قصتي كاملة من 130ك الى 50 الحقووووووووو

[انا منتازة]

بسم الله الرحمن الرحيم
السلام عليكم ورحمة الله وبركاتة العنوااااااان واضح ومايحتاج شرح اكثر
بدخل بالقصة على طول
انا والحمد لله على كل حال سمينة من وانا صغيرة
واستمرت سمنتي لاني احب الحلويات بشكل جنوووووووووووووني
المهم كبرت ومرت السنين
لقيت نفسي بالمرحلة الثانوية ولاحظت البنات واجسامهم وطريقة لبسهم بالمراييل او بالملاهي او بالعزايم
وكنت احس بحرقة بعدها .قررت احط حد فاصل
وفعلا
بديت الرجيم الكيمائي وانا في 2 ثانوي بعدها .. بداء وزني بالنزول وقتها كان وزني 120 ونزل وزني بدون مااحس ..بعد فترة لقيت ملابسي صارت واسعة ...وفرحت وتحمست واستمرين لمدة 3 شهور بعدها صار وزوني بدون مبالغة 75 ...طبعا كنت امشي بشكل رهيب بالمدرسة وااكثر شي الدرح اطلع للدور الثالث واتمشى وانزل وزي كذا تعرفون عاد حركات البنات بالمدرسة :) المهم
بعدها تخرجت من الثانوية ودرست الكلية وبدأت معاناتي
بدت القهاوي والحلويات والصواني
وشوي شوي زاد وزني كل مره اقول ماعلية بسوي نفس الرجيم وانحف لاكن للأسف كل مالي ازيد واسمن اكثر واكثر
لحد ماصار وزني 90 بعدها انخطبت وتزوجت ..رحت حاولت انحف بس ماقدر انزل الا 10 كيلو
بعدها بكم سنة حملت .......
وهنا بدت المصيبة
بعد ولادتي بداء وزني يزيد مع حبوب منع الحمل واستمرت المعاناه معي لمده سنتين...
صار وزني بالفترة هذي 130 حتى زوجي بداء يتذمر مني
الناس كلها تطالعني بنظره شفقة
احس بنظراتهم كأنهم يقولون مي قادرة تمسك نفسها عن الاكل
وبعضهم احسهم يقولون الله يعينها ع الشحوم اللي جالسة تتمشى فيها كل يوم
بديت احس بنقص بنفسي
خاصة بالعزايم .. الطلعات .. الجمعات .. الكل يطالعني
حتى اذا رفعت عيني الاقي اللي قدامي كلهم يطالعون عند يدي قد ايش اكلت يعني
ولما اقول الحمد لله وانا ماكلة شوي بس احس اني شبعت يقولون اجلسي ماكلتي شي بتجلسين جيعانة وماراح اشبع الا بعد ماامسح الصحن ...
طولت عليكم بس عشان تعرفون القصة كاملة ..
بعدها خلاص طفح الكيل وحلفت لاغير حياتي تغيير جذري
وفعلا بديت اجمع انواع دايت
اشتريت شاهي الضيافة
اشتريت حبوب تخسيس
اشتريت سير كهربائي
اشتريت مقادير خلطة للشعر من العطاره
اشتريت كريم فازلين حق العناية بالاظافر
اشتريت فيتامينات كاملة للجسم والشعر
قررت ابداء بداية كاملة ..
وبداءت ..
السير اقل شي 3 ساعات باليوم ساعة ونص بالنهار وساعة ونص بالليل
خلطة الشعر مرتين بالاسبوع وكل مره 8 ساعات
الفيتامينات بعد كل وجبة
الشاهي مره وحدة باليوم
واسمريت لمده 3 اشهر ....
لو احكي لكم لبكرة ماراح تصدقون جسم مشدود ...صح فية ترهل بسيط بسبب الحجم الكبير اللي كنت علية
اظافر صحية
شعر صحي
جسم رشييييييييييييييييييق رائع متناسق
بشره صافية ونسيت احكي لكم اني اسوي قناع الحليب والعسل
كل من شافني انصدم صرت مضرب المثل كل يطالعني بنظره اعجاب
الكل يقول صرتي اصغر ب14 سنة على اني صغيرة عمري 26 بس شكلي كأني 46
السمنة تخرب البنت
واهم شي ابو الشباب كان وربي يستحي مني اذا خرجت معة السوق او اي مكان
حتى انة يتعمد انة مايكون قريب مني ودايم يفصل لي اكبر حجم بالعبايات
وعلى كذا دايم اسمع العباية ضيقة ..
كنت ابكي بحرقة صرت اشك بنفسي مااقدر انزل سوق ولا اروح مكان
والحين خلاص صار هو اللي يطلعني في كل مكان
واحسة فرحان ومفتخر فيني كأنة يقول زوجتي اروع وحدة بالكون ..
كلام مااقدر اوصفة ولا راح احد يعرفة ولا يحسة الا اللي
كان بمكاني ونحف وحس بطعم الرشاقة ..والصحة
والان وزني 50 والحمد لله وبستمر لحد مايصير وزني 45 عشان تقوس علية ملابس الماركات عندهم اطقم تشق الوجة من حلاتها ..ويبغالها جسم عارضة ازياء والحمد لله باقي لي 5 كيلو ع جسم عارضة الازياء ... وزوجي ميت علي شوي ويبوس رجليني من كثر ماهو فرحان ..
كتبت تجربتي هذي عشان الكل يعرف ان مافي شي مستحيل .. وان الحياه حلوة بس الواحد يعرف كيف ينظم حياتة ووزنة ,,, في رعاية الله وحفظة .

