نفسي احمل وخايفه

[املي رضا الله]

السلام عليكم ورحمه الله وبركاته

خواتي انا متزوجه صار لي سنه وعمري 18 سنه واجهضت مرتين
وصار لي اسبوع من اجهضت الثاني توقف النبض في الاسبوع السادس ونزل وانا في الشهر الثالث
وعندي موعد بعد 3 اسابيع لمعرفة السببب
صرفت لي الدكتوره حبوب حديد فيفول ما ادري ليه ومحتاره هل اخذ الفوليك اسيد ولا لا
لاني خايفه احمل وبنفس الوقت عندي رغبه قووووووووووويه والله نفسيتي زفت ولاصرت اتحمل شي
الحمدلله على كل حال
تنصحوني اخذ الفوليك اسيد ؟؟ ووش فايده الفيفول هذي
نفسي احمل وخايفه هل فيه فرص حمل سليم بعد اجهاضين بأذن الله؟؟
وانا وزني40'بس وطولي 156!هل ممكن يكون هو سبب الاجهاض مع ان كثير غيري كذا

[تووووووووووتة]

حبيبتي الله يعوضك خير ان شاءلله

اولا انتبهي لاتحملين دحين اصبري ثلاث شهور حتى الرحم يستعيد قوته لان لو صار حمل والرحم تعبان ممكن يصير اجهاض اخر
انا وقت ما اجهضت قالت لي الدكتوره انتبهي في فيه فترة تبويض بعد الاجهاض باسبوعين لازم تسوون عزل الين يستعيد الرحم صحتة
وحمض الفوليك مفيد ومامنه ضرر الدكاتره ينصحون بتناوله قبل الحمل لمده 3 شهور وبعد الحمل 3 شهور
عشان يقي من التشوهات الخلقية باذن الله
والحديد مهم عشان يعوض الدم الي نزل منك واذا كان عندك فقر دم

الله يرزقك بالحمل السليم المعافى

[الجوورية]

الله يرزقك بالحمل السليم و يفرحك بشوفة مولودك يارب استني ع نفسك ارتاحي شوي الفوليك اساسي و الحديد كمان و الكالسيوم هي اللي تنصرف للحامل ما أوصيييييك عليك بالدعاء


و ارقي نفسك و تحصني بعد الفجر و المغرب و إذا سار حمل بأذن الله انصحك بتحصين جنينك كمان

و ربي يفرج همك و يفرح قلبك يارب

[مجنونة بحبها]

الله يرزقك الحمل السليم

لاتخافي انا اجهضت مرتين والثالثه تم حملي

وربي رزقني بنوته مثل القمر ربي يحفظها

ويرزقك كل ماتتمنين

[روز بااريس]

لازم تسوين التحاليل حقة الاجهاض المتكرر

ولازم تاخذين الفوليك يمنع الاجهاض لو صار حمل باذن الله

انتي ارتاحي هالشهرين لحد ماتعرفين الاسبااب عشان تبعدين عنها

والله يرزقك يارب

[روح إنسانه]

انتي نفس وزني وطولي وعمري هههههه
انا اجهضت من سنه وعطتني حمض الفوليك هو نوع من الفيتامينات تقول دكتورتي عشان ماجهض مره ثانيه
توكلي واستخدميه :)
وبما ان ربي رزقك ماشاء الله لاتخافين وسسوي فحوصات عشان يعرفو سبب الإجهاض عشان تتطمنين

[املي رضا الله]

لكل اللي مروا جزاكم الله خير ورزقني واياكم من واسع فضله
الله يسعدك روح انسانه ههههه
بس وش التحاليل اللي سويتوها انا عندي موعد بعد اسبوع وصار لي اسبوعين من اجهضت
وودي اعرف وش التحاليل المطلوبه واللي سوو تحاليل هل في سبب وتعالجتي منه وحملتي ؟؟
وهل اذا كان مافي سبب وكل شي سليم يعني خلل في تكوين الجنين هل ممكن اجهض مره ثالثه

[املي رضا الله]

وينكم يابنوتات

[روح إنسانه]

والله اني حاسة فيك لما مريت بتجربتك
بس بقولك شي ترى الإجهاض مرتين شي طبيعي وان شاء الله يتم حملك بالثالث
ايوه ياقلبي روحي للدكتورة فاهمه وقولي ابي اسوي فحوصات للإجهاض المتكرر
واذا طلعتي سليمة شي طبيعي ان شاء الله لاتفكرين كثير وارتاحي فترة لاتحملين على طول
ربي يرزقك ياحبيبتي