنعين ريلج بالي تبينه ..
وبرضوا فيه كذا وسيله تقدرين تتواصلين فيها مع أختج بدون ماتدخلين بيتها وبكذا أنتي ماتقطعين بختج و لاتخسرين وتزعلين ريلج ..

يدري انها صدفه بس لانه محذرني قبل لاطلع عصب حبيبتي كلامك درر صراااااحه ريحتيني الله يريحك دنيا واخره ويحققلك مرادك

اسعدني مرورك العطر

[ام فلاح]

المشاركة الأصلية كتبت بواسطة سكون الليل

يا قلبي مثل ما قالت سماسم ولا تنسي تدعي ربنا يفرج همك وييسر امرك

مشكورره حبيبتي ع المرور وبالفعل كلام سماسم مضبوط وان شاء الله راح اكثر من الدعاء لي ولك دمتي بود

[ام فلاح]

المشاركة الأصلية كتبت بواسطة زهرة البنفسج

انا ايضا مع الاخت سماسم
وبعدين حرام تكشفون لرجال اخواتكم يعني زوجك معه حق

كلام سليم وادري ان معاه حق انه حراااام بس كل خواتي يطلعون الا انا ماقنا شي بس انا وختي مانا دخل بزوجها قلعته لا سلم عليه ولا حتى اشوفه بس اختي ليش ؟ يعطيك العافيه يابعد عمري ووفقك الى مايحبه ويرضاه شاكره لك مرورك

[زهرة البنفسج]

الله ييسر امرك حبيبتي ويسخر لك زوجك يارب

[Wteen]

حبيبتي زوجك مهاه حق لانه حررررام زي ماقالت الاخت
الرسول صلى الله عليه وسلم حذر من الحمو
وقال الحمو الموت
بالنسبه لاختك وضحيلهااا وجهة نضر زوجك
انه زوجي مانعني لانه حراممم مو كره فيكم بس هذا الشرع وانصحي خواتك
تكسبين اجرهم
حبيبتي نصيحه تمسكي في زوجك واضح انه انسان يخاف الله
ولا كان ما همه
الله يهدي بالك ويكتبلك الي فيه الخيررر