[المتأمله خير]

حبيبتي الله يديم عليك الصحه والعافيه ومبروك الوزن الجديد

سبحان الله موضوعك انا اليوم قررت مقاطعة الشبس والشوكولاتات والحلويات والله من الصبح ما اكلت شي الا بس مي دافيه وقطعة فطاير صغيره انا طولي 177 ووزني 86
بس لو تكتبيلي شو الفيتامين اللي اخذتيه

[وصال الفردوس]

حبيبتي مبروك عليكي الوزن الجديد وشجاعتك القوية اختي ارجو انك تكتبينا شو الي اخذته بضبط وكم تاكلين وجبة في نهار بتفصيل ارجو ان تفيدينا اكثر حبيبتي متاملة خالص راح نسوي رجيم مع بعض والي توصفنا ايها ممتازة راح نعمل فيه انا طولي 168 وزني 74 والله كل ماجي اعمل دايت اعمله وبعدين اخربه تبيلي قوة وشجاعة ممتازة يلا قولينا وشجعينا اكثر جزاكي الله الف خير على موضوعك المهم جدا جدا جدا

[انا منتازة]

الف شكر لكم حبيباتي من جد حسيت اني اخترعت صاروخ خخخخخخخخخخخخخخخخخخخخخخخخ
بس لي عودة ان شاء الله اكتب لكم الجدول
ثاني شي الحبوب اي نوع انا ماستمريت ع نوع واحد
كل مره اطلب فيتامينات من الصيدلية للشعر والجسم ويعطيني
تقريبا سعرها 10 ريال او 11 ريال وفية نوع ثاني ب70 بس انا اهم شي عندي انه فيتامين وبغض النظر عن السعر
اطلب اي نوع
وراح اكتب لكم الجدول كامل .. تعبت تعبت اول يومين بعدين خلااااااااااااااااااااااص اصلا فرق معي جسمي من اليوم 3 مع المشي
وتحمست ونقص وزني وصغرت بطني شوي من اليوم الثالث فرررررررررررق وراح تتحمسين وماشاء الله اوزانكم مو كبيرة يعني حدك ابو شهر ونص او شهرين وانتو مثل العووووووووووووووود

[انا منتازة]

بسم الله الرحمن الرحيم
اولا حبيت ابداء لكم
انا بديت رجيم دشتي اللي اكثر من رائع
__________________________
الفطور:
كوب قهوة او شاهي
طبعا بدون سكر او كوب نسكافية او كابتشينو بس بدون سكر
2 توست بر مع شريحة جبن قليل دسم
طماطم خيار خضار اللي تبين
الغداء
2 توست مع شريحة برجر دجاج شريحة جبن قليل دسم مع واحد ددايت ببسي او سفن او فيمتو
خيار خضار
العشاء
دجاج مشوي بدون خبز مع سلطة بأي كمية السلطة مع دايت
واستمريت عليها طول المدة مع تغيير بسيط في الوجبات
واهم شي اني كنت اكثر سلطه والدجاج مشوي بعدين انزع الجلد

كوب شاهي الضيافة تراه يسبب اسهال ممكن تستعملين شاهي جامبو نفس المفعول ومايسبب اسهال

اشرب عصير 2 كاس باليوم لاكن بدون سكر مثلا عصير برتقال او تفاح المراعي
بدون سكر

كل شهر عندي يوم مفتوح ...اكل فية 2 حبة كاكاو ووجبة احبها بس..
مثلا كنت اخذ واحد مارس + باونتي + بيتزا وفطائر
واحيانا معصوب
على حسب ماتشتهية نفسي ..
لاكن وجبة وحدة بس وبدون لخبطة ..

السير كنت ابغى ابكي وانا اامشي بس الحمد لله ربي اعانني علية وصرت احب امشي
اطالع بالتلفزيون وعلبة موية كبيرة معي ومنشفة ع اكتافي والحمد لله كل شي
مر مثل الحلم ...
خذيها قاعدة دائما مافي شي يجي بالسهاله ولا في شي سهل كل شي بدايتة صعبة دائما
تخيلي نفسك وانتي تمشين ع السير انك تلبسين قصير وكل اللي نفسك فية وكيف راح يكون
علية جسمك بعد اسبوعين .. لاتفكرين بعيد خليك كل اسبوع تشوفين المعجزة
كيف ينحت الجسم ويتخصر مع السير
بالاخير لاتنسوا الاستغفار وذكر الله وطلب المعونة من الله
فوالله لو طبق المشرق على المغرب لن تحصل غير ارادة الله فسألي الله ان يعينك على ماانتي ترمين اليه

الشعر الحمد لله مافي تساقط عشان كنت استخدم زيت فاشكول+ زيت النارجيل وبعدها اغسل شعري واحط علية سيروم
مرتين بالاسبوع فقط

الاظافر مثل ماذكرت استخدمت فازلين الوردي حق الاظافر رائع يقوي ويطوول الاظافر بسرعة


وهذي كل تجربتي اتمنى اكون افدتكم وياليت ..... ترسلون لي بعدين وش يصير لكم عشان نعرف كم وحدة استفادت ونحفت
اهم شي تبدين دامك متحمسة لان بعدين خلاص بيطفى حماسك وترجع حليمة لعادتها القديمة ..
حطوا حد فاصل لحياتكم من الحين ..مع بداية السن الجديدة وقبل مايجي الصيف .. شدوا الهمة
استودعتكم الله ....اختكم السمينة 130 سابقا.....

[انا منتازة]

طبعا رجيم دشتي بديت فية اسبوعين بس لانة بروتين كثير بعد مانزل وزني وقفتة وبديت الرجيم اللي انا كاتبة فوق..

[فوضت امري لله]

الله يتمم عليك ياقلبي

صراحه تشجعت ان شاء الله


اتنازل واسوي رجييييييييييييييييييييم


بس توقيعك انتي حامل

انتبهي لنفسك

واذا ولدتي لاترجعين للسمنه الله يعينك ويقويك

[انا منتازة]

لا هذا توقيعي القديم .. الحين ولدي الله يحفظة عمرة 3 سنوات

[وصال الفردوس]

الله يخليكم ويحفظكم فوفو ابي اسئلك سؤال وابي الصدق كم وزنك الحين وكم طولك علشان لما نعمل دايت نعرف ايش نقصت كل وحده فينا...................

[فوضت امري لله]

وزني 82

بس طولي ما اعرف ياقلبي

لاطويله ولاقصيره

واحس جسمي بس يبي اطيح منه كم كيلو بس

ههههههههههههه واثقه من نفسي خخخخخ